Nehemi 6:7 - BII BILA

⁷ Maa nɔm cii nin vanaa-tɛɛngaa-diom Hala-a kɛsi le keiyo vannda dimullo Yerusalɛm maa nɔm co masaa o tàndá Yuda-o coo ni. Nduyɛ, sɔɔn mun co lo kelaa háá mi n del masaa o lani. Lelan hun mì n suukan naa niaa.›

Nehemi 6:7 Referans Kwoze

Dɛnnda kiilaa 23:15

Lelan, la cɛlan niaa vanaa kialaa n'yamaa lelɛŋnda, mì la kɔ dimul simlacinɔ simlacia vanaa cɔvaa kɛmɛa, mò cuu niaa Pol, mì la dimi maa la yeema mì la tofa sɔɛi ndɔɛi lenin. Naa yɛ, n co pɔɔ toosian le ndu diyɔɔ lɔ́ɔ́ pá mò hun tiiya nanu.»

1Masaa 1:34

La tiiya pɛ, Sadɔk vana-solia-lasálàá nda Natan vana-tɛɛngaa-diom Hala-o a kɔ pɔla ndu lon, o siŋnun masa Israɛlla. O kon kɔɔli, la hɔŋ buloo, la yonnda aa: ‹Salomɔn co nin masaa ni, màá o viow yoomu naa coo!›

1Masaa 1:25

Kani o tol hau, mó diw cɔlua taw-taw: navaa tovaa, navaa téndéa celulaa a saa. Mó veelu cuavaa nɔmnda kpede a simlacia vanaa cɔwva, mó veelu vɛlɛ Abiatar vana-solia-lasálàá. A co dioo a kolɔɔ lon ndu o hɔl, a co yoondiaalan aa: ‹Màá masaa Adoniya viow yoomu!›

1Masaa 1:18

Kɛ nduyɛ, Adoniya siŋnun nihau masaa. Nɔm yɛ, a sínà a ndi o kɔɔ le.

1Masaa 1:7

Mí Adoniya ke Yoab po Seruya-o nda Abiatar vana-solia-lasálàá sɔɛi ken, mí nda cɛl ndu diom, má sim ndu kɔɔli.

Nehemi 6:6

O va o sɛvaa o sɛbɛ kon nin aa: ‹O co diminndo vanaa-mangalaa-isɔaa tɔ̀a tɛɛn, Kasɛm bɛɛ peelu sɔɛi ken, maa nɔm pila a Yuifia tɔ̀a, la co bɛɛndianndo le luɛyɔɔ o seesiɛi, maa lelan nɔm co kpakio mingio tangullo ni, kani nɔm yeema ni ma siŋnun masa ndaa, lende nda co dimio ni.

Nehemi 6:8

O kon mí mingul ndu Sanballa mulio ho aa: ‹Sɔɔn n co mùn dimio-on, ɲɛ-ɲɛ co toɲa lenin te, nɔm pila sii co tuuvo lende ni.›