Nehemi 2:8 - BII BILA

⁸ mì sɛbɔɔ pilɛ sɛvan vɛlɛ le Asaf, vana mandaa bundɛ masaa, haliko mo ke ya yɔmnde le koŋnda kpaki co o Cɛi-Hala-o ikɛi kpɛɛlun-ndan toosiaa, le kpaki kobio a le cɛi ya vanin nin-ndo.› Mí masaa yɔngu ya sɛbɛla lan, kani Hala nuu va ya ikɛi.

Nehemi 2:8 Referans Kwoze

Ɛsdras 7:6

Ɛsdras kon, vana sɛvaa latɔŋndo o va ni, ndóò sina tɔŋ Mɛlɛka Hala Israɛlla ndóò yɔngu Moise-o taw. Mɛlɛka Hala ndɔɔ va ndu Ɛsdras ikɛi. Lelan ɲɛ-ɲɛ ndóò ɲuna pɛ masaa ndóò sɔla ndu.

Esai 66:14

La canin dɛnɔɔ ho, mì la naŋ kɔl taw. Yoomuan ma muungunin o paala niaalan nin, mì la yɔŋnun maa bil pɔmbɔ puiyaa. Ba kpaaya Mɛlɛka-o cɔmnunnin vanaa ndɔa baalaa, mì kɔltuw ndɔɔ tol yaamɔaa ndɔa coo.

Nehemi 7:2

Mí suili Hanani puapilɛ ni nda Hanania le hɔlten nɔu Yerusalɛm coo. Hanania kon va simlacinɔ cɛi vanaa cɔwva ni, Vana lo o lediom coo-o o va ni, ndóò nɔ siòòŋii Hala-e hiovɔɔ vanaa bɔɔ-bɔɔ coo.

Daniɛl 1:9

Mí Hala tosa, mí Aspenas cɛl sɔɛi Daniɛl-le a yiyan kɛndɔɔ, a ɲííye.

Ɛsdras 5:5

Kɛ Hala ndaa va hɔlten kaasoŋaa kɔlkalua Yuifia coo, lelan a kuuna lɛ nda le hiovɔɔ laci a baalaa le, má lo cumndo háá mí Darius ndóò sɔla sɛbɔɔ a sɔɛi ken o kɔɔ, mí ndóò mingul nda mulio.

O Kandɔɔ 32:28

Mí langbanɔ kon ɲuna ndu aa: «Vɛɛ n nɔ yɛ diolan?» Mí Yakɔb mulul ndu aa: «Diola nilan Yakɔb.»

2Korɛntea 8:16

I mel Hala balika le tùú o luei Tite yiyanndo o kɔl le niaa malaa mɛɛ ya nɔ yiyanndo le niaa malaa yɛ,

Dɛnnda kiilaa 26:22

Kɛ háá paalen nden hau, Hala nɔ ya baa coo tuŋ. I co vɔ nanu le vannda kpede seilen nden tɛndallo, cuaambɔa a kaasonnda. I co ɲɛ-ɲɛ celen dimi le, mɛɛ ɲɛ vanaa-tɛɛngaa-diom Hala-a dimio a ɲɛ Moise dimi maa o co hunɔɔ tosanndo kínɛí.

Dɛnnda kiilaa 7:10

Mí Hala soli ndu o sangalan kpow nin. Mó ke ndu kɔlkaloo, mí ɲɔɔ hɛnan masaa Esipte a ndu. Mí masa kon siinguu ndu masa ibungaa le lɛŋnde Esipte len kpow a le yungu ndɔɔ kpow.

Talelan 21:1

Mɛɛ peo co yɛ kɔl masaa co Mɛlɛka o ba ni, nɛɛ o yeema-a lon o mingi ndu ni.

Ɛsdras 7:9

Mó yam lɔ́ɔ́ le cɔnɔnndo Babilɔn o paale taselen coo o paangii tasei nin. Mó tiiya Yerusalɛm o paale taselen coo o paangii ŋuɛɛnundɔɛi nin, ba ikɛndɛ Hala ndɔɔ va ndu coo.

Ɛsdras 6:22

O kon kɔɔli, má tosa kafo bulu toosian a lɛvɛn too a kɔlkɛndɔɔ o palɛi ndii ŋɔmmɛw bɛngu. Kani mí Mɛlɛka nɛŋi nda kɔl, mó tosa mí masaa Asiri ca nda ɲia, mó luei nda yoomuan o vali tangulaa Cɛi-Hala Israɛlla nin.

Vana Kɔlkaloo 2:5

I soli nakɔlan a fondala toalaala iyɔmndan, mí toal yɔmii koamɛi súúlan kpow lenin.

Vana Kɔlkaloo 2:6

I tow soonnda mandaa mamɛnndan le yɔmii tɔlnun sɛnɛi-ye pɔɔliaa.

Ɛsdras 6:8

La tuei-yɔ tɔŋ ya handu-o: ɲɛ niaa bɛnda mì la tosal vanaa kɔlkalua Yuifia le Cɛi-Hala mingio tangullo-o co hoo ni: bɔnɔla tangul kon la bɛnda mì la fula o volin lemasan nin, o mulu co biinɔnndo o tàndá co o peo Efrate leeloo a ba paalen le del-lo nin-ndo nin. Ɲɛ-sɔlaa kon bɛnda mò va vanaa kan yɔngɔnndo telen oo telen, yɔŋii vallo tamala nda o ba.