Vannda co luɛyɔɔninndo biyɔɔ le vannda diwvo nanu. Nɔm pila co vannda ɲɔɔn dɔndaa le nɔm mingullo a tɔnɔɔ bɛndoo, a co vannda ɲɔɔn poondiaa o laba a kafalan, a co vana niaa co-o ɲɔɔn poondiaa o ba a paa-kala, ya Mɛlɛka, má pɔɛɛnun ya. Ya Maalii, ya co Mɛlɛka-o soo nuaa ni.
O yɔngu vana kuee le tɔnɔ sɔla lecoo le, o cɛl luɛyɔɔninndo le vana tɛɛmbuu isɔɔ loo palaa le. Vana kela pɛ o nɛilan ndan coo, vana kon del lɔ́ɔ́-lɔ́ɔ̀ le.
La tósà lakafa o yaman kiolɔɔ nin te: la sím vana bala fondoo kɔɔli o kafalan coo le, la sím vɛlɛ vana bɛndoo kɔɔli o còòlan coo le. Kɛ la kiolu yaman caanda o sandei nin.
Lelan, n tofan ndɛ vanndo o nɛi ivanacieea coo le. Kani o tasendɔ, o nɛi ivanacieea coo ko naa n va Krista tofaa ni. Sunsun yɛ, o co lɛ o nɛi kon coo le naa n co ndu cɔu le.
Te o kɛɛ pɛ le nda nilan yaŋɔɔ, a cɔm kunda vanaa laalannda sɔɛi kalɛi, te o kɛɛ nin pɛ kunda vanaa laalannda diom, mɛɛ cɔ ndu maa vana-mangalaa-isɔɔ celen, maa vana biyaa mulu.
Nuaa Maalii Hala dimi ni aa: «Niaa simlacia Israɛl sei, la hiow ba dɛ! La pɛngi nin kɔlvesɛiyo a delɔɔcoo ho tosaa! La tosa nin sakpoyɛi a dɛnɛ sandaa! Mbɔ̀ la pɛngi nin vanaa nia yondola ndalan poondiaa o laba! Ya Maalii, ya co Mɛlɛka-o soo nuaa ni.
Te la yɔngu pɛ vana pilɛ o yungu nuu tɛɛn volion kueo, vana ikɔɔ co niaa ikɛi-yo pɛɛn, la bɛnda mì la kuel ndu le ndu suukoo le. La tisa ndu vɛlɛ kɔɔli le niaa mun mingullo a tɔnɔ lecoo le.