Nehemi 9:10 - BII BILA

¹⁰ Má tosa dɛnnda kɔndɔfilta bɛndulan le Faraɔnnɔɔ cɔlɔbaa, le langbaa ndɔa kɛsun kálàá a vanaa va o lɛŋnde ndɔlen nin-nda kpow cɔlɔbaa, kani nɔm sina mɛɛ nda bii fuɲaa naa imamaa a yongaa yɛ. Mí diola nɔmndan la sɔla tɔ́ɔ́ bɛndoo, tɔ́ɔ́ kon co vɔ háá hau.

Nehemi 9:10 Referans Kwoze

Daniɛl 9:15

Sisa, Maalii Hala naa, nɔm soli cuavaa nɔmnda o lɛŋnde Esipte len nin a kpaaya nɔm bɛndoo-o, nɔm sɔla paale len tɔ́ɔ́ bɛndoo háá paalen-nden hau-vo, n cua hakio a nɔm, n tosa dɛnɛ vɔɔndo.

Yeremi 32:20

A tosa sindɛ dɛnnda kɔndɔfiltan a kaamaalan o lɛŋnde Esipte len nin. Háá hau, tɔ́ɔ́ nɔmndo co o bɔɔ Israɛlla a vanndacieea tɛɛn mɛɛ naa n co ndi cɔu sunsun yɛ.

Esai 63:14

Mɛɛ cɔlua kɔa a tolɔɔ o bóllo nin nuaa yɛ, lende koni nda va lɔ́ɔ́ Kɔl Mɛlɛka-o va nda yɔɔ o pɛngio nin-ndo ni. Lekɛ́ndɛi lende n yɛɛ vanaa nɔmnda le tɔ́ɔ́ bɛndu ivanabɛnduyaa sɔlaa ni.

Esai 63:12

Ndu hiilu ba ndɔ ivanabɛnduyaa Moise o o ba kɛndɔɔ coo ni, mó tɛnda mɛmma ihɛllan nda o hɔl, le tɔ́ɔ́ bɛndu fɛɛn a fɛɛndo sɔlaa.

Tɔŋ miingua 4:34

Vɛ̀ɛ̀ hala pum co o kɔ soli vanaa-mangalaa-isɔɔa pum le ndu pila o vanaa-mangalaa-isɔaa celen tɛɛn a dɛnnda bɛndulan, a kaamaalan, a kɔndifiltan, a cɔwlan a á kpaaya bɛndoo a vannda siòònde lueiyo-o? Nduyɛ lende Mɛlɛka Hala niaa soli niaa o lɛŋnde Esipte len nin ni, niaa pila co seiya le ken.

Fulaa 18:11

I sina nihau maa Mɛlɛka hiow halaa kpow ni, kani ndu pila cɔm kpaaya ndɔɔ telen Esiptea va Israɛlla bɛpɛlaa-o.»

Fulaa 5:2

Mí Faraɔnnɔɔ mulul nda aa: «Nɛ̀ɛ́-nɛ̀ co yɛ Mɛlɛka, o niaa yeema kon mì bii diom ndɔɔ le Israɛlla malɔɔ kɔnndan-ndo? I sina Mɛlɛka kon te, i melnin vɛlɛ Israɛlla kɔlan te.»

1Piɛr 5:5

Lende koni i co le niaa cuaa felengia ni, la tuisin kaasonnda o labɛngunin. O naaŋan niaa vellaa-velle nin, la nɔ kɔl tuisianndo, kani Sɛbɛ Hala-o dimi aa: «Simullo Hala simul vanaa yongaa ni, kɛ mo tosal vanaa tuisiannda kɛndɛi.»

Rɔmnda 9:17

Kani mí sɔɛi Hala-e dimulun masaa Esipte aa: «I siinguu nɔm masaa haliko mi cɔm kpaaya nuu o nɔm nin, mì diola nilan la kela tɔ́ɔ́ o lɛŋnden kpow coo.»

Dɛnnda kiilaa 7:36

Ndu soli nda o lɛŋnde Esipte len nin ni, mó tosa dɛnnda kaamaalan a dɛnnda kɔndɔfiltan o lɛŋnde len nin, o mɛmma ihɛlma makpɛ̀ndɛ̀an taŋɔɔ, a o vɔsila belehiɔɔlula nda cii o lɛŋnde veselɛilen nin-ndan bɛngu ni.

Daniɛl 5:23

Má simul Maalii co o halataala-o, má cua ɲɛm diandan va o cɛi ndɔɔ nin-ndon, má kol mɔiyan lenin niaa vanaa bɛndua nɔmnda, laandaa nɔmnda a sámáá nɔmnda. Mí la lisa piɔmaa cɔwnun a sianion, a volin humbon, a daɲan, a cilinndon, a yɔmnde a á powtan-nda. Piɔmaa niaa kan yɛ, a ci le, a tui le, a bii ɲɛ-ɲɛ bila le. Kɛ, má sooluu nda, má kɛɛ Hala nɔ yoomu nɔmndo a siɔdii nɔmndo o ba-o biiloo.

Esekiɛl 20:9

Kɛ mí tosa ɲɛ pum le diola nilan, yɔŋii la tambu vanaa-mangalaa-isɔɔa nda va tɛɛn-nda o hɔl, kani vanaa-mangalaa-isɔaa kan o hɔl yáà cɔmnun Israɛlla le nda solio o lɛŋnde Esipte len nin ni.

Condii lisai 83:18

Màá siɛmbulan la tol nda mà va a siòònde lɔ́ɔ́-lɔ́ɔ̀! Màá a tambu labɛɛ, mà cuu kpede!

Fulaa 7:1

Mí Mɛlɛka dimul Moise aa: «Tofa vɔ, i siinguu nɔm maa hala Faraɔnnɔɔ o hɔl, mí siinguu Aarɔn bɛ nɔm vana-tɛɛngaa-diom Hala-o le nɔm.

Fulaa 3:20

Le hee, ya pila i co dɛnɛ tosa mì cɔm kpaaya nuu o lɛŋnde ndɔlen nin a sɔɔn kaaman. O kon o malnin niaa mì la kɔɛ.

Fulaa 9:16

Kɛ o mɛi nɔm yoomu le nɔm kpaaya ndɔɔ cɔmndo a le tɔ́ɔ́ ndɔɔ sɛŋio o lɛŋnden coo kpow.

Nehemi 9:16

Kɛ mí fuɲaa naa imamaa tosa yongaa, má kɛɛ nɔm diom, a yeŋ nilan o tɔŋnda nɔmndan te.

Nehemi 9:29

Má baŋ nda le tɔŋ nɔmndo biyɔɔ, kɛ má tosal nɔm nila kalulan, a yeŋ nilan o tɔŋnda nɔmndan te, má kɛɛ le silala nɔmndan biyɔɔ. Nduyɛ, silala lan, la co vanaa co lan biyɔɔ-a ciindiaa. Má tosal nɔm yongaa a nila kalulan, má kɛɛ le nɔm yaŋnɔnndo few-few.

Tɔŋ miingua 7:19

La loonun a tɔɔndannda bɛndula niaa ce a lehɔl-tan, la loonun a kaamaalan a á sɔɔn kɔndɔfilin niaa ce-on, a mɛɛ Mɛlɛka Hala niaa soli niaa a kpaaya bɛndoo o lɛŋnde Esipte len nin yɛ. Lende koni Mɛlɛka Hala niaa tosanin a vanaa-mangalaa-isɔaa niaa co haa siòònde yɔŋndo-a kpow ni.

Esai 42:20

A ce sɔɔn taw, kɛ a manda mun te, vannda nɔ nilan la kumbialan, kɛ a tui le.