Nehemi 6:1 - BII BILA

¹ «Mí Sanballa, Tobiya, Kesɛm Arabunɔ a yaamɔaa naa tɔ̀a a tuɛi maa tɛɛngun kpakion cuu baŋul, maa i cii kpakio mingi tangul. Telen kon yɛ, yáà hendu vɔ bɛɛ koŋndan te.

Nehemi 6:1 Referans Kwoze

Nehemi 2:19

Lɔ́ɔ́ Sanballa Horoniinɔ nda Tobiya Amɔnnɔ, ó va vana ndɔ baalaa-o a Kesɛm Arabunɔ a tuei sɔɔn mún-ndo, má mam naa, má pɛɛsa vɛlɛ naa. Má dimi aa: ‹Yɛɛ niaa co yɛ kon tosaa? Masaa niaa yeema simullo ni?›

Nehemi 2:10

Lɔ́ɔ́ Sanballa Horoniinɔ nda Tobiya Amɔnnɔ, ó va vana ndɔ baalaa-o tuei maa vanndo pum hin le dɛnɛ kɛndɛ Israɛlla-o, má tambu kɔltan taw-taw.»

Nehemi 4:1

«Lɔ́ɔ́ Sanballa, Tobiya, Arabua, Amɔnnda a Asdɔdea tuei maa baala kpakio Yerusalɛm co nin lándán, mí tɛɛngon va baŋulɔnndo-o, má cɔɔlu kɔltan itambu taw-taw.

Nehemi 3:3

Mí poaa Ha-Senaa-a nda toosiaa Dio-n'suwvo. Má toosiaa kèédei, má luei ndu koŋndan, sɔkɔma n'cilinndan a ɲɛla kindaa diolan.

Nehemi 3:1

O kon mí Eliasib bolle vanaa-solia-lasálàá nda puapilɛa ndɔa vanaa-solia-lasálàá can, má tangul Dio-n'saa, má sɔaa ndu Hala o ba, má luei ndu koŋndan. Má sɔaa vɛlɛ kpakio Hala o ba kandɔɔ o cɛi coocoo Lakɛmɔɔ háá o cɛi coocoo Hananeɛl.

Daniɛl 9:25

Tofa vɔ ɲɛ n bɛnda le sinaa ma bii bila-o: kabi telen sɔɛi he dimin-ndo aa: «Mí n muungu, mí n tangul vɛlɛ Yerusalɛm», kɔ bii háá a telen vana nda pɔla pɔla diandaa-o fulanin ceen-ndo, telennda vɔsila ŋɔmmɛw-ŋɔmmɛwlan la tan ŋɔmmɛw. O lɔ́ɔ́lan belaŋɔmpum a latiɔn nin, kobio a soon balu kobio-o co vɛlɛ tangulɔn, kɛ o telennda sangala bɛndulan nin.

Nehemi 3:6

Mí Yoyada po Pasea-o a Mesulam po Besodia-o nda va dio paandoo bɛɛndiaa, má toosiaa kèédei, má luei koŋndan ndon, má baŋ sɔkɔan a ciliŋun bɛndun vana kanda dioo-on.

Nehemi 7:1

«Lɔ́ɔ́ kpakio cuu mingi cɔvɔɔ, mí luei koŋnda bɛndulan o diolan-ndo, má kɛsi kpalilaa cumulaa ladioa, vanaa solia n'condua a leviia o fondala ndalan.

Nehemi 13:4

Kɛ lɔ́ɔ́ telen kon hun tiiya, ndáà cii nin Eliasib, vana-solia-lasálàá hɛli le cɛila pɔmbɔla holnun Cɛi-Hala naa lan hɔlten nɔu coo. Kani vanayɛi kpeekpeii Tobiya-e o va ni.