Nehemi 8:18 - BII BILA

¹⁸ O palɛi kafoei kpow nin, kandɔɔ o paale taselen háá o paale mɛɛlaalen, a va bungɛi ipilɛ dimio o sɛbɛ tɔŋ Hala-o nin maa mɛɛ o sɛvan yɛ. Mí kafoo tosan o palɛi ndii ŋɔmmɛw bɛngu. O paale ŋɔmaandɔlen coo, má tosa bɔŋan lekaando mɛɛ ndóò sɛvan yɛ.

Nehemi 8:18 Referans Kwoze

Kundalan 29:35

Paale ŋɔmaandɔlen niaa siownin kafo niaa ni. La bɛnda mì la cuungian paale len le kaannden tosaa. La bɛnda mì la tosa ɲinkon vali niaa dema tosa-o le.

Tɔŋ lasálàá 23:36

O palɛi ŋɔmmɛvii ken nin, la bɛnda mì la va ya sálàlan solullo lepalaa-lepala, mì la va lan lomɔɔ o yin. Paale ŋɔmaandɔlen, la bɛnda mì la bɔɔŋian le ya biiloo, mì la lum ya sálàá o yin. La tósà ɲinkon baala niaa tosà paandu-o le.

Nsaŋ 7:37

O paale mɛɛlaalen, paale bɛndule kafolen, mí Yeesu can isisi, mó deŋi aa: «Vana kolɔɔ bii pɛ, o hun o ya lo mo kol.

Tɔŋ lasálàá 23:41

Vɔsi oo vɔsi, te paangii ŋɔmmɛwndɔɛi tiiya pɛ, la bɛnda mì la tosa kafoo ho háá palɛi ndii ŋɔmmɛw le ya Mɛlɛka biiloo. Kandɔɔ a niaa pila, kɔ bii a cuavaa niaa imamaa, la bii tɔŋndo ho le fɛɛn a fɛɛn.

Nehemi 8:2

Mí Ɛsdras vana-solia-lasálàá hun a sɛbɛ tɔŋ kon vannda kpow o hɔl, vanpiaandua, vanlaandua a vanáà tiwba le tɔŋndo bilaa biyɔɔ-a kpow. Ɲinkon va paale taselen o paangii ŋɔmmɛwndɔɛi nin ni.

Nehemi 8:3

Mí Ɛsdras lo isisi sɛbɔɔ dimio o Dio-mamɛnndo hɔl-ndɔ vanpiaandua, vanlaandua a vanáà tiwba le tɔŋndo bilaa biyɔɔ-a o hɔl, kandɔɔ idiiyo háá mí paalen le tiiya o pol. Vana-vana va nilan yaŋɔɔ ɲɛkɛndɛi lɔ́ɔ́ sɛbɛ tɔŋ kon va diminndo-o.