Nehemi 5:9 - BII BILA

⁹ Mí dimi vɛlɛ aa: ‹La co ɲɛ kɛndɛ tosa le dɛ! O siòòŋii Hala naa nin niaa bɛnda le kelaa ni, yɔŋii siɛmbulan la bii naa vanaa súúla celennda o hɔl, yaamɔaa naa pɛɛn.

Nehemi 5:9 Referans Kwoze

Tɔŋ lasálàá 25:36

La bɛnda mi la ɲuna ndu le niaa ɲɛ-ɲɛ mingul a tɔnɔ súú-súú lecoo le. La nɔ́ siòòŋii Hala niaa, o kon mì puapilɛ niaa va yoomu niaa ikɛi.

1Piɛr 2:12

La nɔ kela kɛndɔɔ vanaa co vanaa laalan te-a tɛɛn, haliko a ɲiinduu niaa bɛɛ còòlan coo maa vanaa tosaa dɛnnda vɔɔn, mà ce dɛnnda kɛndɛla niaalan, mà biilu Hala paale o hunnin-nden.

2Samiɛl 12:14

Kɛ le tùú n tosa dɛnɔɔ ho mà yɔngu yaamɔaa Mɛlɛka-a fɛɛlɔɔ le ndu tɛɛndanndo-o, po n velu ho-o lonin te, vuo o co ni.»

Tite 2:5

mà va vanaa bii kɔlta ndalan-nda, a vanaa dendu Mɛlɛka o hɔl-la. Mà va vanaa bii cɛila ndalan-nda, vanaa kɛndɛa a vanaa ke piaandaa ndaa bɛɛlen-nda, yɔŋii vannda dimi sɔɔn vɔɔnndon a sɔɛi Hala-e o kɔɔ.

1Timote 5:14

Lelan, i yeema mì cuavaa laandua felengia piaandaa ndaa vi-a cal o nɔla celen, mà sɔla cuawva, mà bii yungule ndalen, yɔŋii yaamɔɔa sɔla nɛiyo le sɔɔn vɔɔnndon dimio a naa o kɔɔ.

Rɔmnda 2:24

Maa mɛɛ o sɛvan yɛ aa: «Sɔɔn tanan dimin a diola Hala lan o kɔɔ vanaa súúla celen tɛɛn le niaa vanaa sínà Hala-a.»

Dɛnnda kiilaa 9:31

O kon mí vanaa Krista-aa va Yuda, Kalile a Samari-a kpow sɔla kɔlɲuloo. Mí Hala Kɔl-Diandaa tosa má sɔla yoomuan, má hindu, a va kelaa o nɛila Mɛlɛka lan coo.

Esekiɛl 36:20

Mɛɛ nda tiiya o vanaa-mangalaa-isɔɔa nda va a sɛŋian tɛɛn-nda lo, má nɔɔliaa diola nila diandaalan, kani vannda va dimio a nda o kɔɔ aa: «Vanaa Mɛlɛka-a co haa ni, o lɛŋnde ndɔlen nin nda cɛn ni!»

Talelan 24:23

Silalan ndan bɛɛ, vanaa kɔlkalua o ba la fula ni: O bɛnda mì vana hiyan vannda o yamɛi kiolɔɔ nin te.

Talelan 19:2

Te vana nɔ taasi le dɛnɔɔ keleŋaa tosaa niŋ te, kani vana hiw pɛ lawvo a dɛnɔɔ a bendun.

Talelan 18:5

Dɛnɛ vɔɔndo o co le vana kɔlvesɛiyo simndan kɔɔli o kɔɔsɔɔ nin ni, mì vana tuŋ vana tɛɛmbuu isɔɔ loo dí ndɔɔ.

Talelan 17:26

O niŋ mì vana luei vana tɛɛmbuu isɔɔ loo bɔnɔ le, o co vɛlɛ dɛnɛ sandaa le vana vannda ke bɛɛlen-ndo lɔɔ le.

Talelan 16:29

Vana kɔl vɔɔndo hìŋ caanda hɔlla ni, mò yɛɛ nda o nɛi vɔɔndo coo.

Nehemi 5:15

Nduyɛ masaa n'bungaa cal-la tase-a va vannda delɔɔ coo le muloo malɔɔ a ɲɛm dian a á mɔiyan. Handɔɔ o kon coo, má va nda volin latámán belehiɔɔlu biyɔɔ coo le bolle vana pilɛ. Hali buɛyaa ndaa va nin vannda masalen tosaa coo. Kɛ ya yɛ, i tosa lende le, kani siòòŋii Hala-e va ya.

Nehemi 4:4

Nduyɛ vannda Yuda va dimio aa: ‹Vanaa baalaa fula yoomuan, Puuloo co o bɔɔ! N nɔlanin kpakio ho mingio cɔvɔɔ le.›

1Samiɛl 2:24

Poaa nia, la pɛngi dɛ! Ɲɛ ya co tueyɔɔ a niaa o kɔɔ-o niŋ te, la co tosaa mí vanaa Mɛlɛka-a va kasio delɔɔ.

O Kandɔɔ 42:18

O paale yàándɔlen, mó dimul nda aa: «La tosa ɲɛ ya dimul niaa-o mì la baŋa yoomu niaa, kani vana ke Hala bɛɛlen-ndo ya co ni.

O Kandɔɔ 20:11

Mí Abraham mulul ndu aa: «Yiyan nuu va ni maa ɲɛ-pɔmbɔ bɛɛ vannda ha nanu a nɔ siòòŋii Hala le, maa taa sina pɛ maa laa nuu cuaa ho co ni, a dii ya le ndu.

Nehemi 5:10

Naa bɛɛ, ya pila, vanaa nia baalaa a puapilɛa nia, mí n dɔnda vannda volion, mí n dɔnda nda maalon. Kɛ n mal nda le kueela lan.

Condii lisai 90:11

Ɔ́ɔ̀ vana sina kpaaya kɔltuw nɔmndo-o? Nɛ̀ɛ́ sina yɛ kɔl tambɛi nɔmndo, o yɔŋ mì siòòŋii nɔmnde bii naa-o?