Nehemi 3:26 - BII BILA

²⁶ Mí buɛyaa va icali o pembei Ofɛl coo-a nda tosa baalaa kandɔɔ o cɛi coocoo va a ba paalen le can-ndo-o, kɔlan tiiyaa háá o Dio-pee-lebollo. O Cɛi-Mɛlɛka-o nin ndáà tosa baalaa ni.

Nehemi 3:26 Referans Kwoze

Nehemi 11:21

Netiniia nda va icali Yerusalɛm o bungɛi kobiei pum nin diolan Ofɛl, a va lon o ba simlacia ndaa bɛngu, Siha nda Kispa pɛɛn.

Nehemi 8:1

O kon mí vannda kpow cuungian o lepilɔɔ o fonda co o Dio-mamɛnndo hɔl-ndɔ-o. Má dimul Ɛsdras vana sɛvaa latɔŋndo le hunɔɔ a sɛbɛ tɔŋ Moise-o, tɔŋ Mɛlɛka hendul Israɛlla-o.

Nehemi 12:37

Ndáà tiiyaa o Dio-pee-lebollo, má komal helɔɔla vana kei le tiiyaa o Kobi David-o nin-ndan, má kei lon, má kɔ hel o kpaki kei o cɛi lemasa David-o coo-o coo, má hiaw laci háá o Dio-mamɛnndo a ba paalen le can-ndo.

Nehemi 8:3

Mí Ɛsdras lo isisi sɛbɔɔ dimio o Dio-mamɛnndo hɔl-ndɔ vanpiaandua, vanlaandua a vanáà tiwba le tɔŋndo bilaa biyɔɔ-a o hɔl, kandɔɔ idiiyo háá mí paalen le tiiya o pol. Vana-vana va nilan yaŋɔɔ ɲɛkɛndɛi lɔ́ɔ́ sɛbɛ tɔŋ kon va diminndo-o.

2Dɛnnda lemasalan 33:14

O kon kɔɔli, mí Manase cɔaw kpakio o Kobi David-o kɔɔli, mó heelu ndu ningo-ningo, cɔnɔnndo o peo Kihon a ba paalen le del-lo o bóllo Sedrɔn nin, háá tiiyaa o Dio-n'suwvo, mó balu pembei Ofɛl sɔ́ a kpaki kon. Mó kɛsi vɛlɛ simlacia vanaa cɔwva o kobila va o tàndá Yuda-o nin-ndan nin kpow.

2Dɛnnda lemasalan 27:3

Ndu Yotam tangul dio luɛyaa lecoo Cɛi-Mɛlɛka-o ni, mó tosa tangultan taw o kpakio nin o pembei Ofɛl coo.

Nehemi 10:28

Maluk, Harim a Baana.

Nehemi 8:16

O kon mí Israɛlla kɔa, má nuwviaa ɲɛm mun le kùùlan tangullo. Mí a pum tangul kùùla ndalan o cɛila ndalan sɛmtɛ, a pum o la nda lo bɛɛ, a pum o bɛ́ɛ̀ Cɛi-Hala-o, a pum o fonda Dio-mamɛnndo, a pum yɛ vɛlɛ o Dio-Efraim-ndo sondoo.

Nehemi 3:27

Mí vanaa fula Tekoa-a nda tosa baalaa cɔnɔnndo o cɛi coocoo bɛndoo kɔlan tiiyaa háá o kpaki va o pembei Ofɛl coo-o.

1Dɛnnda lemasalan 9:2

Vanaa yɔŋnun vanaa tasea le muungoo o kobila ndalan nin má kɔ mingin yondola ndalan o ba-a yɔŋnun Israɛlaa tɔ̀a ni. O nda kɔɔli, mí vanaa-solia-lasálàá, leviia a vanaa va baalaa o Cɛi-Hala-o nin-nda bɛɛ a muungu.

Esai 32:14

Cɛi bɛndu lemasaa lonin fondo, vannda piawnin kobi vɔkɔ-vɔkɔɔ co hoo nin-ndo, pembei a cɛi coocoo siŋnunnin buululan le fɛɛn a fɛɛn, sofɛlɛa yondoa vanin pisultan ndon. Cɔlua vanin billo dioo lon.