Nehemi 2:4 - BII BILA

⁴ O kon mí masaa ɲuna ya aa: ‹Yɛɛ nɛ co yɛ niko bahavɛi nɔmndo?› Fɔ́ɔ́fɔ̀, mì piɛi-yɔ fɔlɔn Hala co o halataala-o.

Nehemi 2:4 Referans Kwoze

Talelan 3:6

Kindin le hɛnan Mɛlɛka-o sinaa o dɛnnda n co tosaa lan kpede nin, ndu siɛɛnduunin nɛila nɔmndan ni.

Nehemi 1:4

Lɔ́ɔ́ ya tuei sɔɔn mun-ndo, mí cal, mí koŋul, mí mɔnɛi bii ya le palɛi taw. Mí bii sumndo, mí piɛi Hala co o halataala-o.

Filipea 4:6

La buulan le ɲɛ-ɲɛ le, kɛ o dɛnɛ oo dɛnɛ nin, la cɔm Hala balahavɛila niaalan o piɛilen nin a o tɛɛlɔnndo nin a kɔl sinaa ikɛndɔɔ.

Nehemi 1:11

Éé Mɛlɛka! Yaŋ nilan o piɛile nilen a o piɛile vanaa nɔmaa baalaa, á yeema le diola nɔmndan bɛɛlen keo-va. Hau, tosa mì langbanɔɔ ho ce ya vana nɔm baalaa ɲia. Tuma kon yɛ, ya óò toosiaa mɔima masaa ni.»

Marke 10:51

Mí Yeesu ɲuna ndu aa: «Yɛɛ n yeema yɛ mì tosal nɔm?» Mí vana sumɛiyo dimul ndu aa: «Vana bɛndoo, tosa mì ce vɛlɛ maa paandu.»

1Masaa 3:5

Mí Hala cɔmnun ndu o lɔma sɔlaan nin icɔllo Kabaɔn ndon, mó ɲuna ndu aa: «Piɛi ya ɲɛ n yeema mì ke nɔm-ndo»

Ɛstɛr 7:2

O paale diinndɔle len bɛɛ, ndáà ciiyo dioo, mí masaa ɲuna vɛlɛ Ɛstɛr aa: «Ɛstɛr laa ni, yɛɛ nɛ n yeema yɛ mì yɔngu nɔm? Ɔ́ɔ̀ bahavɛi nɔmndo? Hali o va bɛɛ aa masalen táláá pilɔɔ n yeema ni, i yɔngunin nɔm.»

Ɛstɛr 5:6

Ndáà ciiyo ɲɛdiaa dioo, mí masaa ɲuna Ɛstɛr aa: «Yɛɛ nɛ n yeema yɛ mì yɔngu nɔm, bahavɛi yɛɛ nɛ n nɔ yɛ? Hali o va bɛɛ aa masalen táláá pilɔɔ n yeema ni, i yɔngunin nɔm.»

Ɛstɛr 5:3

Mí masaa dimul ndu aa: «Òó Ɛstɛr laa ni! Yɛɛ nɛ yɔŋnun yɛ? Yɛɛ nɛ n yeema yɛ? Hali o va bɛɛ aa masale nilen táláá n yeema ni, i yɔngunin nɔm.»

2Samiɛl 15:31

Mí vannda dimul David aa: «Ahitofɛl co vana pilɛ o vanaa yii dúmbóó nda Absalɔm-aa latulu-a tɛɛn.» O kon mí David piɛi aa: «Éé Mɛlɛka! Tɛɛmbuu silala Ahitofɛl-tan yandi.»

Nehemi 2:5

O kon kɔɔli, mí mulul masaa aa: ‹Mɛɛ nɔm masaa ce ya vana nɔm baalaa ɲia yɛ, mɛɛ n hini kɔl a ya yɛ, cɛl-la mì kɔɛ o tàndáá Yuda nin, o kobi sɛila fuɲaa nia imamaa la co nin-ndo nin, mì kɔ mingi ndu tangul.›

Nehemi 2:20

Mí mulul nda aa: ‹Hala co o halataala-o kenin naa kpaayaa mì n nɔla. Kani vanaa ndɔa baalaa naa n co ni, n co cɔnɔn mì n mingi tangul. Kɛ niaa, la nɔ kɛ nanu le, la nɔ dí le ɲɛ-ɲɛ nanu, la nɔ ɲɛ-ɲɛ vana loonun a niaa o kɔɔ Yerusalɛm te.›»

Nehemi 1:5

Mí dimi aa: «Éé Mɛlɛka! Nɔm Hala co o halataala-o, Hala bɛndoo a Kpúlúnkùmaa, nɔm Vana yii kpemaa má o lo o lediom coo a vanaa kaola nɔm, má va silala nɔmndan biyɔɔ-a-o!

Condii lisai 136:26

La mel Mɛlɛka co o halataalaa-o balika, kani kaola ndɔɔ nɔ lamɛɛlu le.

Dɛnnda kiilaa 23:19

Mí simlacinɔ simlacia vanaa cɔvaa kɛmɛa kan bii langbanɔ felengi kon baa, má kɔa lándán, mó kɔ ɲuna ndu aa: «Yɛɛ nɛ n nɔ yɛ le ya dimullo?»