Nehemi 8:6 - BII BILA

⁶ Mí Ɛsdras mel Mɛlɛka, ó co Hala bɛndoo-o balika, o kon mí vannda kpow a va cɛlɔɔ a balan heeloo aa: «Amiina!Amiina!» O kon má tundun má baŋ vulan Mɛlɛka o hɔl le ndu biiloo.

Nehemi 8:6 Referans Kwoze

1Timote 2:8

Lelan, i yeema mì vanpiaandua heelu balan ladiandaa nɛɛ-nɛɛ ka, mà piɛi Hala, o va a kɔltuw le, o va vɛlɛ a lasɛɛngian te.

Cɛɛŋɔnnda Yeremi lan 3:41

N piɛinun a kɔlta naalan kpow, mì n heelun balan o Hala co o halataala-o lo.

Fulaa 4:31

Má laalan kpow, má sina pɛngu maa Mɛlɛka ce mɔnɛi nda co nin-nde, mó hun le nda baŋaa. O kon mí nda kpow baŋ vulan, má hini Mɛlɛka o labɛngunin.

2Dɛnnda lemasalan 20:18

Mí Yosafat tundun háá lɛŋ Mɛlɛka o hɔl, mí Yudaa a vanaa fula Yerusalɛm-nda bɛɛ a deli lɛŋ kpow Mɛlɛka o hɔl, má biilu ndu.

Dɛnnda cɔɔmuanndan 7:11

Mí mɛlɛkaa kpow a sim o kpɛŋɛ lemasaa balɔɔ pindo, mí bɛndua yuuvɛiya a ɲaa yoomaa hiɔɔlua del a hɔlla a kuumbua lɛŋ o kpɛŋɛ lemasaa hɔl-ndɔ, ma va Hala biiloo,

Condii lisai 134:2

La heelu balan a kpengii Fonda-Diandaa, mì la mel Mɛlɛka balika.

Nehemi 5:13

O kon kɔɔli, mí koaŋ bɔɔle doma ni bɛndoo, mí dimi aa: ‹Màá Hala koŋ vanaa lonin o diomnde ndalen coo le-a, mò faŋa nda o cɛila ndalan nin a o bolofaa ndaa coo, maa mɛɛ ya tosa a domaa nuu nuaa yɛ. Màá vanaa kan a lo fondo!› Mí vannda kpow a cɛl aa: ‹Amiina!› Má mel Mɛlɛka balika. Mí vannda lo o diomnde ndalen coo.

O Kandɔɔ 24:26

O kon mí buɛi Abraham kon baŋ vulan, mó Biilu Mɛlɛka.

1Dɛnnda lemasalan 29:20

O kon mí David dimul vannda kpow aa: «La mel Mɛlɛka, Hala niaa balika.» Mí nda kpow mel Mɛlɛka, Hala fuɲaa ndaa mamaa balika. Má tundun háá lɛŋ, Mɛlɛka a masaa o hɔl.

Tɔŋ lasálàá 9:24

Mí yinnden le fula, mí le kɔ loam sálà loamaa a visin macuɛin va o fonda-loamaa-lasálàá coo-on kpúlúká. Mí Israɛlla kpow a ca yinnde len kpendekele. O kon, má huulu, má viaw kponyoo taw-taw, má deli a kuumbuannda o kɔl coo.

Fulaa 12:27

La mulul nda aa: ‹Sálàá ho naa n solúl Mɛlɛka o paale kafo-hiavaa-coo len coo ni. Kani telen naa Israɛlla n va o lɛŋnde Esipte len nin-ndo, mí Mɛlɛka tuisi Esiptea kpundɛ piɔ́mndo coo. Kɛ mɛɛ o tiiya o cɛila naalan, mó hiawnun, o sim mò tuisi naa a yungula naalan kpundɛ kon coo le.›» O kon, mí Israɛlla baŋ vulan Mɛlɛka o labɛngunin, má biilu ndu.

1Piɛr 1:3

Balikaa co le Hala, o co Fuɲaa Maalii naa Yeesu Krista-o. O tuinun naa iɲíí, mí n muungu a kiyɛi o tendul Yeesu Krista tendul, mó fula vanvílɛ́iya tɛɛn le tiindan kpeekpeiyo sɔlaa-o,

Efɛsea 1:3

N melnun Hala balika, o co Fuɲaa Maalii naa Yeesu Krista-o. O dɔw naa duaa le co naa n co a yiinannda o Krista nin-ndo, o ke naa ɲɛm kɛndɛn co o halataala-on kpow-vo.

1Korɛntea 14:16

Dɔw bɛɛ duaa o diola Kɔl-Diandaa, vɛ̀ɛ̀ vana co icali vannda tɛɛn-ndo muli yɛnin aa: «Amiina» te o bii ɲɛ n dimi-o bila le?

Matie 26:39

O kon mɛɛ o kɔɛ tiŋ laci, mó del o kuumbuan lɛŋ, mó piɛi Hala aa: «Pua, too nɔla pɛ tosan, cɛl mi i kol a taala kólaa sangaa ho le. Kɛ nduyɛ, o va mɛɛ ya i yeema yɛ le, tosa mɛɛ o hɛnan nɔm yɛ.»

Matie 6:13

Mal naa mì n del o tɔɔndan nin te, kɛ baŋa naa masa ɲinaa vɔɔnda o ba. [Kani nɔm nɔ masalen, kpaayaa a biiloo le fɛɛn a fɛɛn ni. Amiina!›]

Yeremi 28:6

«Amiina! Màá Mɛlɛka tosa mɛɛ n dimi nuaa yɛ, mò cua ɲɛm-laandun co le Cɛi-Hala-on ndo, mò mingi mun nanu a vanaa nda kɔɛ o biyɔɔ nin-nda.

Condii lisai 141:2

Màá piɛile nilen le hel o nɔm ndo sakpo mɛɛ kumii ansan i hel nuaa yɛ, mì bala ya co heeloo lan la siŋnun maa sálà solin a paale delaalen-ndo!

Condii lisai 63:4

Kani kaola nɔmndo co fisa a yoomoo. Sondo nuu vanin nɔm sangalaa.

Condii lisai 41:13

Nɔm, a tosanin i venin vana tɛɛmbua isɔɔ le, A mandanin ya nɔm ikɛi lɔ́ɔ́-lɔ́ɔ̀.

Condii lisai 28:2

I va pɛ nɔm diomndo solullo le nɔm tɛɛlɔnndo, i heelu pɛ balan o Fonda nɔm diandaa, a yandi, tuei ya diom.

2Dɛnnda lemasalan 29:30

O kon kɔɔli, mí masaa Esekia a vanaa bɛndua a dimul leviia le Mɛlɛka biiloo o condun David nda Asaf vana-tɛɛngaa-diom Hala-o ndáà toosiaa-on nin. O kon, má biilu ndu a ɲaale bɛndu-bɛndoo, má baŋ vulan, má tundun háá lɛŋ.

2Dɛnnda lemasalan 6:4

Mó dimi aa: «Biiloo co le Mɛlɛka, o co Hala Israɛlla-o. O yiilu David fuɲa ni kpemaa a sondo ndɔɔ, mó peelu sɔɛi ken a bala ndɔlan. Nuaa ndóò dimul ndu ni aa:

O Kandɔɔ 14:22

Mí Abram mulul ndu aa: «I heelu baa mí mɛnan o Mɛlɛka lo, Hala-Hiow-Ɲɔɔn-Kpow-vo, o cɔw halataalaa a lɛŋnden-ndo,

1Dɛnnda lemasalan 16:36

Biiloo co le Mɛlɛka Hala Israɛlla, le fɛɛn a fɛɛn! Mí vannda kpow cɛl o lepilɔɔ aa: «Amiina! Biiloo co le ndu.»

Nehemi 8:7

Mí vana-vana lo isisi o fonda ndɔɔ, mí Yosue, Bani, Serebia, Yamin, Akub, Sabetai, Hodia, Maseya, Kelita, Asaria, Yosabad, Hanan, Pelaya a leviia a va vannda tɔŋndo tɛɛsiallo.

1Dɛnnda lemasalan 29:10

Mí David mel Mɛlɛka balika vannda kpow o hɔl, mó dimi aa: «Biiloo co le nɔm, Mɛlɛka, Hala Yakɔb, fuɲa naa mamaa-o, nɔm co fuɲa naa le fɛɛn a fɛɛn ni.

2Dɛnnda lemasalan 29:10

Ya ya, i co yiyanndo le kpemaa yiiyo a Mɛlɛka Hala Israɛlla, haliko mi kɔl ndɔ tuwvo faŋan naa coo.

Condii lisai 95:3

Kani Mɛlɛka co Hala bɛndoo ni, ndu co Masa bɛndoo halaa kpow coo ni.