Nehemi 9:12 - BII BILA

¹² Nɔm Mɛlɛka, a va vanaa nɔmnda simndan laci ipala o tindile ikumnden nin, icɔl o tindile leyinnden nin le nɛi ndaa teengiaa.

Nehemi 9:12 Referans Kwoze

Nehemi 9:19

nɔm, a kaola nɔm nɔ lamɛɛlu loo, a mel nda o lɛŋnde veselɛilen nin te few! Tindile ikumnden le va nda vɛlɛ simndan laci, le va nda nɛiyo cɔmndo ipala, le faŋan nda ikɛi le, vundule leyinnden bɛɛ le va nda nɛiyo teengiaa laci icɔl o kɔlan.

Condii lisai 143:8

Le sɛ dɔ́ɔ́ pɛ idii, a cɔm ya kaola nɔmndo, kani nɔm ya tiindan ni. Cɔm ya nɛila ya kela coo lan, kani i muungu nɔm o ibuŋ.

Condii lisai 107:7

Mó cɔm nda nɛi sakpoo le kɔlan o kobi ndáà kila caltan-ndo nin.

Condii lisai 105:39

Mí Mɛlɛka soli yumbuyumboo, mó kumbu ndu nda coo, mó soli vɛlɛ yinnden le nda ɲɔɔ teengiallo icɔl.

Condii lisai 78:14

A tindile ikumnden o va nda simndan laci ipala ni, icɔl-lɛ, a tindile leyinnden.

Fulaa 15:13

Le tùú n lò o lediom coo-o, má sim yungu n baŋa hoo-o laci. Má yaa nda o calta nɔmnda diandaalan a kpaaya nɔm bɛndoo.

Kundalan 9:16

Mí ɲɔɔ va niko tosanndo lende lɔ́ɔ́-lɔ́ɔ̀, ipala kumnde va o Calta Mɛlɛka lan coo ni, icɔl niko, kumii ken ndíì siŋnun maa leyin.

Tɔŋ miingua 1:33

Nduyɛ, ndu va kɔlan niaa laci le niaa fondala niaa bɛnda le dɔ́ɔ́ngɔ́ɔ̀ kilaa lan nuwviallo ni. Icɔl, o va kɔlan niaa laci o tindile leyinnden nin le niaa nɛi niaa va kɔlan coo-o teengiallo, ipala o va kɔlan niaa laci o tindile ikumnden nin.

Kundalan 9:21

Lɔ́ɔ́ lepum, le lɔma lepilɛ koni kumnde ndíì sim o fondaa pum ni. Te ndíì faŋan dɔ́ɔ́ pɛ diimandɔɔ idiiyo, Israɛlla bɛɛ ndáà puusiaa dɔ́ɔ́ngɔ́ɔ̀. Lɔ́ɔ́ lepum, mì ndíì niinu mì ndíì lɔl o fonda kon malan ndíì hiaw laci, kɛ ndíì hiow dɔ́ɔ́ pɛ, nda bɛɛ ndáà puusiaa dɔ́ɔ́ngɔ́ɔ̀ le kɔlan.

Esekiɛl 20:6

Paale len, mí heelu baa coocoo, mí mɛnalan nda le nda faŋaa o lɛŋnde Esipte len nin, le nda yɔɔ o lɛŋnde ya mɛɛndian le nda len nin, lɛŋnde cɔlua a tɔlɔɔlan la naŋ nin taw-taw len, lɛŋnde hiow lɛŋnde kpow naŋɔɔ len.