Nehemi 5:4 - BII BILA

⁴ A pum nda va vɛlɛ dimio aa: ‹Le mulu masaa malɔɔ, n cua volion mí n lendul ciɛɔn naan a nakɔla naala n'rɛsɛnndan.

Nehemi 5:4 Referans Kwoze

Ɛsdras 4:13

Le hee, màá masaa va o sinaa nin, maa te kobi kon muungu pɛ tangulɔn, mì kpakila ndɔlan la bɛɛndian, vanaa vanin lenin-nda mel-lɛnin mulu le, a yɔngu lɛnin ɲɛm kelun-ndon a sala hiavaa le. Ken tosan yɛ pɛ lende, mɛɛ bolofaa lemasaa kuinin te dɛ!

Ɛsdras 4:20

Masaa nɔ kpaayaa taw-va kei Yerusalɛm, mí masale ndalen le pɛngɛlan o lɛŋii va Efrate leeloo a ba paalen le del-lo-e kpow coo, vannda va nda muloo malɔɔ o ba, a va ɲɛ kelun-ndo yɔngoo, a va sala hiavaa yɔngoo.

Nehemi 9:37

Lɛŋnde len le co hau masaa n kɛsi naa coo-a bolofaa lueiloo nuaa ni, masaa naa n co a vɔngulaa o ba o cɛlen nin le hakila naalan-nda pɛɛn. Masaa kan co hɛnan ndaa tosaa a naa a á cɔlua naa. N co bɔɔ sangaa mbɔ̀!»

Ɛsdras 7:24

N co niaa vɛlɛ dimul kpendekele maa n kuuna niaa le muloo, ɲɛm solian a sala hiavaa biyɔɔ vanaa-solia-lasálàá, leviia, vanaa ɲɛ-caa, kpalilaa cumulaa ladioa, buɛyaa Cɛi-Halaa a vanaa baalaa co o Cɛi-Hala-o nin-nda kpow o ba.

1Masaa 9:21

Mí Salomɔn sɛva poaa vanaa-mangalaa-isɔaa kan, áà lo o lɛŋnde ndalen nin, Israɛlla nɔla nda tovɔɔ le-a, má lo pɔtɔlten a baalala kálà-kálàlan tosaa. Nduyɛ háá paalen nden, a co vɔ o pɔtɔlte len nin.

Yosue 16:10

Yungu Efraim-ndo tuw Kanaŋaa va icali Kesɛr-a le, lelan Kanannda co icali yungu Efraim-ndo tɛɛn háá paalen nden ni. Kɛ nda va le baalala kálà-kálàlan tosaa ni.

Nehemi 5:3

Mí a pilla nda va dimio aa: ‹Tuma yiaan ma co hoo-o, n malnun ciɛɔn naan, nakɔla n'rɛsɛnnda naalan a cɛila naalan o landon nin le maalon sɔlaa.›

Talelan 22:7

Vanaa bolofaa o ba bɛngu vanaa bala fondoa co ni. Vana cua kueo-vo co cɛ vana o cua kueo o ba-o ni.