Nehemi 3:14 - BII BILA

¹⁴ Mí Malkia po Rekab va masalen tosaa o lɛŋnde ibungalen Bɛt-Hakerɛm coo-o bɛɛndiaa Dio-puulu-sállo. Mó luei kèédei, mó handu sɔkɔan a ciliŋun vana kinda dioo-on.

Nehemi 3:14 Referans Kwoze

Yeremi 6:1

Vanaa fula o polale Bɛnyamɛn-nden nin-nda, la mal Yerusalɛm mì la ɲaanun. La hɔŋ buloo Tekoa ciee, la heelu lɛfɛ cɔwvo Bɛt-Hakerɛm! Kani n co dɛnɛ palaa, a dɛnɛ vɔɔndo cɔu hunɔɔ cɔnɔnndo a ba luaŋ-ndo.

Nehemi 2:13

Mí kei a ba dio Bóllo, mí kɔa a ba Pee tambálakáà, mí kɔa a ba Dio-puulu-sállo, le kpaki tambɛi va Yerusalɛm-ndo mɛɛndianndo a le kɔllo keeliaa o koŋnda ndɔla yinnden le lom-ndan coo.

Nehemi 3:9

Mí Refaya po Hur-o va baalaa nda ikɛi, Hur kon va masalen tosaa Yerusalɛm baa pilɔɔ kpow coo ni.

Nehemi 12:31

Mí heelu simlacia Yuda o kpakio coo. Mí simi nda kundala bɛndulan tan tiɔn le condon. Mí kunda tasoo kɔa o ba kɛndɔɔ coo a kpengii co o Dio-puulu-sállo.

2Samiɛl 4:2

Is-Bosɛt, po Saul-lo ndóò nɔ simlacia kundala cɔwva nda ŋiɔn o ba bɛngu, o pilɛ diolan Baana, o pilɔɔ Rekab. Poaa Rimɔn Beerotiinɔ-a nda va ni, fulaa o polale Bensamɛn-nden nin. Kani o tàndá Bɛnyamɛn-ndo coo nda handu Beerɔt kon ni.

1Dɛnnda lemasalan 6:40

Mí ndáà ke nda kobio Hebrɔn o tàndá Yuda-o nin, a yondo ndóò balu Hebrɔn kon-ndo.

2Masaa 10:15

Ndóò hiovɔɔ laci, mó bɔŋan nda Yonadab po Rekab-o, o va hunɔɔ ndu laci. Mí Yehu yil ndu, mó ɲuna ndu aa: «Vɛ̀ɛ̀ kɔl nɔmndo co pá sakpo a ya mɛɛ kɔl nuu co sakpo a o nɔmndo yɛ?» Mí Yonadab muli aa: «Oi!» Mí Yehu dimi aa: «Te o co pɛ lende, mɛɛ n yilan.» Má yilan, mí Yehu heelun ndu ikɛi o ɲɛ ndɔ ɲaanan soa nan-ndo nin.