Nehemi 5:13 - BII BILA

¹³ O kon kɔɔli, mí koaŋ bɔɔle doma ni bɛndoo, mí dimi aa: ‹Màá Hala koŋ vanaa lonin o diomnde ndalen coo le-a, mò faŋa nda o cɛila ndalan nin a o bolofaa ndaa coo, maa mɛɛ ya tosa a domaa nuu nuaa yɛ. Màá vanaa kan a lo fondo!› Mí vannda kpow a cɛl aa: ‹Amiina!› Má mel Mɛlɛka balika. Mí vannda lo o diomnde ndalen coo.

Nehemi 5:13 Referans Kwoze

Dɛnnda kiilaa 18:6

Kɛ le mɛɛ Yuifia va ndu simullo ma va ndu yeowlan yɛ, mó koaŋ cundu va o doma ndɔɔ-o, mó dimul nda aa: «Te la sɔla lɛ cindaa le, mɛɛ a niaa pila ken fula ni, o co lɛ sɔɛi ni le co ken te. O hau kɔɔli, o vanaa co N'Yuifi le-a lo ya co lakɔ ni.»

Matie 10:14

Cɛi oo cɛi, te kon te kobi oo kobi nda bii niaa, mà yaŋ nilan o sɔɔn nian te, la va pɛ faŋanndo lon, la koŋ cundu vanin niaa o n'pelu-o, la kɔɛnnun.

1Dɛnnda lemasalan 16:36

Biiloo co le Mɛlɛka Hala Israɛlla, le fɛɛn a fɛɛn! Mí vannda kpow cɛl o lepilɔɔ aa: «Amiina! Biiloo co le ndu.»

Dɛnnda kiilaa 13:51

O kon, má koaŋ cundu va nda o n'pelu-o, má kɔannun Ikoniɔm.

Vana Kɔlkaloo 5:5

Cɛl mì sondo nɔmndo mal nɔm o pɔwlan nin te. Dímùl vana co kiilalen o Cɛi-Hala-o nin-ndo le aa: ‹Pɔwlan ya pɔw o ciɛ́i cuaa ni.› Vɛ̀ɛ̀ ma tɛɛmbuu Mɛlɛka kɔl, mò laasiaa baalala nɔmndan kpow?

Condii lisai 119:106

I cii mɛnan, ɛɛ nduyɛ, mɛɛ mì tosa, i vanin tɔŋnda nɔmnda sandaalan biyɔɔ.

Condii lisai 76:11

Hali kɔltuw vanndacieea siŋnun biiloo le nɔm, mì vanaa lonin a kɔltuwvo-a vownun volɔɔla biisilan.

Condii lisai 50:14

O co fisa mì la solul-la sálàla malaa balikalan, ya Hala niaa pɛɛn, mì la peelu ciɛ́ɔn niaa cua o ya lo-on, ya Hala-Hiow-Ɲɔɔn-Kpow-vo.

Nehemi 8:6

Mí Ɛsdras mel Mɛlɛka, ó co Hala bɛndoo-o balika, o kon mí vannda kpow a va cɛlɔɔ a balan heeloo aa: «Amiina!Amiina!» O kon má tundun má baŋ vulan Mɛlɛka o hɔl le ndu biiloo.

2Masaa 23:3

Mí masaa sim o fonda yesaa coo, mó yii kpemaa nda Mɛlɛka tɛɛn, mó cua ciɛ́ɔn le kelaa o nɛi Mɛlɛka-o coo, le kelaa o tɔŋnda ndɔlan coo, le silala ndɔlan a pɛɛkula ndɔlan biyɔɔ a kɔl ndɔɔ a á yoomu ndɔɔ kpow, a le sɔɔn co n'sɛvaa o sɛbɛ kpema kon nin-ndon tosaa. O kon mí vannda kpede cɛl, má luɛi o ciɛ́ɔn masaa cua mun-ndon bɛngu.

1Samiɛl 15:28

O kon, mí Samiɛl dimul Saul aa: «Nuaa Mɛlɛka sɛɛsiaa nɔm hau masalen o ba Israɛlla coo ni, mó yɔngu vana celen, vana co fisa a nɔm-ndo pɛɛn.

Kundalan 5:22

telen mɛmma lolɛima sendían man ma co nɔm tiiya o dembe-o! O kon, vanalanɔ kon bɛnda mò muli aa: Amiina! Màá o tosan lende!

1Korɛntea 14:16

Dɔw bɛɛ duaa o diola Kɔl-Diandaa, vɛ̀ɛ̀ vana co icali vannda tɛɛn-ndo muli yɛnin aa: «Amiina» te o bii ɲɛ n dimi-o bila le?

Talelan 28:4

Vanaa bii tɔŋndo le-a heelu vanaa kɔlvesɛiya ni, kɛ vanaa bii tɔŋndo-a, cɔlɔbaa nda cɔlɔba vanaa kɔlvesɛiya ni.