Nehemi 5:11 - BII BILA

¹¹ Lelan hau hauve he, la mingi nda ciɛɔn ndan, nakɔla n'rɛsɛnnda ndalan a cɛila ndalan o laba. La nuwviaa vɛlɛ tɔnɔ celen o ɲɛm niaa dɔnda nda-on coo le, o va n'voli, o va n'malu, o va mamɔi te kon te macuɛi.›

Nehemi 5:11 Referans Kwoze

Esai 58:6

La tuei-yɔ sum hini ya Mɛlɛka kɔllo-o: La kili yɔlɔn dɛnɛ sandaa lepɛŋndon, mì la kili yoei yɔm lebolle, mì la mingi vanaa co o sangaa nin-nda o nda lo o hɔ́ɔ́yɛi nin, mì vannda kpow tuisi volɔɔla súú-súù nda hɛɛnduu vannda o lebol-tan.

Luke 3:8

Mɛɛ la tosa niko dɛnnda kɛndɛla cɔm maa la mal kela niaa vɔɔndo, mì la mangalan ndan. La dimin o lakɔl te aa: ‹Abraham co fuɲa naa ni.› Kani mì dimul niaa, Hala nɔla mò siinguu powtan ndan cuavaa Abraham-nda.

2Samiɛl 12:6

O bɛnda mò yɔngu saa nda hiɔɔlu le saa pilɛ kon salaa. Kani o tosa dɛnɛ iɲíí le.»

1Samiɛl 12:3

Lelan, la ce ya isisi niaa, Mɛlɛka a masa o pɔla-o o hɔl. Te i tosal pɛ vana dɛnɛ vɔɔn, vana kon bìí sei nuu. Vɛ̀ɛ̀ i ciimbuu pá naw vana, te kon te sofɛlɛ pila? Nɛ̀ɛ́-nɛ̀ ya saangiaa yɛ le tɔnɔ soli ndu o n'dial? Nɛ̀ɛ́-nɛ̀ ya luei-yɛ mɔnɛi? Nɛ̀ɛ́-nɛ̀ luɛi-yɛ ya nin a ɲɛ pum le hɔltan kindaa o dɛnɛ ndɔɔ coo? Te i tosal pɛ vana dɛnɛ vaa lende, mɛɛ vana kon dimi mì mingul ndu ɲɛ ndɔ ya de-o.»

Tɔŋ miingua 6:11

La komalnin cɛilan lapiaalan a ɲɛm kɛndɛn súú-súù ka, n niaa cuungiaa loon. La komalnin soonnda mandaa mamɛnndan latoavaa, la niaa tuw le lan. La komalnin vɛlɛ nakɔla n'rɛsɛnndan a nakɔla olivieela niaa tol te lan. Lɔ́ɔ́ niaa dianin ɲɛdiaa mi la pim ca-o,

Nehemi 5:10

Naa bɛɛ, ya pila, vanaa nia baalaa a puapilɛa nia, mí n dɔnda vannda volion, mí n dɔnda nda maalon. Kɛ n mal nda le kueela lan.

Nehemi 5:12

Má muli aa: ‹N co tosa mɛɛ n dimi yɛ, n co nda ɲɛm ndan mingul, n suuku lɛnin nda le.› O kon mí veelu vanaa-solia-lasálàá, má hun mɛnan vanaa-solia-lasálàà kan o hɔl le lou o diomnde ndalen coo.