Nehemi 7:1 - BII BILA

¹ «Lɔ́ɔ́ kpakio cuu mingi cɔvɔɔ, mí luei koŋnda bɛndulan o diolan-ndo, má kɛsi kpalilaa cumulaa ladioa, vanaa solia n'condua a leviia o fondala ndalan.

Nehemi 7:1 Referans Kwoze

Nehemi 6:15

Mí kpakio cuu cɔvɔɔ o paangii Elul nin, o paale bidiin a leŋuɛɛnundɔlen coo. O palɛi beleŋuɛɛnu a iŋiin bɛngu o cɔwnun ni.

Nehemi 6:1

«Mí Sanballa, Tobiya, Kesɛm Arabunɔ a yaamɔaa naa tɔ̀a a tuɛi maa tɛɛngun kpakion cuu baŋul, maa i cii kpakio mingi tangul. Telen kon yɛ, yáà hendu vɔ bɛɛ koŋndan te.

2Dɛnnda lemasalan 31:2

Mí Esekia mingi vanaa-solia-lasálàá a leviia kɛsi a kundulan mɛɛ nda va a piɔvaa yɛ, mó cɔm vana-vana baala ndɔ: vanaa-solia-lasálàá a leviia le sálàla loamaalan a la kɔlɲululan solio, le baala lekaando tosaa a le condon solio o diola luɛyaala va o dɔ́ɔ́ngɔ́ Mɛlɛka-o lan sondoo.

Nehemi 12:24

Te telen condaa ndóò tiiya pɛ le leviia, Hasabia, Serebia nda Yesua po Kadmiɛl-lo ndáà sim puapilɛa ndaa leviia laci le condon solio le Hala lisaa a le ndu biiloo. Lende nda va silala David vana baala Hala-o ndóò yɔngu nda lan peeloo ni.

Nehemi 11:3

Tofa vɔ simlacia fula o kobila bɛndulan nin, má hun cal Yerusalɛm-nda. O vanaa fula o kobila co o tàndá Yuda-o nin-nda tɛɛn, mí vana-vana cal o kobi ndɔɔ nin, vana-vana o fonda ndɔɔ, vanaa kan yɔŋnun haa ni: Israɛlla, vanaa-solia-lasálàá, leviia, Netiniia-a a poaa buɛyaa Salomɔn-nda.

Nehemi 10:39

Vana-solia-lasálàá pilɛ, fulaa o yungu Aarɔn-ndo nin liilanin leviia telen nda kɔanin le o-tɔ́ndɔ kon cuaa-o ni. Leviia hunnin a o-tɔ́ndɔ fula o o-tɔ́ndɔɔ nin-ndo o cɛila pɔmbɔla holnun Cɛi-Hala-o lan nin ni.

Ɛsdras 3:8

Vɔsi diinndɔɔ o muungu vanaa va o biyɔɔ nin-nda muungu Yerusalɛm o Cɛi-Hala-o nin-ndo kɔɔli, o paangii diinndɔɛi nin o vɔsi kon nin, mí Sorobabɛl po Sealtiɛl-lo nda Yosue po Yosadak-o kandu baalaa nda puapilɛa ndaa vanaa-solia-lasálàá, leviia a vanaa fula o biyɔɔ nin má muungu Yerusalɛm-nda kpow latulu. Leviia, áà nɔ vɔsilan bidiin a ɲɛ lecoo-a, nda va vanáà bɛnda le simndan baala Cɛi-Mɛlɛka-o laci-a ni.

2Masaa 7:10

Má kɔa, má veelu vana pilɛ o kpalilaa va dio kobio kpalillo-a tɛɛn, má downun ndu kona aa: «N kɔɛ mí n luɛi o dɔ́ɔ́ngɔ́ɔ̀ Aramiia nin, kɛ n komal vana-vana lon te, n tui vɛlɛ vanaciee isɔɔ le. Soa a sofɛlɛa co a bayiaa, a mɛi cɛila-kolala-toandaalan lende yɛngɛsɛɛ.»

Nehemi 6:19

A va ndu sangalaa hali ya pila o hɔl, a va kɔlan sɔɔn nun ndu hivullo. Mí Tobiya va ya sɛbɛlan sɛvallo le ya vueinɔnndo.»