Nehemi 2:5 - BII BILA

⁵ O kon kɔɔli, mí mulul masaa aa: ‹Mɛɛ nɔm masaa ce ya vana nɔm baalaa ɲia yɛ, mɛɛ n hini kɔl a ya yɛ, cɛl-la mì kɔɛ o tàndáá Yuda nin, o kobi sɛila fuɲaa nia imamaa la co nin-ndo nin, mì kɔ mingi ndu tangul.›

Nehemi 2:5 Referans Kwoze

Ɛsdras 5:17

Lelan sisa, te nɔm masaa cɛl pɛ, viom vannda mà yaasiaa o sɛbɛla paandula lemasalan nin Babilɔn ndon, le sinaa te diom kon ndóò fula masaa Siris o sondo lekɛ́ndɛi, mí ndóò sɛvan maa Cɛi-Hala-o bɛnda mò muungu tangulɔn Yerusalɛm. O kon kɔɔli mì nɔm masaa cɔm naa tuu nɔmndo a dɛnɔɔ ho o kɔɔ.»

Talelan 3:4

O kon, Hala a vanndacieea canin nɔm ɲia, ma sɔla diola kɛndɛlan.

Ɛstɛr 8:5

Mó dimi aa: «Te masaa cɛl pɛ, mò ce ya ɲia, te o cɛl pɛ sɔɛi ya co ndu dimul-le, te o va pɛ aa dɛnɛ nuu hɛnan ndu, mɛɛ sɛbɛlan la sɛvan, mò tɛɛmbuu sɔɔn va o sɛbɛla Haman, po Hammedata fula kon o polale Akak len nin-ndo ndóò sɛva le Yuifia va o kobila leboltan nin-nda kpow diwvo lan.

Ɛstɛr 7:3

Mí Ɛstɛr lanɔɔ masaa muli aa: «Masaa, màá cɔ ya ɲia, mà cɛl sɔɛi ya co nɔm dimul-le. I yeema mà baŋa yoomu nuu. Hee ya yeema nɔm o ba ni. Handɔɔ o kon coo, i yeema mà baŋa yoomu vanaa nia. Piɛile nilen le co len ni.

Ɛstɛr 5:8

Te masaa ce ya pɛ ɲia, maa o cɛl sɔɛi ya co ndu ɲuna-e, mò toosial-la ba ni havɛiyo. I yeema mì la hin vɛlɛ siɔdii niaa Haman le ɲɛdiaa ya ɛɛndiaanin le niaa-o. O kon, i mululnin nɔm, mì cɔm nɔm ba ni havɛiyo kpeekpei.»

2Samiɛl 14:22

Mí Yoab cal masaa o labɛngunin, mó tundun, mó tiiya bollen lɛŋ dí, mó mel ndu balika, mó dimi aa: «Masaa, i sina maa a ce ya hau ɲia, kani nɔm vana ni bɛndoo cɛl le ɲɛ ya tuu-o tosaa.»

Ruti 2:13

Mí Ruti dimi aa: «Nuvali vana ni bɛndoo, a ce ya bɔɔ ɲia, a ɲɔɔlu ya kɔllo nin, nduyɛ i sulan bɛɛ a buɛyaa nɔmaa laandua ha o pilɛ le.»

Ɛstɛr 1:19

Lelan, te masaa cɛl pɛ, o yii tɔŋ vana nɔla faŋa loo, mò sɛvan o sɛbɛ tɔŋ Pɛrsea a Mɛdea nin, maa Vasti bɛnda lɛ le hunɔɔ masaa Sɛrsɛs o hɔl te, mì nɔm masaa dimi vɛlɛ ndi vakpa maa vanalanɔ celen muungu o fonda Vasti-o, o co fisa a ndu Vasti-o.

Matie 23:27

Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la maa sɛila nda kɛɛmiaa mì la naŋ taw o kɔɔ lan niaa co ni, kɛ nduyɛ leninndo co o piaa cá a paala vanvílɛ́iya a á ɲɛm siovɛi súú-súù ka.

Nehemi 2:4

O kon mí masaa ɲuna ya aa: ‹Yɛɛ nɛ co yɛ niko bahavɛi nɔmndo?› Fɔ́ɔ́fɔ̀, mì piɛi-yɔ fɔlɔn Hala co o halataala-o.

Nehemi 2:6

Mí masaa lo nɛ́ɛ́ o va icali laa ndɔ ikɛi-ya, mó ɲuna ya aa: ‹Vɛ̀ɛ̀ kpɛ́ɛ́ n kɔ viaw yɛnin ndon? Lɔ́ɔ́ kuɛɛ n co yɛ muungu nanu?› O kon mí masaa cɛl le ya malɔɔ kɔlan, mí yim ndu lɔ́ɔ́ muungaa.

Daniɛl 9:25

Tofa vɔ ɲɛ n bɛnda le sinaa ma bii bila-o: kabi telen sɔɛi he dimin-ndo aa: «Mí n muungu, mí n tangul vɛlɛ Yerusalɛm», kɔ bii háá a telen vana nda pɔla pɔla diandaa-o fulanin ceen-ndo, telennda vɔsila ŋɔmmɛw-ŋɔmmɛwlan la tan ŋɔmmɛw. O lɔ́ɔ́lan belaŋɔmpum a latiɔn nin, kobio a soon balu kobio-o co vɛlɛ tangulɔn, kɛ o telennda sangala bɛndulan nin.