Nehemi 9:13 - BII BILA

¹³ Má can o halataala, má tɔal le sɔɛi o nda lo o pembei Sinai coo. Má tiiyal nda silala sɔvɛlan, pɛɛkula toɲaalan a tɔŋnda diandaalan.

Nehemi 9:13 Referans Kwoze

Condii lisai 119:160

Sɔɔn nɔmndon kpow, toɲaa n co ni, silala nɔmndan kpede la sandu, la vanin le fɛɛn a fɛɛn.

Fulaa 20:1

O kon, mí Hala soaa sɔɔn mun kpow, mó dimi aa:

Fulaa 19:11

A va a bɛɛndiannda le diɛŋ, kani i toalnin ɲinkon o pembei Sinai coo nda kpow o hɔl.

Rɔmnda 7:16

Te i va pɛ dɛnɛ ya yeema loo tosaa, i cɛl dɔ́ɔ́ maa tɔŋndo naŋ.

Habakuk 3:3

Hala co fulaa Teman mò va hunɔɔ. O-Diandaa co fulaa o pembei Paran coo mò va hunɔɔ. Bɔɔbɔɔyɛi ndɔɛi tiw o halataala sɔ́ mí lɛŋnden le pia a biilu ndɔɔ.

Esai 64:3

Kabi bɛɛ n sina le, n tui le, kabi bɛɛ n ci mí hala celen o nɔm (Hala naa) kɔɔli, o tosal lɔ vanaa tiindan ndu-a dɛnɛ kɛndɛ vaa lende le.

Esai 64:1

Maa mɛɛ yinnde yɔmii vesɛilen le bii nuaa yɛ, maa mɛɛ mɛmma co ŋolɔɔ-an ma vela yɛ, lende koni yaamɔaa nɔmnda ndáà sinanin diola nɔmndan ni, mí vanaa-mangalaa-isɔɔa ndáà ɲiiya nɔm o hɔl.

Condii lisai 119:137

Éé Mɛlɛka! A sandu, tɔŋnda nɔmndan bɛɛ la sandu.

Tɔŋ miingua 33:2

Mó dimi aa: «Mɛlɛka cɛn Sinai mó hun. O cɛn isisi nda coo Seir, o soli pangeloo cɔnɔnndo o pembei Paran, o tiiya o vanaa ndɔa lo a mɛlɛkaa diandaa taw-taw, a ba ndɔ kɛndɔɔ, mó yɔŋ nda tɔŋndo maa leyin.

Tɔŋ miingua 5:4

Mí Mɛlɛka soaa a niaa sakpo o yinnden tɛɛn, o pembei coo.

Tɔŋ miingua 4:33

Vanaa-mangalaa-isɔɔa pum co, á tuei Mɛlɛka sɔɛi o yinnden tɛɛn maa niaa Israɛlla má lo yoomu-a?

Tɔŋ miingua 4:8

Ɔ́ɔ̀ vanaa-mangalaa-isɔɔa nɔ vɛlɛ tɔŋndan a silala sandaalan maa tɔŋ ya co hoo niaa hau yɔngoo-o-a?»

Fulaa 20:22

Mí Mɛlɛka dimul Moise sɔɔn mun le Israɛlla mun tɛɛngullo aa: «La ce mɛɛ ya lo o halataala mí soaa o niaa lo yɛ.

Fulaa 16:23

Mí Moise dimul nda aa: «Ɲɛ Mɛlɛka dimul naa kpéŋ-kpéŋ le tosaa-o co hoo ni: siɔdii, paale pɛngiaalen le co ni. Paale pɛngiaale dindin mí le kɛsin teengen le Mɛlɛka len le co len ni. Lelan, ɲɛdiaa niaa bɛnda le toosiaa o cɛi loamaa buloo nin-ndo, la toosiaa ndu hau, ɲɛdiaa niaa bɛnda le yawvo-o, la yaw ndu hau. O niaa nɔ vɛlɛ o kon kɔɔli-o bɛɛ, la manda ndu ɲɛkɛndɛi le siɔdii.»

Tɔŋ miingua 4:36

O tosa mí la tuɛi diom ndɔɔ fulaa o halataala le niaa pɛɛkoo. O lɛŋnden coo, mó cɔm niaa yinnde ndɔle bɛndulen, mí la tuɛi diom ndɔɔ sɔɛi lenin.

Condii lisai 119:4

Nɔm Mɛlɛka, a cii nɛilan cɔm, la naa n bɛnda mì n kela coo lan.

2Masaa 17:37

La bii silalan, tɔŋndan a pɛɛkula ya sɛval niaa lan, mí la kela lecoo, la bɛnda mì la sooluu halaa celennda le.

Ɛsdras 7:6

Ɛsdras kon, vana sɛvaa latɔŋndo o va ni, ndóò sina tɔŋ Mɛlɛka Hala Israɛlla ndóò yɔngu Moise-o taw. Mɛlɛka Hala ndɔɔ va ndu Ɛsdras ikɛi. Lelan ɲɛ-ɲɛ ndóò ɲuna pɛ masaa ndóò sɔla ndu.