Nehemi 6:12 - BII BILA

¹² Mí sina maa o ve Hala le ndóò vem ndu le. Kɛ Sanballa nda Tobiya ndáà luɛi ndu nin a volion ni le ya diom lacòò kon dimullo.

Nehemi 6:12 Referans Kwoze

Esekiɛl 13:22

Kani la co vana sandaa yoomuan solio a còòlan, nduyɛ, ya pila, i tɛɛmbuu nda kɔl te. La co vana kɔlvesɛiyo yoomuan lueiyo yɔŋii o mal kɔlvesɛi kon, mò ciindiaa yoomu ndɔɔ.

Dɛnnda cɔɔmuanndan 18:13

kamadolaa, ɲɛm cun kɛndɔn, ansan, mirte, mɔiyan, cuɛiyan, kpeyanndo, maalon, nawva a saa laandua, soa, ɲɛla ɲaanannda soa nan-ndan, cɛa a vanndacieea yoomaa.

2Piɛr 2:3

A co niaa tɔnɔɔ dioo a sondola yeelɛilan le mɛɛ nda nɔ hɔlte bolofaalen yɛ. Kɛ o co lɛhau le yamɛi ndɛi cuu kiolɔɔ ma sɔla yaalaa le, tambii ndɛi nɔ lɛ bɛɛ lɔ́ɔ́ le.

1Piɛr 5:2

la manda kunda saa Hala-a, a co niaa o ba bɛngu-a, ò va maa baŋɔɔ le nda baŋ niaa le, kɛ o va a yeemɛi niɛi mɛɛ Hala yeema yɛ. Ò va vɛlɛ a hɔlte ɲɛ-sɔlaa le, kɛ a kɔlkɛndɔɔ.

Tite 1:7

Nduyɛ, le mɛɛ simlacinɔ vanaa laalannda bɛnda mò nɔ hɔlten baala Hala-o coo yɛ, o bɛnda mò va vana yaalan too: o va vana yonga le, o va vana nɛi kɔl itambu loo le. O va vana yɔngun mɔiyan-ndo le, o va vana lasɔngɔ le, o va vana hɔlte ɲɛ-sɔlaa le.

1Timote 3:3

o yɔngún mɔiyan te, o va vana lacɔlɔba le, kɛ mò va vana cii sɔngɔlan-ndo a vana kɔlɲuloo. O va vana nɔ hɔlte ɲɛ-sɔlaa-o le.

1Korɛntea 12:10

mì Kɔl-Hala pilɛ kon ke vana pum kpaaya le dɛnnda kɔndɔfiltan tosaa, o pum le diom Hala-o tɛɛnguuo, o pum le yiyanndan sinaa. O yɔngun vana pum le sɔɛi o sɔɔn mangalan celen nin, o pum le sɔɔn mangalan mun vannda hivullo.

1Korɛntea 2:15

Vana Hala Kɔl-Diandaa co nin-ndo nɔla mò kelu dɛnndan kpow iyama, kɛ vana celen nɔla mò kelu ndu iyama le.

Dɛnnda kiilaa 20:33

I fula ɲɛ pila lehɔl te, o va n'voli, te kon te a n'siani, te kon te vɛlɛ a volɔɔ-cuɛinan.

Misee 3:11

Vanaa ndɔa kialaa n'yamaa co luɛyɔɔninndo cɛlɔɔ o yaman nda co kiolɔɔ-o nin. Vanaa-solia-lasálàà ndaa co vannda pɛɛkoo le salaa sɔlaa kínɛí. Vanaa-tɛɛngaa-diom Hala-a ndaa bɛɛ, le volion koni nda co nin sɔɔn vaa siɔdii dimio ni. Nda yɛ, à co cɔnnɔnndo maa le Mɛlɛka nda co ni. A co dimio aa: ‹Mɛlɛka co naa ikɛi, dɛnɛ palaa kɛ́-kɛ̀ tulnin naa coo le.›

Esekiɛl 13:19

La co ya bɛ̀ɛ̀lan ciiyo vanaa nia o hɔl le ɔrse baa ca a le bulula bingilan, mì la va yoomula vanaa bɛnda le piɔ́m sɔla le-a ciiyo, mì la va vanaa bɛnda le piɔ́mndo sɔlaa-a mɛiyo yoomu. La co vanaa nia còòlan dimullo, mì nda va còòla lan biyɔɔ.

Esekiɛl 13:7

Vɛ̀ɛ̀ o co vunduma fondoan te niaa co cɔ kon te? Vɛ̀ɛ̀ o co sɔɔn lacòòvan te niaa co dimio hoo maa n co hunɔɔ tosan te? La co dimio aa sɔɛi Mɛlɛka dimi-e co hee ni. Nduyɛ ya Mɛlɛka, i suu le.

Yeremi 28:15

O kon mí Yeremi dimul vɛlɛ Hanania vana-tɛɛngaa-diom Hala-o aa: «Yaŋnun ɲɛkɛndɛi Hanania! Mɛlɛka vim nɔm te, ɲɛ fondoo fúú n co vannda ha vomɔɔ laalanndo ni.

Yeremi 23:25

Ya Mɛlɛka, i tuei ɲɛ vanaa-tɛɛngaa-diom Hala-a co dimio-o. A co dimio maa o diola nilan nda co sɔɛi ni, kɛ còòlan fúú. A co dimio aa: ‹I sɔl lɔan, i ce vundulen.›

Yeremi 23:16

O Mɛlɛka-Nɔ-Kpaayaa-Kpow-vo dimi-o co hoo ni aa: «La yaŋnun sɔɔn vanaa-tɛɛngaa-diom Hala-a kalaa le, huiyo fúú nda co niaa ni. Sɔɔn nda co niaa dimullo-on, nda pila co mun yiyanndo ni. O co ya Mɛlɛka o ba le n fula le.

Yeremi 14:14

Mí Mɛlɛka mulul-la aa: «Vanaa-tɛɛngaa-diom Hala-a kan co dimio aa o diola nilan nda co sɔɛi ni. Còòlan fúú. O co ya le vem nda le, i dimul nda ɲɛ-ɲɛ le, sɔɔn fondon fúú nda co dimio a siɔdii lacio o kɔɔ ni, sɔɔn nda pila toosiaa le vannda palaa-on daama ni.

Esai 56:11

Tunaa lepulua nda co ni, a pim ɲɛ-ɲɛ le. Vanaa mandaa n'cɔlua bii ɲɛ-ɲɛ bila le-a nda co ni: nda kpede vana-vana co kɔlan o nɛi ndɔɔ coo, vana-vana co kiltan le tɔnɔ ndɔɔ sɔlaa kínɛí.

1Nsaŋ 4:1

Caaŋaa nia hɛnan ya-a, la laalan kɔltan kpow le, kɛ la soli lan kɔlɔ mì la sina te Hala o ba la fula ni, kani vanaa-tɛɛngaa-diom Hala-a bɔɔ-bɔɔ a hin o ceendo coo.

Nehemi 6:11

Mí mulul ndu aa: ‹O co vanapɔnɔ ɲaanun te ya co le. O faŋan pɛ o kon kɔɔli, ɔ́ɔ̀ vana co maa ya, mò luɛi o Cɛi-Hala-o nin, mò lo yoomu-o? Lelan, i lueinin te few!›

Nehemi 6:13

Le yɛɛ ndáà luɛi-yɛ ndu nin? Haliko mì siòònde ndíì bii ya, mì yáà tosa mɛɛ ndóò dimi yɛ, o kon mì yáà cua hakio. Yáà tosa yɛ pɛ lende, ndáà sɔla talen le ya diolan tɛɛmbuuo, mì siɛmbulan láà tol-la.