Nehemi 6:13 - BII BILA

¹³ Le yɛɛ ndáà luɛi-yɛ ndu nin? Haliko mì siòònde ndíì bii ya, mì yáà tosa mɛɛ ndóò dimi yɛ, o kon mì yáà cua hakio. Yáà tosa yɛ pɛ lende, ndáà sɔla talen le ya diolan tɛɛmbuuo, mì siɛmbulan láà tol-la.

Nehemi 6:13 Referans Kwoze

Yeremi 20:10

I co vannda taw tueyɔɔ tuula vɔɔnndan le ya. Nuaa nda co ya veeloo ni aa: ‹Siòònde tiw sɔ́›. A pum a co ya vɛlɛ diolan keo aa: «Cɔɔmuu ndu! N kɔ lɔlun ndu!» Vanaa va caaŋaa nia-a kpow a muungu ya mɛngɛlaa le tɛɛmbuu hali ɲɛ-pɔmbɔ cɔu. A co dimio aa: «Bɔɔle o co pɔɛɛnɔn a ndu pila, o kon mì n tiw ndu ba, mì n mingul ndu màá náà»!

Nsaki 4:17

Te vanndo sina pɛ le dɛnɛ kɛndɔɔ tosaa, te o tosa ndu le, mɛɛ o cua hakio o ken nin.

2Timote 1:7

Kani Hala ke naa kɔl taalɛɛ le, kɛ kɔl pei naa kpaayaa, kaolaa a kɔllo biyɔɔ-o.

Yeremi 18:18

O kon mí vannda pum a dimi aa: «La hun mì n yiinun Yeremi dúmbú! Kani vanaa-solia-lasálàá venin naa lepɛŋ le naa pɛɛkoo le, kaasoŋaa kɔlkalua venin naa lepɛŋ le naa silala kɛndɛlan yɔngoo le, vanaa-tɛɛngaa-diom Hala-a bɛɛ venin naa lepɛŋ le naa sɔɛi Hala-e tɛɛngullo le. N kɔnnun mì n kɔ hɛɛndun ndu sɔɔn coo. N yaŋnun nilan o sɔɔn o vanin dimio-on te!»

Talelan 29:5

Vanndo hiw pɛ caan ndɔ sangalaa, mɛɛ o hendul ndu yaŋɔɔlen.

Nehemi 6:6

O va o sɛvaa o sɛbɛ kon nin aa: ‹O co diminndo vanaa-mangalaa-isɔaa tɔ̀a tɛɛn, Kasɛm bɛɛ peelu sɔɛi ken, maa nɔm pila a Yuifia tɔ̀a, la co bɛɛndianndo le luɛyɔɔ o seesiɛi, maa lelan nɔm co kpakio mingio tangullo ni, kani nɔm yeema ni ma siŋnun masa ndaa, lende nda co dimio ni.

Dɛnnda cɔɔmuanndan 21:8

Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»

Tite 2:8

Mì sɔɔn nɔmndon n sandu, vana nɔla mun sɛɛngiaa le, o kon mì yaamɔɔa laasian, a nɔla lɛ ɲɛ-ɲɛ vɔɔn dimi a naa o kɔɔ le.

1Timote 5:14

Lelan, i yeema mì cuavaa laandua felengia piaandaa ndaa vi-a cal o nɔla celen, mà sɔla cuawva, mà bii yungule ndalen, yɔŋii yaamɔɔa sɔla nɛiyo le sɔɔn vɔɔnndon dimio a naa o kɔɔ.

2Korɛntea 11:12

O ya co tosaa-o, i hiawnin laci a ndu tosaa haliko mi tɛɛmbuu yonga vanaa co yiyanndo maa a co baalaa tosaa maa naa-a.

Dɛnnda kiilaa 6:13

Má bɛɛndiaa seyaa lacòòvaa pum, mí kan a dimi aa: «Langbanɔɔ ho co pɛngi sɔɔn vɔɔnndon dimio a fonda-diandaa ho o kɔɔ le, o co vɛlɛ mun dimio a tɔŋ Moise-o o kɔɔ.

Matie 26:59

Mí bolii vanaa-solia-lasálàá a vanaa bɛndua kialu yaman lelɛŋndon-nda va nɛilan nuwviaa le Yeesu còòlan ɲiinduuo, haliko mi ndáà dii ndu.

Matie 22:15

Mí Faliisia kɔ yii dúmbóó le nɛilan nuwviaa le Yeesu biyɔɔ o sɔɛi ndɔɛi sondoei nin.

Matie 10:28

La vò vanaa dii diallon kɛ a nɔla kɔllo diyɔɔ le-a le. Kɛ o niaa vo-o co Vana tosà mì kɔllo a diallon kɔɛ o ɲánndávàà-o ni.

Esekiɛl 2:6

Nɔm Po vanacieo yɛ, yɔŋ isiòòn a nda le, siòòŋii bii nɔm le tombola nda bɛndoo le. Nɔm a vanin o yɔɔn a o siɛmbullon tɛɛn, a calnin o ngeemaa coo, kɛ siòòŋii biinin nɔm le tombola ndaa le. A ɲiiyanin le hɔlta ndalan te, kani vanaa nila kalua nda co ni.

Yeremi 1:17

Lelan nɔm Yeremi, yiinun yáwlen kpeekpei, mà tɛɛngul nda ɲɛ-ɲɛ ya dimulnin nɔm. Ɲiiya nda o hɔl te, yɔŋii ya tosa mà ɲiiya niko nda o hɔl kpeekpei.

Esai 57:11

Nɛ̀ɛ́-nɛ̀ va yɛ niaa vueinɔnndo? A Nɛ̀ɛ́ niaa va yɛ siòònde yɔŋndo, mí la va còòlan dimio, la ve vɛlɛ loonɔn a ya o kɔɔ le. La ve yiyan o dɛnɛ nuu coo le? Vɛ̀ɛ̀ le mɛɛ ya co o meiyo nin kabi lɔ́ɔ́ levil lɛ niaa kɛɛ le siòòŋii nii nɔu ni?

Esai 51:7

Niaa sina dɛnɛ sandaa-a, niaa vanaa nɔ tɔŋ nuu o lakɔl-la, la yaŋ ya nilan! La buulan le vannda niaa bɛ̀ɛ̀lan tɛɛmbuuo le, la ɲííyà a isiòòn le vanaa kan niaa yeowlan te.

Vana Kɔlkaloo 7:1

«Diola kɛndɛlan nɔu co fisa a cuɛima cun kɛndɛan suinɔnndo, paale piɔ́mnden le co fisa a paale vialannden.

Talelan 22:1

Diola kɛndɛlan la hiow naŋɔɔ a bolofaa bɛndoo. Vannda nɔm laalanndo co fisa a sianion te kon te a volion nɔu.

Nehemi 6:12

Mí sina maa o ve Hala le ndóò vem ndu le. Kɛ Sanballa nda Tobiya ndáà luɛi ndu nin a volion ni le ya diom lacòò kon dimullo.