Nehemi 8:17 - BII BILA

¹⁷ Mí vanaa fula kan o cɛlen nin-nda kpow a tangul kùùlan, má cal lenin. Mí kon yɔŋnun dɛnɛ ɲaale bɛndoo, bau kabi o paale Yosue po Nun-ndo len Israɛlla ndáà mɛɛlu kafo kon tosa ni.

Nehemi 8:17 Referans Kwoze

2Dɛnnda lemasalan 8:13

Maa mɛɛ Moise ndóò handu silalan le lepalaa-lepala o palɛi yɛ́-yɛ́i ken nin yɛ, mí Salomɔn va sálàla va le palɛi pɛngiɛi lan, sálàla va le paangun sɛnɛiyon-ndan a sálàla va le kafola bɛndula yɛ́-yɛ́lan ndan solio. Kafola lan la va lan ni: kafo bulu toosian a lɛvɛn too, kafo koavaa a kafo lakùùo.

Ɛsdras 3:4

O kon kɔɔli, má tosa kafo lakùùo maa mɛɛ o va o sɛvaa yɛ, má hiaw laci a sálàla loamaalan solio lɔ́ɔ́-lɔ́ɔ̀, mɛɛ ndóò kelun le solio lepalaa-lepala yɛ.

Hebreea 11:13

Nda kpede o laalanndo nin nda lo ni má vu. A sɔla ɲɛm Hala dimi le yɔngoo-on te, telen kon vannun ndɔ lándán, kɛ mí ɲɔɔ tosan vanáà ca ko aa ndáà ce nin dɛnnda kalalan o peelɔnndo. Má dimul vannda kpendekele maa mialla a vanaa hiawnannda nda yɔŋnun o lɛŋnden nden coo ni.

Hebreea 11:9

A laalanndo, mó kɔ cal o sumialle o lɛŋnde Hala ndóò dimul ndu le ndu keo len nin. Mó kɔ cal lon o cɛila-kolala-toandaalan nin nda Isaak a Yakɔb. Nda bɛɛ, kpema pilɛ kon ndóò yiinun le nda.

Hebreea 4:8

Kani te Yosue ndóò yɛɛ pɛ vannda o pɛngi kon nin, Hala ndóò suu lɛnin o kon kɔɔli a paale celen o kɔɔ le.

Nsaŋ 1:14

Mí Sɔɛi siŋnun falon, mí i va naa tɛɛn. I co i piaa a kɛndɛi a á toɲaa. Mí n mɛɛndan biilu ndɔɔ, biilu ndɔ kon co maa o Po pilɔɔ sɔla fulaa Fuɲa ndɔ o ba-o.

2Dɛnnda lemasalan 35:18

Kabi o paale Samiɛl vana-tɛɛngaa-diom Hala-o len, kafo oo kafo tosan ndóò tosan-ndɔ lende Israɛl te. Masa oo masa ndóò tosa vɔ kafo-hiavaa-coo súú vaa lende maa o Yosia pila, vanaa-solia-lasálàá, leviia, Yudaa, Israɛlaa va lon-nda a Yerusalɛmnda ndáà tosa kon-ndo le.

2Dɛnnda lemasalan 30:26

Vanaa va Yerusalɛm-nda va a ɲaaloo taw. Kani kabi o palɛi Salomɔn, po David va masaa Israɛl-lo-e bɛngu, kafo súú vaa lende yɔŋnun Yerusalɛm te.

1Dɛnnda lemasalan 29:22

Paale len, mí Israɛlla dia, má kol a ɲaaloo taw Mɛlɛka o hɔl. Má yonda vɛlɛ ɲinkon yonda diinndɔɔ maa Salomɔn po David-o co masaa ni, má pɔla ndu o diola Mɛlɛka lan le siŋnɔnndo simlacinɔɔ, má pɔla vɛlɛ Sadɔk le siŋnɔnndo vana-solia-lasálàá.

Yosue 1:1

Mɛɛ Moise vana baala Mɛlɛka-o vi, mí Mɛlɛka dimul Yosue po Nun-ndo, vana malaa Moise-o pɛɛn aa:

Tɔŋ miingua 16:15

O palɛi ndii ŋɔmmɛw bɛngu, la bɛnda mì la tosa kafoo le Mɛlɛka Hala niaa biiloo o fonda ndu pila hɛlinin-ndo. Kani o dɔawnin niaa duaa o valta niaalan nin kpow a o ɲɛ-ɲɛ niaa vanin tosaa nin, haliko mi la va a kɔlkɛndɔɔ taw.