Nehemi 7:2 - BII BILA

² Mí suili Hanani puapilɛ ni nda Hanania le hɔlten nɔu Yerusalɛm coo. Hanania kon va simlacinɔ cɛi vanaa cɔwva ni, Vana lo o lediom coo-o o va ni, ndóò nɔ siòòŋii Hala-e hiovɔɔ vanaa bɔɔ-bɔɔ coo.

Nehemi 7:2 Referans Kwoze

Nehemi 1:2

mí puapilɛ nuu pilɛ, Hanani nda poaa pum a fula Yuda, má hun. Mí ɲuna nda le dɛnɛ Yuifia tɔ̀a lo yoomu-a, á fula o cɛlen nin má lo yoomu-a a le kobio Yerusalɛm.

Matie 25:21

Mí vana ndɔ bɛndoo dimul ndu aa: ‹Nuvali, vana baala kɛndɔɔ a vana baala lo o lediom coo-o n co ni. A yɔŋnun vana lo o lediom coo-o o ɲɛm pɔmbɔn nin, i sɔaanin ɲɔɔn taw nɔm o ba. Sɔɔnguu mì n dɔwnun ɲaale latulu naa nɔm.›

Condii lisai 101:6

I nɔnin vanaa sandaa co o lɛŋnden nin-nda hɔlten coo, haliko ma tosa masalen ya ikɛi. Naa vanaa co kela kɛndɔɔ-a vanin baalaa latulu ni.

Nehemi 10:23

Pelatia, Hanan, Asaya,

Nehemi 2:8

mì sɛbɔɔ pilɛ sɛvan vɛlɛ le Asaf, vana mandaa bundɛ masaa, haliko mo ke ya yɔmnde le koŋnda kpaki co o Cɛi-Hala-o ikɛi kpɛɛlun-ndan toosiaa, le kpaki kobio a le cɛi ya vanin nin-ndo.› Mí masaa yɔngu ya sɛbɛla lan, kani Hala nuu va ya ikɛi.

1Masaa 18:3

Mí Akab veelu Obadia va simlacinɔ cɛi lemasaa-o. Obadia kon yɛ, ndóò nɔ siòòŋii Mɛlɛka-e taw-taw.

2Timote 2:2

Ɲɛ n tuei ya dimio seiya taw o hɔl-lo, pɛɛku vanaa n laalan-nda ndu, a tiwnin ba mà pɛɛku vɛlɛ vanaa celen ndu-a.

1Korɛntea 4:2

Nduyɛ vana yɔngu ɲɔɔ le mandaa-o bɛnda mò va vana lo o lediom coo-o.

Daniɛl 6:4

Mí Daniɛl kon hiaw vanaa lebolaa kan a masaa n'bungaa kan kpow dɛnɛ sinaa a sɔɔn taw, kani kɔl kaamaa va ndu nin. Lelan, mí masaa tuu le ndu kɛsio vana bɛndoo o masale ndɔlen kpow coo.

SƐBƐ YƆB-O 1:1

Langbanɔ pilɛ va o lɛŋnde Us len nin diolan aa Yɔb. Vana sandaa o va ni, ndóò yeema dɛnɛ sandaa taw. Ndóò nɔ siòòŋii Hala-e, o va dɛnɛ vɔɔndo kpakpalaa.

Nehemi 13:13

Mí hɛli vannda pum le hɔlten nɔu o cɛila lan coo. Vanaa kan va haa ni: Selemia vana-solia-lasálàá, Sadɔk vana sɛvaa latɔŋndo a Pedaya leviinɔ. Mí kɛsi Hanan, po Sakur-o, po imama Matania-o nda ikɛi. Kani vanaa vannda ndáà laalan-nda nda va ni. Baala ndaa va le ɲɛm-kéan piɔwvo puapilɛa ndaa tɛɛn ni.

Nehemi 5:15

Nduyɛ masaa n'bungaa cal-la tase-a va vannda delɔɔ coo le muloo malɔɔ a ɲɛm dian a á mɔiyan. Handɔɔ o kon coo, má va nda volin latámán belehiɔɔlu biyɔɔ coo le bolle vana pilɛ. Hali buɛyaa ndaa va nin vannda masalen tosaa coo. Kɛ ya yɛ, i tosa lende le, kani siòòŋii Hala-e va ya.

1Masaa 18:12

Nduyɛ, te i faŋan pɛ dɔ́ɔ́ nɔm ikɛi, kɔl Mɛlɛka-o co nɔm koma cua, mò yɛɛ nɔm nɛɛ ya sina le-a. Akab hin pɛ mò ci nɔm te, vɛ̀ɛ̀ diyɔɔ le o diinin ya le? Nduyɛ, kabi i va vɔ felengi, mí ke Mɛlɛka bɛɛlen.

2Samiɛl 23:3

Hala Israɛlla soo, pow kpova Israɛlla dimul-la aa: ‹Masa co masalen tosaa vanndacieea coo a sandei-yo, masa co masalen tosaa nda coo a siòòŋii Hala-e-o,

Kundalan 12:7

Kɛ o co ɲɛ pilɛ le o co a vana ni baalaa Moise le. Ndu ndu, vana lo o lediom coo-o o co o ya lo cɛinin kpow ni.

Fulaa 18:21

Le sɔɔn tɔ̀un yɛ, ó vannda ha kpow tɛɛn, hɛli vanaa nɔ diola kɛndɛlan-nda, a nɔ siòòŋii Hala-e-a, a nɔ toɲaa-a, vanaa vana nɔla n'sɔɔ pei nin te-a, ma siinguu nda simlacia o kundala vannda co nin vaa-vaa, kɛmɛ-kɛmɛ, beleŋuɛɛnu-beleŋuɛɛnu, a o kundala n'van tɔ́-tɔ́ lan coo.

O Kandɔɔ 42:18

O paale yàándɔlen, mó dimul nda aa: «La tosa ɲɛ ya dimul niaa-o mì la baŋa yoomu niaa, kani vana ke Hala bɛɛlen-ndo ya co ni.

Matie 24:45

«Ɔ́ɔ̀ vana baala kɔlkalu lò kon o diomnden coo-o, ò vana ndɔ bɛndoo handu buɛyaa ndɔa bollen le nda baloo keo o telen bɛnda-o-o?

Nehemi 7:3

Mí dimul nda aa: ‹Diola luɛyaalan Yerusalɛm la va penaa kumbinndo le, fɔ mì yɛnnden le kendu. Icɔl vɛlɛ, o bɛnda mì la kindan a sɔkɔan malan kpalilaa cumulaa ladioa mal baala ndaa. Yerusalɛmnda bɛnda ma va cumullo, mì vana-vana va o fonda ndɔɔ, vana-vana o cɛi ndɔɔ hɔl-ndɔ.›»