Nehemi 3:21 - BII BILA

²¹ Ndu cɔnɔnndo, mí Meremɔt po Uri-o, po imama Hakɔt-o, ndu tosa baalaa kandɔɔ o dio cɛi Eliasib-o kɔlan háá o mɛɛlula bɛ́ɛ̀ ndɔɔ.

Nehemi 3:21 Referans Kwoze

Nehemi 7:63

Nduyɛ, o vanaa-solia-lasálàá tɛɛn bɛɛ, mí dɛnɛ vaa lende yɔŋnun. Vanaa kan yɔŋnun haa ni: poaa Hobaya-a, poaa Hakɔs-a a poaa Barsilai-ya. Barsilai kon, le tùú ndóò nɔ cua Barsilai fula Kalaad-o o nɔ̀u nin-ndo diola Barsilai lan la hel ndu coo ni.

Ɛsdras 2:61

O poaa vanaa-solia-lasálàá tɛɛn, vanaa vaa lende va vɛlɛ. Nda va haa ni: poaa Hobaya-a, poaa Hakɔt-a a poaa Barsilai-ya, le tùú o yil cua Barsilai fula Kalaad-o o nɔ̀u nin-ndo ndu bɛɛ sɔla diolan ni aa Barsilai.

1Dɛnnda lemasalan 4:8

Kɔs yɔŋnun fuɲaa Anub a Hasobeba ni. Kɔs kon va vɛlɛ fuɲa-mama yungula Aharehɛl po Harum-ndo lan ni.

Ɛsdras 8:33

O paale hiɔɔlundɔlen coo, mí n tuu volion, sianion a ɲɛm sɔvɛn mun o Cɛi-Hala naa nin, o kon mí yɔngu Meremɔt vana-solia-lasálàá mun, po Uri-o o va ni. Vanaa va ndu ikɛi-ya va haa ni: Eleasar po Pineas-o, Yosabad leviinɔ, po Yosue-o a Noadia po Binnui-yo.

Nehemi 3:20

O ndu kɔɔli, mí Baruk po Sabai-yo va kpakio bɛɛndiaa baa pilɔɔ a dialun fulan taw. Kandɔɔ o sɔngilen kɔlan háá o dio cɛi Eliasib-o, Eliasib bolle vanaa-solia-lasálàá pɛɛn.

Nehemi 3:22

Mí vanaa-solia-lasálàá fula o tàndá balu Yerusalɛm-ndo nin-nda va baalaa ndu ikɛi.

Nehemi 3:1

O kon mí Eliasib bolle vanaa-solia-lasálàá nda puapilɛa ndɔa vanaa-solia-lasálàá can, má tangul Dio-n'saa, má sɔaa ndu Hala o ba, má luei ndu koŋndan. Má sɔaa vɛlɛ kpakio Hala o ba kandɔɔ o cɛi coocoo Lakɛmɔɔ háá o cɛi coocoo Hananeɛl.

Nehemi 3:4

Meremɔt, po Uri-o, po imama Hakɔt-o va baalaa kan ikɛi ni. Mí Mesulam po Berekia-o, o fula o polale Mesesabeɛl-ten nin-ndo va baala kan ikɛi. Mí Sadɔk, po Baana-o ndu va baalaa kan ikɛi.