Nehemi 6:14 - BII BILA

¹⁴ Éé Hala! Loonun a Tobiya nda Sanballa, le dɛnnda nda tosa lan. Loonun vɛlɛ a Noadia vanalanɔ-tɛɛngaa-diom Hala-o, a vanaa-tɛɛngaa-diom Hala-a celen, áà yeema le ya siòònde lueiyo-a.

Nehemi 6:14 Referans Kwoze

Nehemi 13:29

‹Éé Hala nuu, pɔɛɛnun a nda le. Kani a cii baala solia lasálàá a kpema vanaa-solia-lasálàá nda leviia yii-o nɔɔliaa.›

Dɛnnda cɔɔmuanndan 19:20

Má bii visi kon a vana-tɛɛngaa-diom hala lacòòva tosa ndu dɛnnda kaamaalan o hɔl-lo. A dɛnnda kaamaala lan vana-tɛɛngaa-diom hala kon luei vanaa sɔla pondale visi kon-nda a vanaa baŋ vulan tuula ndɔɔ o hɔl-la o pɔwlan nin ni. Mí visi kon a vana-tɛɛngaa-diom hala kon viawnun o dala leyinndo nin, nɛɛ fungoo co ŋɔu-va.

1Nsaŋ 5:16

Te vanndo ce pɛ puapilɛ ndɔɔ haki tosa mì vana vi loo tosaa, o piɛi mì Hala ke ndu yoomoo, te o va pɛ maa lekɛ́ndɛi haki kon tosa mì vana vi le. Haki tosa mì vana vi-o co, o co le haki kon te ya co dimio le piɛilen te.

2Timote 3:8

A simulnin toɲa Mɛlɛka-a mɛɛ Yanɛs nda Yambrɛs simul Moise yɛ (Fulaa 7.11).

Matie 24:24

Kani kristaa lacòòvaa a vanaa-tɛɛngaa-diom Hala-a lacòòvaa cannin, mà tosa dɛnnda kɔndɔfilta bɛndulan a kaamaalan, mà kɔɛ bɛɛ hali le vanaa sɔla hɛlio-a lueiyo o pɔwlan nin, taa tiw pɛ ba.

Matie 24:11

Vanaa-tɛɛngaa-diom Hala-a lacòòvaa cannin taw, mà luei vanaa bɔɔ-bɔɔ o pɔwlan nin.

Matie 7:15

«La mandan a vanaa-tɛɛngaa-diom Hala-a lacòòvaa. A co hunɔɔ o niaa lo maa n'saa, kɛ lenin ndaa tunaa yondoa vɔɔn-vɔɔnda nda co ni.

Yeremi 28:15

O kon mí Yeremi dimul vɛlɛ Hanania vana-tɛɛngaa-diom Hala-o aa: «Yaŋnun ɲɛkɛndɛi Hanania! Mɛlɛka vim nɔm te, ɲɛ fondoo fúú n co vannda ha vomɔɔ laalanndo ni.

Yeremi 28:10

O kon mí Hanania, vana-tɛɛngaa-diom Hala-o, faŋa sanga bɛndu va Yeremi coo-o, mó tɛɛmbuu ndu.

Yeremi 28:1

O vɔsi pilɛ kon nin, vɔsi hiɔɔlundɔ Sedekia va masalen tosaa Yuda-o, o paangii ŋuɛɛnundɔɛi nin, mí Hanania po Asur vana-tɛɛngaa-diom Hala-o Kabaɔn dimul-la o Cɛi-Hala-o nin vanaa-solia-lasálàá a vannda kpow o hɔl aa:

Yeremi 14:18

Te i kɔɛ pɛ yondoo nin, vanvílɛ́iya tuŋ ya saalun ni, a cɔwvo co diwvo-a. Te i kɔɛ pɛ ciee, vanvílɛ́iya tuŋ ya ca ni, vanaa-tɛɛngaa-diom Hala-a a vanaa-solia-lasálàá co kelanndo o lɛŋnden nin, ɲɛ-ɲɛ bɛɛ a co bila biyɔɔ le.»

Yeremi 14:15

Lelan o ya Mɛlɛka dimi a vanaa-tɛɛngaa-diom Hala-a kan-ndo co hoo ni, i vim nda le, kɛ ma va dimio aa o diola nilan nda co sɔɛi ni maa cɔw lueinin te, yima venin o lɛŋnden nden nin te. Nduyɛ, cɔwvo a yiaan ma co nda cii kpow ni.

Condii lisai 63:1

Condii David soli-e, telen o va Yuda o lɛŋnde veselɛilen nin-ndo.

Condii lisai 22:1

Condii David-e, í fula o condun simlacinɔ vanaa n'condua nin-nde. A ɲɛ-caa nɔ diolan aa «Kial idiiyo»-o vana soli ndi ni.

Nehemi 5:19

Éé Hala nuu, yiyan ya coo mà tuinun ya iɲíí le dɛnnda ya tosa le vannda ha kpow lan!»

Fulaa 15:20

Mí Miriam, yemaa Aarɔn, ó va vanalanɔ-tɛɛngaa-diom Hala-o-o cua dundoo, mí vanlaandua tɔ̀a kpow a fula ndu kɔɔli a dundulan lɔɔ a á yolan.

Condii lisai 137:7

Éé Mɛlɛka! Loonun ndɔ ɲɛ Edɔmnda va dimio paale vannda del Yerusalɛm coo len aa: «La puusiaa ndu, la puusiaa ndu háá nɛɛ o kilan tum-nda!»