Nehemi 8:9 - BII BILA

⁹ Mɛɛ vannda tuei sɔɔn tɔŋndo dimi-on, mí nda kpow a del a caŋndo. Mí Nehemi masa ibungaa, Ɛsdras va vana-solia-lasálàá a vana sɛvaa latɔŋndo-o a leviaa va vannda pɛɛkulan yɔngoo-a dimul nda aa: «Paalen nden hau, paale diandaalen le co le Mɛlɛka Hala niaa ni. Lelan la va hau a hɔlaa yiyaa le, la caŋ te!»

Nehemi 8:9 Referans Kwoze

Nehemi 7:70

Mí vanaa va bolii lapangɛi-ya pum a yɔngu sianin n'kpungan vaalan bidiin (20 000) a volin latámán kilolan vàá pilɛ a kɛmɛ (1 100).

Nehemi 7:65

O kon mí masa ibungaa dimul nda maa a dia ɲɛm diandan te, háá fɔ mì vana-solia-lasálàá ɲuna Mɛlɛka o urim a tumim hiiloo nin.

Tɔŋ miingua 12:12

La vanin a kɔlkɛndɔɔ Mɛlɛka Hala niaa o hɔl: niaa pila, poaa niaa, cuavaa niaa laandua, buɛyaa niaa piaandua, buɛyaa niaa laandua a leviaa vanin o kobila niaalan nin-nda. Kani leviaa kan nda nɔ ɲɛ a kɛ́ lelɛŋ maa niaa le.

Nehemi 8:2

Mí Ɛsdras vana-solia-lasálàá hun a sɛbɛ tɔŋ kon vannda kpow o hɔl, vanpiaandua, vanlaandua a vanáà tiwba le tɔŋndo bilaa biyɔɔ-a kpow. Ɲinkon va paale taselen o paangii ŋɔmmɛwndɔɛi nin ni.

Tɔŋ miingua 16:11

Mì la dɔwnun ɲaale Mɛlɛka Hala niaa o hɔl o fonda o hɛlinin le ndu pila cɔmnɔnndo-o niaa poaa niaa, cuavaa niaa laandua, buɛyaa niaa piaandua, buɛyaa niaa laandua, leviaa vanin icali o kobila niaalan nin-nda, mialaa vanin icali niaa o bɛngu coo-a, vííya a vanlaandua piaandaa ndaa vi-a, á vanin icali niaa tɛɛn-nda.

Esai 61:3

Le vanaa co o mɔnɛi nin Siɔn-nda (malaa), le nda lɔngɔlianndo o loolio nin faŋaa kuee, mì yɔngu nda mɔsil isalamayaa, le dɛnɛ palaa faŋaa nda coo, mì yɔngu nda cuɛima suunanma kɔlkɛndɛan, mì faŋa nda kɔl imɔnɔɔ coo, mì yɔngu nda ɲɛ cuɛinan sɔvɛɔ, yɔŋii nda va o kɔl tambɛiyo nin. O kon a veelunin nda aa vanaa tɔlnun pi o dɛnɛ sandaa nin-nda, tɔlɔɔ Mɛlɛka-o, o ó tɔl le biilu ndɔɔ cɔmndo-o.»

Vana Kɔlkaloo 3:4

Telenndo co le caŋndo, telenndo co le mamɔɔ, telenndo co le cɛɛŋɔnndo, telenndo co le yolan.

Ɛsdras 2:63

O kon mí masa ibungaa kuuna nda le ɲɛm diandan dioo háá lɔ́ɔ́ vana-solia-lasálàá ɲunanin Mɛlɛka o siondei malɔɔ a o urim a tumim tofaa nin-ndo.

Tɔŋ miingua 12:7

O fonda kon niaa vanin ɲɛdiaa dioo Mɛlɛka Hala niaa o hɔl ni, lon niaa vanin a kɔlkɛndɛ bɛndoo niaa yungula niaalan le valta niaala Mɛlɛka Hala niaa vanin duaa dɔvɔɔ lan ni.

Tɔŋ lasálàá 23:24

«Soo o Israɛlla lo ma dimul nda aa: ‹Paale taselen o paangii ŋɔmmɛwndɔɛi nin, la bɛnda mì la ce len maa paale pɛngiaalen le co ni. La cɔ vɛlɛ paale len maa paale loonannden le co le niaa ni. La bɛnda mì la cuungian ɲinkon, mì la lisa ya taw-taw a bululan hɔŋndo.

Rɔmnda 7:9

Paandu, i vannun yoomu, i ve o tɔŋ bɛngu le. Kɛ tɔŋndo hunɔɔ, mí hakio muungu yoomu,

Rɔmnda 3:20

Lelan, vana-vana sɔlanin di Hala o hɔl le tɔŋndo biyɔɔ le, kani tɔŋndo tosa ni mì hakio sinan.

Malasi 2:13

Diinndɔɔ, ɲɛ niaa co vɛlɛ tosaa-o co hoo ni: la co mɛmɛan peiyo o fonda-loamaa-lasálàá coo a caŋnda niaa co lan. Kani Mɛlɛka co lɛ bɛɛ sálàla niaalan tofa le, o co lɛ ɲɛ-ɲɛ cɛlɔɔ niaa o ba le.

Osee 4:6

Vanaa nia dɔwnun yɛɛvɛ le sina lepɛŋndo. Le tùú niaa kɛɛ le ya sinaa-o, ya bɛɛ i co niaa ɲindɔɔ ikɛi, la ve lɛnin o vali solia lasálà nuu nin te. Mɛɛ niaa pɔɛɛnun tɔŋ Hala niaa yɛ, ya bɛɛ i co cuavaa niaa pɔɛɛnɔn lende.

Nehemi 12:26

Nda kpow a va baalaa tosaa o telen Yoyakim po Yesua-o va masalen tosaa-o ni, Yoyakim po imama Yosadak-o pɛɛn. Telen Nehemi va masa ibungaa, mí Ɛsdras va vana-solia-lasálàá a vana sɛvaa latɔŋndo-o pɛɛn.»

Nehemi 10:1

«Le dɛnɛ yɔŋnun naa kon-ndo kpow, naa Israɛlla pɛɛn, mí n cua ciɛ́ɔn, mí n sɛva. Mí simlacia naa, leviia a vanaa-solia-lasálàà naa handu suon o sɛbɛ nda handu pondalen-ndo coo.

Ɛsdras 7:11

Tofa vɔ sɛbɛ masaa Artasɛrsɛs yɔngu Ɛsdras vana-solia-lasálàá a vana sɛvaa latɔŋndo a dɛnɛ Israɛlla o kɔɔ-o. Ɛsdras kon ndóò nɔ dɛnɛ sinaa bɛndoo o tɔŋndan a o silala Mɛlɛka lan nin. Sɔɔn va n'sɛvaa o sɛbɛ kon nin-ndon va mun ni:

2Dɛnnda lemasalan 35:3

Mó dimul leviia, á va vannda pɛɛkoo-a, á siŋnun kan teengen le baala Mɛlɛka-o-a aa: «La kɛsi kesu kpema diandaa o Cɛi-Hala Salomɔn masaa Israɛl, po David-o tangullo nin. La kɔa lɛ a ndu o lacongú le. Sisa, la tosal Mɛlɛka, Hala niaa a vanaa ndɔa Israɛlla baalaa.

2Dɛnnda lemasalan 34:21

«La kɔ mì la ɲuna Mɛlɛka isɔɔ o sɔɔn sɛbɛ tɔŋ nda ce hoo-o coo le ya, le vanaa tɔ̀a lo icali Israɛl a Yuda-a. Kani kɔltuw Mɛlɛka co hunɔɔ naa tolɔɔ coo-o vanin o bɔɔ! Bau fuɲaa naa mamaa bii sɔɛi ndɔɛi le, a kela mɛɛ sɔɔn sɛvan o sɛbɔɔ ho nin-ndon kpow n dimi yɛ le.»

2Dɛnnda lemasalan 34:19

Mɛɛ masaa tuei sɔɔn va o sɛbɛ tɔŋndo nin-ndon, mó sɛɛsian volɔɔlan lekɔɔ.

2Dɛnnda lemasalan 30:22

Mí Esekia soaa o leviaa ndáà nɔ yiyan kɛndɔɔ o lakɔl le baalaa Mɛlɛka-o tosaa-a lo kpow, mó luei nda yoomuan. Palɛi ŋɔmmɛw, a va ɲɛdiaa kafoo dioo, a va sálàla kɔlɲululan solio, a va vɛlɛ Mɛlɛka Hala fuɲaa ndaa mamaa biiloo.

2Dɛnnda lemasalan 15:3

Telen vilɛi hiow lɔ́ɔ́ kon, Israɛlla ndáà nɔ Hala kpeekpei le, vana-solia-lasálà ve nda tɛɛn le nda pɛɛku le, ndáà nɔ vɛlɛ tɔŋ te.

2Masaa 22:19

Le tùú sɔɔn mun pilan kɔl nɔmndo-o, le tùú n tuisin ya o hɔl lɔ́ɔ́ n tuei sɔɛi ya dimi a kobio ho a á vanaa co lenin-nda o kɔɔ-e-o, vanaa kan pɛɛn a dɛnɛ palaa a dangaa toalnin coo-a, le tùú n sɛɛsian volɔɔlan lekɔɔ, ma del a caŋndo ya o hɔl-lo, ya bɛɛ i tuei nɔm diom. Ya Mɛlɛka dimi lende ni.

2Masaa 22:11

Masaa tueyɔɔ sɔɔn va o sɛbɛ tɔŋ kon nin-ndon, mó sɛɛsian volɔɔlan lekɔɔ.

Tɔŋ miingua 26:14

I di ɲɛ-ɲɛ o ɲɛ kon nin telen ya va o sangaa nin-ndo le, i faŋa ɲɛ-ɲɛ lecoo le dɛnɛ nɔɔlɛi tosa a ndu le, i yɔngu ɲɛ-ɲɛ le dɛnɛ vana vílɛ́i le. I bii nɔm Mɛlɛka Hala nuu diom, mí tosa ɲɛ-ɲɛ n dimul-la le tosaa.

Nsaki 4:9

La sínán kɔɛi niɛi. Mɔnɛi bíí niaa, mì la caŋ. Mamɔɔ niaa bɛnda mò siŋnun mɔnɛi, mì kɔlkɛndɛ niaa siŋnun kɔl tambɛiyo.