12 O kon mí vannda kpow a muungu o la nda lo le ɲɛdiaa dioo a kolɔɔ, má ke vanaa nɔ ɲɛ le-a ɲɛdiaa, má dɔawnun ɲaale taw-taw. Má bii diom dimulun nda-o bila.
Má muungu dimulanndo vellaa-velle aa: «Sɔɔn ndɔn n va naa kɔltan pilanndo telen o va sɔɛi o naa lo nɛi-tɛɛn, mó va naa mun kɔlɔlan tɛɛsiallo o Sɛbɛ Hala-o nin-ndo.»
Vanndacieea co o lɛŋnden coo-a dɔawnunnin ɲaale le piɔ́m nda kon, mà tuisi kafolan, mà yɔngan ɲɔɔn vellaa-velle le tùú vanaa-tɛɛngaa-diom Hala-a ŋiɔŋaa kan a co vanndacieea co o lɛŋnden coo-a yɛɛvɔɔ dɔvɔɔ-o.
Mí Ɛsdras dimul vannda aa: «La kɔ mì la de ɲɛdiaa sɔvɛɔ, mì la kol mɔima sɔvɛ-sɔvɛan, mì la ke vanaa nɔ ɲɛdiaa o bɛɛndiaa le-a. Kani paalen nden hau, paale diandaalen le co le Mɛlɛka naa ni. La va a kɔltambɛi le. Bau kɔlkɛndɛ Mɛlɛka-o, ndu co yoomuma niaan ni.»
Diimandɔɔ, mí bolii lapangɛi Israɛlla kpow, vanaa-solia-lasálàá a leviia a cuungian o Ɛsdras vana sɛvaa latɔŋndo lo, le sɔɔn sɛvan o sɛbɛ tɔŋndo nin-ndon bilaa biyɔɔ ɲɛkɛndɛi.
Le tùú Yuifia sɔla hɔ́ɔ́yɛi yaamɔaa ndaa o ba o palɛi ken nin, mí kɔl tambɛi ndaa siŋnun ɲaaloo, mí dɛnɛ palaa ndaa siŋnun kafoo o paangii ken nin-ndo, mó dimul nda maa a va kafoo tosaa o palɛi ken coo, mà va ɲɛdiaa kafoo yawvo, mà va ɲɔɔn kennanndo, mà va vanaa bala fondoa malaa.
Paale len, mí Israɛlla dia, má kol a ɲaaloo taw Mɛlɛka o hɔl. Má yonda vɛlɛ ɲinkon yonda diinndɔɔ maa Salomɔn po David-o co masaa ni, má pɔla ndu o diola Mɛlɛka lan le siŋnɔnndo simlacinɔɔ, má pɔla vɛlɛ Sadɔk le siŋnɔnndo vana-solia-lasálàá.