Nehemi 3:15 - BII BILA

¹⁵ Mí Salum po Kɔl-Hɔse-o, ó va masaa o tàndá Mispa-o coo-o ndu bɛɛndiaa Dio-pee-lebollo. Mó cɔaw ndu, mó handu koŋndan, sɔkɔan a ciliŋun vana kinda dioo-on. Mó mingi vɛlɛ cìì cɛi va o dalaa Siloe ikɛi-ye cɔvɔɔ, cìì cɛi va o nakɔɔ masaa nin-nde, tolɔɔ háá o kobi David-o nin.

Nehemi 3:15 Referans Kwoze

Nsaŋ 9:7

mó dimul ndu aa: «Kɔ pulun o fonda mamɛnndo Siloe». Siloe kon co dimio ni aa: «Viomɔɔ». Mí vana sumɛi kon kɔa lon, mó kɔ pulun, telen o va muungoo-o, mó ca.

Esai 8:6

«Le tùú vannda ha a pɛɛsa mɛnndan Siloe-o, mɛmma connun man hiovɔɔ fɛ́ɛ́-fɛ́ɛ́-an, le tùú nda dɔwnun ɲaale le Resin a le po Remalia-o-o,

Nehemi 12:37

Ndáà tiiyaa o Dio-pee-lebollo, má komal helɔɔla vana kei le tiiyaa o Kobi David-o nin-ndan, má kei lon, má kɔ hel o kpaki kei o cɛi lemasa David-o coo-o coo, má hiaw laci háá o Dio-mamɛnndo a ba paalen le can-ndo.

Luke 13:4

N'van tɔ́ a vanaa ŋɔmaa cɛi coocoo vilɛiyo del coo Siloe, mó diw nda-a yɛ, la laalan maa nda yɔŋnun vanaa yɔŋ vɔɔnda hiovɔɔ vanaa tɔ̀a Yerusalɛm coo ni?

Nehemi 2:14

Mí kei o Dio-pee-lebollo a o Dala masaa ikɛi, fonda ve lɛ le cɔlu ya va o kɔɔ-o hiovɔɔ le.

Nehemi 3:14

Mí Malkia po Rekab va masalen tosaa o lɛŋnde ibungalen Bɛt-Hakerɛm coo-o bɛɛndiaa Dio-puulu-sállo. Mó luei kèédei, mó handu sɔkɔan a ciliŋun vana kinda dioo-on.

Nehemi 3:12

Mí Salum po Hallɔhɛs-o, ó va simlacinɔɔ Yerusalɛm baa pilɔɔ coo-o tosa baalaa kan i ikɛi nda cuavaa ndɔa laandua.

Nehemi 3:9

Mí Refaya po Hur-o va baalaa nda ikɛi, Hur kon va masalen tosaa Yerusalɛm baa pilɔɔ kpow coo ni.

Nehemi 3:7

Vanaa va baalaa nda ikɛi-ya va Melatia fula Kabaɔn-ndo ni, handun niko Yadon fula Meronɔte-o a vanpiaandua Kabaɔnnda pum a vanpiaandua pum fulaa Mispa. Nda kpow masa ibunga va peo leelo a ba paalen le del-lo-o ndóò vem nda ni.

2Dɛnnda lemasalan 32:30

Ndu Esekia óò baŋul vɛlɛ soondo Kihon ni, mɛmma va fulaa a maluaŋ-ndan pɛɛn, mó mingi man hɔlla a ba too, ba paalen le del-lo, o Kobi David-o nin. Ɲɛ-ɲɛ Esekia va tosaa va ndu bɛndaa o ba.

2Masaa 25:4

mí Babilɔnnda buli soondo o kpaki kobio. A balɔɔ Babilɔnnda ndáà balu kon kobio sɔ́-o kpow, ɲumndan tolɔɔ, mí vanaa cɔwva Yuda kpow a ɲaanun. Má kei o nɛi va o dio va o kpakila tiɔnndan tɛɛn-ndo-o, o nakɔ masaa ikɛi. Mí masaa Sedekia ndu kei a nɛi óò kɔɛ a ba bóllo Yurdɛn-ndo, mí ndu bɛɛ ɲaanun.

Masaa kialaa n'yamaa 20:3

Mí vanaa fula o polale Bɛnyamɛn-nden nin-nda tuɛi maa Israɛlaa tɔ̀a va a cuungiannda Mispa. Mí Israɛlla ɲuna aa: «Vɛ̀ɛ̀ kpeekpei dɛnɛ kpundɔɔ ho tosan yɛ?»

Masaa kialaa n'yamaa 20:1

Mí Israɛlla kpow a cɛlan, mí sɛ́lɔ́ɔ́ fula nɛɛ-nɛɛ ka, kandɔɔ Dan a ba luaŋ-ndo, kɔlan tiiyaa háá Bɛɛr-Seba a ba too, keiyo a tàndá Kalaad-o a ba paalen le can-ndo, má cuungian Mɛlɛka o hɔl Mispa maa vana pilɛ kpé.

Nehemi 2:17

«O kon, mí dimul nda aa: ‹Niaa pila co cɔu dɛnɛ palaa co naa coo-o! Yerusalɛm tambu, koŋnda ndɔlan la cuu ŋɔ! Lelan, la hun mì n mingin kpakio Yerusalɛm cɔvɔɔ haliko mi siɛmbulan ndan la faŋan nin naa coo›

Nehemi 3:19

a Esɛr po Yosue-o, ó va simlacinɔɔ Mispa-o, ndu va kpakio baa pilɔɔ bɛɛndiaa ndu ikɛi a ba sɔngilen o cɛi ndáà kɛsi ɲɛm cɔwvon nin-ndo ikɛi.

Vana Kɔlkaloo 2:6

I tow soonnda mandaa mamɛnndan le yɔmii tɔlnun sɛnɛi-ye pɔɔliaa.

2Samiɛl 5:9

Mí David cal o fonda mayoomu kon nin, mó ke ndu diolan aa Kobi David-o. O kon kɔɔli, mó tangul vɛlɛ fondala mayoomula celen kobi kon balɔɔ sɔ́, kandɔɔ Millo lekɔɔli tiiyaa háá lenin di.