Nehemi 8:1 - BII BILA

¹ O kon mí vannda kpow cuungian o lepilɔɔ o fonda co o Dio-mamɛnndo hɔl-ndɔ-o. Má dimul Ɛsdras vana sɛvaa latɔŋndo le hunɔɔ a sɛbɛ tɔŋ Moise-o, tɔŋ Mɛlɛka hendul Israɛlla-o.

Nehemi 8:1 Referans Kwoze

Ɛsdras 7:6

Ɛsdras kon, vana sɛvaa latɔŋndo o va ni, ndóò sina tɔŋ Mɛlɛka Hala Israɛlla ndóò yɔngu Moise-o taw. Mɛlɛka Hala ndɔɔ va ndu Ɛsdras ikɛi. Lelan ɲɛ-ɲɛ ndóò ɲuna pɛ masaa ndóò sɔla ndu.

Nehemi 3:26

Mí buɛyaa va icali o pembei Ofɛl coo-a nda tosa baalaa kandɔɔ o cɛi coocoo va a ba paalen le can-ndo-o, kɔlan tiiyaa háá o Dio-pee-lebollo. O Cɛi-Mɛlɛka-o nin ndáà tosa baalaa ni.

2Dɛnnda lemasalan 34:15

O kon mó dimul Safan vana sɛvaa aa: «I saalun sɛbɛ tɔŋndo o Cɛi-Mɛlɛka-o nin.» Mó yɔngu Safan sɛbɛ kalaa.

Ɛsdras 7:11

Tofa vɔ sɛbɛ masaa Artasɛrsɛs yɔngu Ɛsdras vana-solia-lasálàá a vana sɛvaa latɔŋndo a dɛnɛ Israɛlla o kɔɔ-o. Ɛsdras kon ndóò nɔ dɛnɛ sinaa bɛndoo o tɔŋndan a o silala Mɛlɛka lan nin. Sɔɔn va n'sɛvaa o sɛbɛ kon nin-ndon va mun ni:

Matie 23:34

Lelan i co niaa vanaa-tɛɛngaa-diom Hala-a, vanaa kɔlkalua a vanaa pɛɛkaa latɔŋnda vim. La diwnin a pum, mì la baŋ a pilla o yɔmii singafilɛi coo, mì la koŋ a tɔ̀a o cɛila lekaannda niaalan nin, mì la tol nda yɛlen o kobi oo kobi nin,

Matie 23:13

«Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co vannda dio masale halataalaa kindallo. Niaa pila co luɛyɔɔ le, la co vɛlɛ cɛlɔɔ mì vanaa yeema le luɛyɔɔ-a luɛi le. [

Matie 23:2

«Vanaa pɛɛkaa latɔŋnda a Faliisia bɛnda ni mà tɛɛsiaa tɔŋnda Moise lan ni.

Matie 13:52

Mó dimul nda aa: «Lelan vana sɛvaa latɔŋ kɛ́-kɛ̀ sɔla pɛ pɛɛkoo a masale halataala len o kɔɔ, ndu vel simlacinɔ cɛi soli sɔɔn sɛnɛiyon a n'paandon o bolofaa ndɔɔ nin-ndo.»

Esai 8:20

‹o bɛnda mì n mingul tɔŋndo a seilen hɔlla!› Te vana suu lende le, mɛɛ ɲɛ-tengaa paale siaa venin le ndu le.»

Nehemi 12:37

Ndáà tiiyaa o Dio-pee-lebollo, má komal helɔɔla vana kei le tiiyaa o Kobi David-o nin-ndan, má kei lon, má kɔ hel o kpaki kei o cɛi lemasa David-o coo-o coo, má hiaw laci háá o Dio-mamɛnndo a ba paalen le can-ndo.

Nehemi 8:16

O kon mí Israɛlla kɔa, má nuwviaa ɲɛm mun le kùùlan tangullo. Mí a pum tangul kùùla ndalan o cɛila ndalan sɛmtɛ, a pum o la nda lo bɛɛ, a pum o bɛ́ɛ̀ Cɛi-Hala-o, a pum o fonda Dio-mamɛnndo, a pum yɛ vɛlɛ o Dio-Efraim-ndo sondoo.

Masaa kialaa n'yamaa 20:8

O kon, mí Israɛlla kpow a can o lepilɔɔ, má dimi aa: «Naa kpede, vana-vana co lɛhau muungu o cɛi-kola-toandaa ndɔɔ nin, te kon te o ndu lo cɛinin te.

Masaa kialaa n'yamaa 20:1

Mí Israɛlla kpow a cɛlan, mí sɛ́lɔ́ɔ́ fula nɛɛ-nɛɛ ka, kandɔɔ Dan a ba luaŋ-ndo, kɔlan tiiyaa háá Bɛɛr-Seba a ba too, keiyo a tàndá Kalaad-o a ba paalen le can-ndo, má cuungian Mɛlɛka o hɔl Mispa maa vana pilɛ kpé.

2Dɛnnda lemasalan 34:30

Mí ndu masaa hel o Cɛi-Mɛlɛka-o nin nda vanpiaandua Yuda kpow, vanaa va icali Yerusalɛm-nda, vanaa-solia-lasálàá, leviia a vanaa tɔ̀a kpow, kandɔɔ bɛndoo kɔlan tiiyaa háá a vana óò hiow dɔɔnanndo-o. Mí ndu masaa pila dimi sɔɔn va n'sɛvaa o sɛbɛ kpemaa nin-ndon coocoo kpélén, sɛbɛ nda saalun kon o Cɛi-Hala-o nin-ndo pɛɛn.

Ɛsdras 7:10

A toɲa, Ɛsdras ndóò yɔngun a kɔl ndɔɔ kpow le tɔŋ Mɛlɛka-o pɛiyo a le kelaa lecoo, o va vɛlɛ cuavaa Israɛlla tɔŋndan a dɛnɛ sandaa pɛɛkoo.

Nehemi 8:3

Mí Ɛsdras lo isisi sɛbɔɔ dimio o Dio-mamɛnndo hɔl-ndɔ vanpiaandua, vanlaandua a vanáà tiwba le tɔŋndo bilaa biyɔɔ-a o hɔl, kandɔɔ idiiyo háá mí paalen le tiiya o pol. Vana-vana va nilan yaŋɔɔ ɲɛkɛndɛi lɔ́ɔ́ sɛbɛ tɔŋ kon va diminndo-o.

Tɔŋ lasálàá 9:5

Mɛɛ nda hin a cɔlua Moise pesi kan diolan-nda o cɛi-kola-toandaa-labɔɔŋianndo sondoo, mí Israɛlla kpow a sɔɔnguu, má sim Mɛlɛka o hɔl.

Tɔŋ miingua 31:11

te Israɛlla kpow a hun sim pɛ Mɛlɛka Hala niaa o hɔl o fonda ndu pila hɛlinin-ndo, a dimi tɔŋndo nda o hɔl kpow, o kon mì vana-vana tuei.

2Masaa 23:2

Mí ndu masaa hel o Cɛi-Mɛlɛka-o nin nda vannda Yuda a haa Yerusalɛm, vanaa-solia-lasálàá, vanaa-tɛɛngaa-diom Hala-a a vanaa tɔ̀a kpow, kandɔɔ a cuaambɔa kɔ bii a kaasonnda kpede. Mó dimi sɔɔn va n'sɛvaa o sɛbɛ kpema ndáà saalun kon o Cɛi-Mɛlɛka-o nin-ndo nin-ndon vannda kpow o hɔl.

Ɛsdras 7:1

O dɛnnda lan kɔɔli, telen Artasɛrsɛs masa Pɛrsea va o masalen coo-o, mí langbanɔɔ pum fula Babilɔn diolan ndu aa Ɛsdras, po Seraya-o o va ni, fulaa o polale Aarɔn bolle vanaa-solia-lasálàá len nin. Aarɔn velu Eleasar ni, mí Eleasar vialu Pineas, mí Pineas vialu Abisua, mí Abisua vialu Buki, mí Buki vialu Usi, mí Usi vialu Seraya, mí Seraya vialu Merayɔt, mí Merayɔt vialu Asaria, mí Asaria vialu Amaria, mí Amaria vialu Ahitub, mí Ahitub vialu Sadɔk, mí Sadɔk vialu Salum, mí Salum vialu Hilkiya, mí Hilkiya vialu Asaria, mí Asaria vialu Seraya fuɲaa Ɛsdras.

Nehemi 12:26

Nda kpow a va baalaa tosaa o telen Yoyakim po Yesua-o va masalen tosaa-o ni, Yoyakim po imama Yosadak-o pɛɛn. Telen Nehemi va masa ibungaa, mí Ɛsdras va vana-solia-lasálàá a vana sɛvaa latɔŋndo-o pɛɛn.»