Nehemi 2:19 - BII BILA

¹⁹ Lɔ́ɔ́ Sanballa Horoniinɔ nda Tobiya Amɔnnɔ, ó va vana ndɔ baalaa-o a Kesɛm Arabunɔ a tuei sɔɔn mún-ndo, má mam naa, má pɛɛsa vɛlɛ naa. Má dimi aa: ‹Yɛɛ niaa co yɛ kon tosaa? Masaa niaa yeema simullo ni?›

Nehemi 2:19 Referans Kwoze

Nehemi 6:6

O va o sɛvaa o sɛbɛ kon nin aa: ‹O co diminndo vanaa-mangalaa-isɔaa tɔ̀a tɛɛn, Kasɛm bɛɛ peelu sɔɛi ken, maa nɔm pila a Yuifia tɔ̀a, la co bɛɛndianndo le luɛyɔɔ o seesiɛi, maa lelan nɔm co kpakio mingio tangullo ni, kani nɔm yeema ni ma siŋnun masa ndaa, lende nda co dimio ni.

Marke 5:40

Má muungu ndu mamɔɔ. O kon, mó soli nda, mó cua fuɲaa a kalaa cuaambɔɔ, mó cua vɛlɛ vanaa o hin kɔɔli-a, mó luɛi a nda nɛɛ cuaambɔɔ va-a.

Hebreea 11:36

Má mam a tiŋ, má lɔaa nda, má baa a pum yɔlɔn, má vow nda o kaasoo.

Dɛnnda kiilaa 24:5

N ce maa vana vɔɔn-vɔɔndo langbanɔɔ ho co ni. Ndu co Yuifia co o lɛŋnden coo-a kpow sɔngɔlan mɛlio tɛɛn ni, mò va kunda lekaan Nasaria sɛinun-nda simndan laci.

Nsaŋ 19:12

Kandɔɔ o telen kon, mí Pilate va nɛilan nuwviaa le Yeesu malɔɔ, kɛ mí Yuifia yonda o lepilɔɔ aa: «Taa mal pɛ langbanɔɔ ho kɔnndan, mɛɛ a co caaŋoo Sesar le. Vana-vana cennun pɛ ndu pila masaa, mɛɛ yaamɔɔ Sesar ndu co ni.»

Luke 23:2

Má kɔ hɛɛnduu ndu sɔɔn coo aa: «Langbanɔɔ ho naa n komal vannda lueyo o pɔwlan nin ni, o va nda dimullo maa a mel Sesar muloo le, ndu pila va vɛlɛ dimio maa ndu co Krista ni, masaa pɛɛn.»

Yeremi 20:8

Kani lɔ́ɔ́-lɔ́ɔ̀ ya va pɛ sɔɛi, mɛɛ mì yonda aa: ‹Delɔɔ coo! Kɔlvesɛiyo!› A toɲa, vannda co mamɔɔ, mà va ya yeolan lepalaa-lepala le sɔɛi nɔmnde, nɔm Mɛlɛka-e pɛɛn.

Condii lisai 80:6

Nɔm Hala, a co vanaa nɔmnda baloo dɔvɔɔ a mɔnɛi, a co nda hiwvo pimio a mɛmɛan.

Condii lisai 79:4

Vanaa naa n cɛɛlan-nda co naa yeowlan, vanaa balu naa-a co naa mamɔɔ.

SƐBƐ YƆB-O 30:1

«Nihau yɛ, i siŋnun ɲɛ lapisullo cuaambɔa ya cúú o kɔɔ-a o ba. Nduyɛ, paandu fuɲaa ndaa ve ɲɛ-ɲɛ ya o hɔl te, ndáà bɛnda hali le nda lueiyo tunaa nia tɛɛn te.

Nehemi 6:9

Vanaa kan kpow ndáà yeema le naa siòònde lueiyo, mì va dimio aa: ‹Bala ndalan la co sanga a baala kalaa, o kon o tosan ndɛnin te.› Lelan, yandi Hala nuu! Luei ya niko yoomuan.

Nehemi 4:1

«Lɔ́ɔ́ Sanballa, Tobiya, Arabua, Amɔnnda a Asdɔdea tuei maa baala kpakio Yerusalɛm co nin lándán, mí tɛɛngon va baŋulɔnndo-o, má cɔɔlu kɔltan itambu taw-taw.

Nehemi 2:10

Lɔ́ɔ́ Sanballa Horoniinɔ nda Tobiya Amɔnnɔ, ó va vana ndɔ baalaa-o tuei maa vanndo pum hin le dɛnɛ kɛndɛ Israɛlla-o, má tambu kɔltan taw-taw.»

Matie 9:24

«La fula vɔ! Kani cuaambɔɔ vi le, o lɔan o co ni.» Kɛ má va ndu mamɔɔ.

Nehemi 13:28

Lelan, mí toaw po Yoyada-o pilɛ, mó faŋan ya ikɛi. Po imama Eliasib bolle vanaa-solia-lasálàá-o o va ni, lefoo Sanballa fula Horɔn-ndo.

Condii lisai 123:4

Mamɔɔ, yeowlan a nɛyɔn vanaa yongaa nɔ a naa-o pɛ naa o n'dial cá-cá.

Yeremi 41:10

O kon kɔɔli, mí Ismaɛl mal vanaa tɔ̀a lo Mispa-a kpow o kaasoo a cuavaa laandua masaa. Vanaa Nebusaradan simlacinɔ kpalilla ndóò sɔɔ Kedalia po Ahikam-ndo o ba bɛngu-a. O kon mí Ismaɛl bii nda o cɛlen nin, mó kɔa o Amɔnnda lo.

Condii lisai 80:7

A siinguu naa ɲɛ vannda cɔlɔba coo-o le vanaa naa n cɛɛlian-nda, yaamɔaa naa co naa mamɔɔ.

Esai 36:5

A co yiyanndo maa sɔɛi sondoei tosa ni mì vana sɔla silaa a yoomuan o cɔwvo nin. Nɛ̀ɛ́-nɛ̀ n tiindan yɛ ma simul-la simullo ho?»