Nehemi 4:8 - BII BILA

⁸ Yáà ciiyo sɔɔn mun mɛɛdianndo kpow, mí dimul vanaa bɛndua, vanaa kialaa n'yamaa a vanaa tɔ̀a kpow aa: ‹Siòòŋii bii niaa a nda le! La loonun maa Mɛlɛka co o bɔɔ, ndu co kpúlúnkùmaa ni. La cɔlɔba le puapilɛa niaa, le poaa niaa, le cuavaa niaa laandua, le laandaa niaa a le cɛila niaalan.›

Nehemi 4:8 Referans Kwoze

Yeremi 20:10

I co vannda taw tueyɔɔ tuula vɔɔnndan le ya. Nuaa nda co ya veeloo ni aa: ‹Siòònde tiw sɔ́›. A pum a co ya vɛlɛ diolan keo aa: «Cɔɔmuu ndu! N kɔ lɔlun ndu!» Vanaa va caaŋaa nia-a kpow a muungu ya mɛngɛlaa le tɛɛmbuu hali ɲɛ-pɔmbɔ cɔu. A co dimio aa: «Bɔɔle o co pɔɛɛnɔn a ndu pila, o kon mì n tiw ndu ba, mì n mingul ndu màá náà»!

Nehemi 4:7

Lelan, mí kɛsi vannda lebɛngu o bóllo nin o kpakio kɔɔli, a nɛɛ kpakio ndóò cownun ndɔ le-a, mí kɛsi nda mɛɛ yungula ndalan la va yɛ. Mɔɔn cɔwvon, báltan a kpaasiaalan la va nda o laba.

Tɔŋ miingua 1:29

Mí mulul niaa aa: ‹La ɲííyà le, la yɔ́ŋ isiòòn a nda le.

2Samiɛl 10:12

Lelan, tosa vanapɔnɔyɛi, mì n tosa cɔwvo a yoomuan le lɛŋnde naalen a le kobila Hala naa. Màá Mɛlɛka tosa ɲɛ hɛnan ndu-o!»

2Dɛnnda lemasalan 32:7

«La sim yili mì la fula diallon! Siòòŋii bii niaa le, la ɲííyà masaa Asiri a vanaa cɔvaa sɛ́lɛ́ bɛndua co ndu haa kɔɔli-a o hɔl te. Kani vana co naa ikɛi-yo hiow o co ndu ikɛi-yo kpaayaa.

Nehemi 1:5

Mí dimi aa: «Éé Mɛlɛka! Nɔm Hala co o halataala-o, Hala bɛndoo a Kpúlúnkùmaa, nɔm Vana yii kpemaa má o lo o lediom coo a vanaa kaola nɔm, má va silala nɔmndan biyɔɔ-a-o!

Daniɛl 9:25

Tofa vɔ ɲɛ n bɛnda le sinaa ma bii bila-o: kabi telen sɔɛi he dimin-ndo aa: «Mí n muungu, mí n tangul vɛlɛ Yerusalɛm», kɔ bii háá a telen vana nda pɔla pɔla diandaa-o fulanin ceen-ndo, telennda vɔsila ŋɔmmɛw-ŋɔmmɛwlan la tan ŋɔmmɛw. O lɔ́ɔ́lan belaŋɔmpum a latiɔn nin, kobio a soon balu kobio-o co vɛlɛ tangulɔn, kɛ o telennda sangala bɛndulan nin.