Nehemi 9:1 - BII BILA

¹ O paale bidiin a lehiɔɔlundɔlen coo o paangii pilɛi ken nin, mí Israɛlla cuungian le sumndo biyɔɔ. Má vownun volɔɔla yuululan, má suinun vɛlɛ loolio o lebol.

Nehemi 9:1 Referans Kwoze

Nehemi 8:2

Mí Ɛsdras vana-solia-lasálàá hun a sɛbɛ tɔŋ kon vannda kpow o hɔl, vanpiaandua, vanlaandua a vanáà tiwba le tɔŋndo bilaa biyɔɔ-a kpow. Ɲinkon va paale taselen o paangii ŋɔmmɛwndɔɛi nin ni.

Ɛsdras 8:23

Lelan naa n bii sumndo ni, mí n piɛi Hala naa, mó muli piɛile naalen.

Yosue 7:6

O kon mí Yosue sɛɛsian volɔɔlan lekɔɔ, mó del o kuumbuan lɛŋ kesu kpemaa o hɔl, mó lo lende háá icɔllo, má vownun cundoo o lebol nda kaasoŋaa kɔlkalua Israɛlla kpow.

1Samiɛl 4:12

Paale len, mí vanndo pum, fulaa o polale Bɛnyamɛn-nden nin o hialun o yondo cɔwvo nin, mó tiiya háá Silo a kiltan paale pilɛle len. Volɔɔla sɛɛsiɛilan la va ndu lekɔɔ, loolio va ndu o lebol.

Esai 22:12

Lelan, o paale len coo, Maalii, Mɛlɛka-Nɔ-Kpaayaa-Kpow-vo ndóò tosanin mí niáà caŋ, mí mɔnɛi ndíì luɛi niaa, mí niáà sendin tembeltan, mí niáà vownun volɔɔla nɔɔlɛilan.

SƐBƐ YƆB-O 2:12

A lo lándán má tofa ndu, kɛ a nɔla ndu sinaa le. Má caŋ fúkpàà-fùkpàà, má sɛɛsian domala ndala bɛndulan lekɔɔ, má dɔawnun loolio o lebol.

Ɛstɛr 4:16

«Kɔ cuungiaa Yuifia co Suse-a kpow nɛɛ pilɛ, mì la bii sumndo le ya, la dia ɲɛ-ɲɛ le, la kol te, háá palɛi ndii yáá, niinoo a lɔan. Ya bɛɛ, i biinin sum pilɛ kon naa buɛyaa nia laandua. O kon kɔɔli, i kɔanin o masaa lo, hali tɔŋndo co bɛɛ o yiyaa lende. Te vu ni, i kɔ vu.»

Ɛstɛr 4:3

O tàndàlan kpow nin, nɛɛ-nɛɛ tɔŋ masaa ndóò yii kon-ndo ndóò tueinun pɛ, ndóò siŋnun maa dɛnɛ biisi bɛndu le Yuifia. Má kandu sumndo biyɔɔ, caŋndo a koŋullo, mí vannda taw a vownun yalalan, má va hinilan o pultan nin.

2Dɛnnda lemasalan 20:3

Mí siòònde bii Yosafat, mó kialun o kɔl le Mɛlɛka piɛiyo, mó yɔngu yondaa o Yudaa kpow lo le sumndo biyɔɔ.

2Dɛnnda lemasalan 7:10

Paangii ŋɔmmɛwndɔɛi va malɔ bidiin a leyàá, mí Salomɔn mingi vannda o la nda lo, má kɔa o cɛila-kolala-toandaala ndalan nin a ɲaaloo a kɔlta kɛndɛlan le dɛnɛ kɛndɛ Mɛlɛka ndóò tosal David, Salomɔn a vanaa ndɔa-o, Israɛlla pɛɛn.

2Samiɛl 1:2

O paale yàándɔlen, mí langbanɔɔ pum fula o dɔ́ɔ́ngɔ́ Saul-lo nin, mó hun. Volɔɔla sɛɛsiɛilan la va ndu lekɔɔ, loolio va ndu o suiyan o lebol kpow. Ndóò sɔɔnguuo David ikɛi, mó del lɛŋ, mó baŋ vulan.

Masaa kialaa n'yamaa 20:26

Mí Israɛlla kpow a kɔ cal Mɛlɛka o hɔl Betɛl, má caŋ. Má niinu ɲinkon kpɛŋ o sumndo nin. Má solul Mɛlɛka sálàla loamaalan a sálàla kɔlɲululan.

Tɔŋ lasálàá 23:39

Te paangii ŋɔmmɛwndɔɛi ciŋa pɛ palɛi tɔ́ a iŋuɛɛnu, mì la cii nin tɔlɔɔla niaalan kiɔndɔɔ a ciɛɔn niaan kovɔɔ o lɛŋnde len kpow nin, la kandu ɲinkon kafoo tosaa le ya Mɛlɛka. Kafo kalaa tosannin háá palɛi ndii ŋɔmmɛw. La tósà baalaa o paale taselen a o paale ŋɔmaandɔlen coo le.

Tɔŋ lasálàá 23:34

«Soo o Israɛlla lo ma dimul nda aa: ‹Paangii ŋɔmmɛwndɔɛi ciŋa pɛ palɛi tɔ́ a iŋuɛɛnu, la kandu ɲinkon kafo lakùùo tosaa le ya Mɛlɛka. Kandɔɔ paale len, háá palɛi ndii ŋɔmmɛw, kafo kon bɛnda mò va tosanndo.

Dɛnnda cɔɔmuanndan 11:3

I viamnin seyaa nia ŋiɔnda, a vanin a volɔɔla dɛnɛ palaalan lekɔɔ, mà tɛɛnguu diom nda sɔla Hala o ba-o o palɛi vàá pilɛ kɛmɛ lediin belaŋɔmpumii (1 260) ken bɛngu.»

1Samiɛl 7:6

Mí Israɛlla cuungian Mispa. Má kɔandu mɛnndan, má cuuŋuu man lɛŋ Mɛlɛka o hɔl, má bii sumndo paale len. O kon kɔɔli, má sɔlɔlan hakila ndáà cua a Mɛlɛka lan. Mispa lon Samiɛl siŋnun simlacinɔ Israɛlla ni.

Ɛsdras 8:21

Nɛɛ naa n va o peo Ahava kɔngɔ-a, mí yɔngu yondaa le sumndo biyɔɔ le tuisinndo tootoo Hala naa o hɔl, haliko mi ndóò kanda naa pila, cuavaa naa a ɲɛm naan, mì náà n sɔla kɔlɲuloo o kɔlan.

Yɔɛl 2:12

Mɛlɛka dimi aa: «Lelan nihau, la muungu ya o ibuŋ. La muungu ya o ibuŋ a kɔlta niaalan kpow, a sumndo biyɔɔ, a caŋndo a á cɛɛŋɔnndo.»