Nehemi 2:14 - BII BILA

¹⁴ Mí kei o Dio-pee-lebollo a o Dala masaa ikɛi, fonda ve lɛ le cɔlu ya va o kɔɔ-o hiovɔɔ le.

Nehemi 2:14 Referans Kwoze

Nehemi 3:15

Mí Salum po Kɔl-Hɔse-o, ó va masaa o tàndá Mispa-o coo-o ndu bɛɛndiaa Dio-pee-lebollo. Mó cɔaw ndu, mó handu koŋndan, sɔkɔan a ciliŋun vana kinda dioo-on. Mó mingi vɛlɛ cìì cɛi va o dalaa Siloe ikɛi-ye cɔvɔɔ, cìì cɛi va o nakɔɔ masaa nin-nde, tolɔɔ háá o kobi David-o nin.

2Masaa 20:20

Dɛnnda tɔ̀la Esekia lan kpow, cɔwla o tosa lan kpow, a mɛɛ ndóò cɔw vɛlɛ dala mamɛnndo, mó toaw soondo le mɛnndan yɔɔ o kobio Yerusalɛm nin yɛ, kon co o sɛvaa o sɛbɛ Dɛnnda lemasalan Yuda nin.

2Dɛnnda lemasalan 32:30

Ndu Esekia óò baŋul vɛlɛ soondo Kihon ni, mɛmma va fulaa a maluaŋ-ndan pɛɛn, mó mingi man hɔlla a ba too, ba paalen le del-lo, o Kobi David-o nin. Ɲɛ-ɲɛ Esekia va tosaa va ndu bɛndaa o ba.

2Masaa 18:17

Masaa Asiri lo Lakis, mó viam simlacinɔ tase vanaa ndɔa cɔwva, bolle vanaa bɛndua va ndu o ba bɛngu-a a bolle vanaa yɔngù masaa mɔiyan-nda o Esekia lo Yerusalɛm. Mí vanaa kan kɔa a vanaa cɔwva taw kɔɔli. Ndáà tiiyaa, má kɔ sim o soon mamɛn co a ba luaŋ-ndo-o, o nɛi kɔɛ a ba yondo vanaa tɔaa lavolɔɔa-o.

Nehemi 12:37

Ndáà tiiyaa o Dio-pee-lebollo, má komal helɔɔla vana kei le tiiyaa o Kobi David-o nin-ndan, má kei lon, má kɔ hel o kpaki kei o cɛi lemasa David-o coo-o coo, má hiaw laci háá o Dio-mamɛnndo a ba paalen le can-ndo.

Vana Kɔlkaloo 2:6

I tow soonnda mandaa mamɛnndan le yɔmii tɔlnun sɛnɛi-ye pɔɔliaa.

Nehemi 3:16

Ndu cɔnɔnndo, mí Nehemi po Asbuk-o, ó va masaa le tàndá tálá Bɛt-Sur-o va baalaa cɔnɔnndo o sɛila David lan keiyo o dala mandaa mamɛn ndáà cɔw-vo, kɔlan tiiyaa háá o cɛi kuubaa cɔwva.