Nehemi 8:16 - BII BILA

¹⁶ O kon mí Israɛlla kɔa, má nuwviaa ɲɛm mun le kùùlan tangullo. Mí a pum tangul kùùla ndalan o cɛila ndalan sɛmtɛ, a pum o la nda lo bɛɛ, a pum o bɛ́ɛ̀ Cɛi-Hala-o, a pum o fonda Dio-mamɛnndo, a pum yɛ vɛlɛ o Dio-Efraim-ndo sondoo.

Nehemi 8:16 Referans Kwoze

Nehemi 12:39

mí n hiaw, mí n kei o Dio-Efraim-ndo coo, o Dio-Yesana-o a o Dio-n'suwvo coo. Mɛɛ naa n hiow cɛi coocoo Hananeɛl-lo a cɛi coocoo Mea-o, mí n tiiya háá o Dio-n'saa, mí n kɔ sim o Dio-kpalilla.

2Masaa 14:13

Mí Yoas masaa Israɛl bii Amasia masaa Yuda, ó va po Yoas-o a po imama Ahasia-o-o o kobio Bɛt-Siemɛs nin. Mí Yoas kɔa vɛlɛ Yerusalɛm, mó buli soondo o kpakio Yerusalɛm nin, soon kon va tongei dunndo kɛmɛ lehiɔɔlu, kandɔɔ o Dio-Efraim-ndo, kɔlan háá o dio luɛyaa o sɔngilen nin.

Nehemi 12:37

Ndáà tiiyaa o Dio-pee-lebollo, má komal helɔɔla vana kei le tiiyaa o Kobi David-o nin-ndan, má kei lon, má kɔ hel o kpaki kei o cɛi lemasa David-o coo-o coo, má hiaw laci háá o Dio-mamɛnndo a ba paalen le can-ndo.

Nehemi 3:26

Mí buɛyaa va icali o pembei Ofɛl coo-a nda tosa baalaa kandɔɔ o cɛi coocoo va a ba paalen le can-ndo-o, kɔlan tiiyaa háá o Dio-pee-lebollo. O Cɛi-Mɛlɛka-o nin ndáà tosa baalaa ni.

Yeremi 32:29

Babilɔŋaa delnin kobio ho coo a cɔwvo-a malnin ndu yin, mà lom cɛila ndáà lum Baal ansan o yindɔla ndalan coo lan, cɛila ndáà solul ndu sálàla mamɔilan lenin le ya kɔllo tɛɛmbuuo lan pɛɛn.

Nehemi 8:3

Mí Ɛsdras lo isisi sɛbɔɔ dimio o Dio-mamɛnndo hɔl-ndɔ vanpiaandua, vanlaandua a vanáà tiwba le tɔŋndo bilaa biyɔɔ-a o hɔl, kandɔɔ idiiyo háá mí paalen le tiiya o pol. Vana-vana va nilan yaŋɔɔ ɲɛkɛndɛi lɔ́ɔ́ sɛbɛ tɔŋ kon va diminndo-o.

Yeremi 19:13

Cɛilan Yerusalɛm, a cɛila masaa Yuda la siŋnunnin ɲɛ nɔɔlɛiyo maa Tofɛt, cɛila kɛ́-kɛ̀ nda va lan sálàlan lomɔɔ o yindɔla ndalan coo le loeon, ma va halaa celennda ansan a sálàla mamɔilan solullo lan pɛɛn.»

2Dɛnnda lemasalan 33:5

Mó cɔaw máánndan o bɛ́ɛ̀la tiɔnnda Cɛi-Hala-o nin le ɲɛm pangelen co o halataala-on kpow biiloo.

2Dɛnnda lemasalan 20:5

Mí Yosafat sim Yudaa a vanaa fula Yerusalɛm-nda tɛɛn o Cɛi-Mɛlɛka-o hɔl-ndɔ o Bɛɛ Sɛnɛiyo nin,

2Samiɛl 11:2

Paale pum, a paale yɔngannden, David cɔnɔnndo o lɔma ipalan, mó kɔa kelaa o fonda yesa va o cɛi ndɔ lemasaa coo-o. O lo coocoo lon, mó ca vanalanɔɔ pum pulɔnndo, ndóò naŋ hɔlla taw.

Tɔŋ miingua 22:8

Taa tangul pɛ cɛi sɛnɛiyo, a bɛnda ma balu kpakio cɔvɔɔ o yindɔɔ coo sɔ́, yɔŋii vanndo hiɔlun ndon mo del mo vi, mì sɔɛi piɔ́m ndɔɔ i hel nɔm o lebol.

Nehemi 8:1

O kon mí vannda kpow cuungian o lepilɔɔ o fonda co o Dio-mamɛnndo hɔl-ndɔ-o. Má dimul Ɛsdras vana sɛvaa latɔŋndo le hunɔɔ a sɛbɛ tɔŋ Moise-o, tɔŋ Mɛlɛka hendul Israɛlla-o.