Nehemi 8:8 - BII BILA

⁸ Má va sɛbɛ tɔŋ Hala-o dimio fɛ́ɛ́-fɛ́ɛ́ a ndu tɛɛsiaa, haliko mi vannda ndáà bii ɲɛ dimin lenin-ndo bila.

Nehemi 8:8 Referans Kwoze

Dɛnnda kiilaa 28:23

O kon mí simlacia Yuifia hɛli paale celen le bɔɔŋian-ndo. Paale len tiiyaa, mí nda kpow a muungu Pol tofa nɛɛ o va o yiya-a. Cɔn idiiyo háá icɔllo, Pol va nda sɔɔn tɛɛsiallo a Masale Hala len o kɔɔ. O va nda kɔltan pilanndo a tɔŋ Moise-o a á sɔɔn vanaa-tɛɛngaa-diom Hala-a le nda sɔɛi Yeesu-e tiiyallo.

Luke 24:45

O kon, mó kumbi kɔlta ndalan le Sɛbɛ Hala-o sinaa.

Luke 24:32

Má muungu dimulanndo vellaa-velle aa: «Sɔɔn ndɔn n va naa kɔltan pilanndo telen o va sɔɛi o naa lo nɛi-tɛɛn, mó va naa mun kɔlɔlan tɛɛsiallo o Sɛbɛ Hala-o nin-ndo.»

Luke 24:27

O kon kɔɔli, mó tɛɛsial nda ɲɛ sɛvan kandɔɔ o sɛbɛla Moise lan nin-ndo, kɔlan a o sɛvan o sɛbɛla vanaa-tɛɛngaa-diom Hala-a nin a ndu o kɔɔ lan kpow.

Habakuk 2:2

Mì Mɛlɛka mulul-la aa: «Sɛva o ya co nɔm cɔmndo-o, sɛva ndu o pɛngɔn coo le mɛɛ vana tiwba ndu dimio vakpa yɛ.

Ɛsdras 4:18

Sɛbɛ niaa sɛva mí la yɔŋ naa-o tiiya, mɛɛ nda cii ndu hivi (o sɔɛi nii mangalɛi nin), má dimul-la lavàà lenin mɛɛ o sɛvan yɛ kpafii.

Nehemi 8:7

Mí vana-vana lo isisi o fonda ndɔɔ, mí Yosue, Bani, Serebia, Yamin, Akub, Sabetai, Hodia, Maseya, Kelita, Asaria, Yosabad, Hanan, Pelaya a leviia a va vannda tɔŋndo tɛɛsiallo.

Nehemi 8:9

Mɛɛ vannda tuei sɔɔn tɔŋndo dimi-on, mí nda kpow a del a caŋndo. Mí Nehemi masa ibungaa, Ɛsdras va vana-solia-lasálàá a vana sɛvaa latɔŋndo-o a leviaa va vannda pɛɛkulan yɔngoo-a dimul nda aa: «Paalen nden hau, paale diandaalen le co le Mɛlɛka Hala niaa ni. Lelan la va hau a hɔlaa yiyaa le, la caŋ te!»

Nehemi 8:12

O kon mí vannda kpow a muungu o la nda lo le ɲɛdiaa dioo a kolɔɔ, má ke vanaa nɔ ɲɛ le-a ɲɛdiaa, má dɔawnun ɲaale taw-taw. Má bii diom dimulun nda-o bila.

2Masaa 23:2

Mí ndu masaa hel o Cɛi-Mɛlɛka-o nin nda vannda Yuda a haa Yerusalɛm, vanaa-solia-lasálàá, vanaa-tɛɛngaa-diom Hala-a a vanaa tɔ̀a kpow, kandɔɔ a cuaambɔa kɔ bii a kaasonnda kpede. Mó dimi sɔɔn va n'sɛvaa o sɛbɛ kpema ndáà saalun kon o Cɛi-Mɛlɛka-o nin-ndo nin-ndon vannda kpow o hɔl.

Nehemi 9:3

Mí nda kpow a lo isisi o fondala ndalan, má va nilan yaŋɔɔ o sɛbɛ tɔŋ Mɛlɛka ndaa, háá lɛɛlɛlan tan yáá. Má mulin vɛlɛ, má tosa lɛɛlɛlan tan yáá, a va vula baŋaa Mɛlɛka Hala ndaa o labɛngunin, le ndu ɲɔɔloo haliko mo mal nda haki.

Esekiɛl 46:10

O telen pilɔɔ nda luɛinin nda simlacia ni, mà fula vɛlɛ nda ndaa o telen pilɔɔ.