Nehemi 6:9 - BII BILA

⁹ Vanaa kan kpow ndáà yeema le naa siòònde lueiyo, mì va dimio aa: ‹Bala ndalan la co sanga a baala kalaa, o kon o tosan ndɛnin te.› Lelan, yandi Hala nuu! Luei ya niko yoomuan.

Nehemi 6:9 Referans Kwoze

Condii lisai 138:3

Tuma ya ɲuna nɔm-ndo, má mulul-la, má luei ya yoomuan, má ke ya kpaayaa.

1Piɛr 5:10

La sanga vɔnin le telen bingi. Kɛ Hala nɔ kɛndɛi kpow o ba-o, o veelu niaa o Krista nin le biilu fɛɛn-fɛɛndo-o pila pɛɛkunin niaa, mò kindi niaa, mò luei niaa yoomuan, mò tosa la hiilun te.

Hebreea 12:12

Lelan la siɛndi bala niaala sangɛilan, mì la simi vula co niaa ɲiiyaa lan.

Filipea 4:13

I co dɛnndan kpow nɔlaa o hɛnan vana co ya kpaayaa keo-vo bɛngu.

Efɛsea 3:16

I co ndu piɛi, mò luei niaa yoomuan a kpaaya Kɔl-Diandaa ndɔɔ mɛɛ tɔnɔ biilu ndɔɔ co yɛ,

2Korɛntea 12:9

Kɛ mó dimul-la aa: «Kɛndɛi nii tiw nɔm. Kani o yoomuma lepɛŋndan nin kpaaya nuu cɔmnùn ni.» Lelan, o co fisa mì kuundian o yoomuma nima lepɛŋndan nin, haliko mi kpaaya Krista-o va ya coo.

Esai 41:10

Yɔŋ isiòòn te, kani i co nɔm ikɛi, mɛɛndian ɲalaku-ɲalaku a buulanndo le, kani ya co Hala nɔmndo ni. I lueinin nɔm yoomuan, i co nɔm mala, i malanin nɔm a ba ni kɛndɛ kpaaya bɛndoo.

1Samiɛl 30:6

Mí mɔnɛi bii David taw, kani vannda va ndu kɔngɔlanndo le ndu viiyo a powtan, le mɔnɛi va nda le poaa ndaa a le cuavaa ndaa laandua-e. Kɛ mí Mɛlɛka Hala ndɔɔ luei ndu yoomuan.

Efɛsea 6:10

Le sɔɛi siowvo, la luei yoomuan o Maalii nin a o kpaaya ndɔ bɛndu-bɛndoo nin.

Yeremi 38:4

O kon mí simlacia dimul masaa aa: «Langbanɔɔ ho bɛnda mò sɔla piɔ́mndo! Kani sɔɔn o co dimio-on co vanaa cɔwva a vanaa lo o kobio nin-nda yoomuan solio. O yeema dɛnɛ kɛndɛ vannda ha le, fɔ dɛnɛ nda vɔɔndo daama.»

2Dɛnnda lemasalan 15:7

Kɛ sisa niaa niaa, la luei yoomuan, la vu n'dial te, kani baalala niaalan la dɔawnunnin vɔ̀ngɔ̀.»

Condii lisai 71:1

Mɛlɛka, o nɔm ndo nɛɛ nia viannannda co ni, cɛ̀l mì siɛmbulan la bii ya le.

Condii lisai 56:3

Yaamɔaa nia co ya hinullo lepalaa-lepala. À co sɛlɛ, vanaa co hunɔɔ ya delɔɔ coo a ya ŋɔɔciaa-a.

Nehemi 6:14

Éé Hala! Loonun a Tobiya nda Sanballa, le dɛnnda nda tosa lan. Loonun vɛlɛ a Noadia vanalanɔ-tɛɛngaa-diom Hala-o, a vanaa-tɛɛngaa-diom Hala-a celen, áà yeema le ya siòònde lueiyo-a.

Condii lisai 68:35

La sina kpaaya Hala-o, ndu nɔ masalen Israɛlla coo ni. Kpaaya ndɔɔ hiow halataalaa helɔɔ.

2Dɛnnda lemasalan 32:18

Mí vanaa Sennakerib vem kan-nda deŋul vanaa va o kpakio Yerusalɛm coo-a o hebrei nin le nda vueinɔnndo a le nda siòònde lueiyo, haliko mi ndáà bii kobio.

Sakari 10:12

I lueinin Israɛlla yoomuma fula ya Mɛlɛka o ba-an, a vanin kelaa o diola ya Mɛlɛka lan bɛngu. Ya Mɛlɛka dimi lende ni.»

Ɛsdras 1:6

Mí vanaa nda va icali tɛɛn-nda kpow a mala nda a ɲɛm nda cɔw a volion-ndon, ɲɛm nda cɔw a sianion-ndon, ɲɛm celen, cɔlua a ɲɛm sɔvɛɔn, handɔɔ o ɲɛm-kéan vannda yɔngu a yeemɛi nda pilɛi-yon coo.

Esekiɛl 30:24

Kɛ i lueinin bala masaa Babilɔn-ndan yoomuan, mì sɔɔ mɔɛi nii cɔwve ndu o ba. O kon i yiminin Faraɔnnɔɔ balan, mò viiviin a caŋndo masaa Babilɔn o hɔl mɛɛ vana nda yɔŋ ɲɛm-kalan bɛndon-ndo viiviin le kɔllo malnɔnndo yɛ.

Esai 40:29

O yɔngu vana sanga-o yoomuan, mó yɔngu vana vi diallon-ndo dialun fulan.