Nehemi 2:13 - BII BILA

¹³ Mí kei a ba dio Bóllo, mí kɔa a ba Pee tambálakáà, mí kɔa a ba Dio-puulu-sállo, le kpaki tambɛi va Yerusalɛm-ndo mɛɛndianndo a le kɔllo keeliaa o koŋnda ndɔla yinnden le lom-ndan coo.

Nehemi 2:13 Referans Kwoze

Nehemi 1:3

Má mulul-la aa: ‹Vanaa tɔ̀a lo yoomu fulaa o cɛlen nin-nda co lon, o tàndá Yuda-o nin. Kɛ ɛnɛ palaa a siɛmbula bɛndulan koni la co nda coo ni, kpakio Yerusalɛm co o buulua kpow, koŋnda ndɔlan bɛɛ la ŋɔɛ.›»

Nehemi 2:17

«O kon, mí dimul nda aa: ‹Niaa pila co cɔu dɛnɛ palaa co naa coo-o! Yerusalɛm tambu, koŋnda ndɔlan la cuu ŋɔ! Lelan, la hun mì n mingin kpakio Yerusalɛm cɔvɔɔ haliko mi siɛmbulan ndan la faŋan nin naa coo›

Nehemi 2:3

O kon mí mulul masaa aa: ‹Masaa, màá va yoomu le fɛɛn a fɛɛn! Kɛ vɛ̀ɛ̀ ya kɛɛ yɛnin kɔllo itambu? Kobi sɛila fuɲaa nia imamaa la co nin-ndo tambu, yinnden le lom koŋnda ndɔlan.›

2Dɛnnda lemasalan 26:9

Mí Osias tangul cɛila coocoolan Yerusalɛm, o dio luɛyaa Lesɔngio, o dio luɛyaa Bóllo a nɛɛ kpakio ndóò luei sɔngilen-nda, mó kunga cɛila coocoola lan a kpakilan.

Nehemi 12:31

Mí heelu simlacia Yuda o kpakio coo. Mí simi nda kundala bɛndulan tan tiɔn le condon. Mí kunda tasoo kɔa o ba kɛndɔɔ coo a kpengii co o Dio-puulu-sállo.

Nehemi 2:15

Icɔl pilɛ kon, mí heelu a ba bóllo le kpakio mɛɛndianndo vɛlɛ. O kon kɔɔli, mí luɛi o Dio bóllo, mí muungu.

Yeremi 5:10

La hel o kungala ndɔlan mì la tɛɛmbuu, kɛ la tɛɛmbuu ndu kpow le. La bɛɛsiaa lɛvun ndɔn, kani o co Mɛlɛka le nɔ mun te.

Nehemi 2:12

O kon kɔɔli, mí can icɔllo a vanpiaandua pum kɔɔli, i dimul vana-vana ɲɛ Hala ndóò soo ya o kɔl le tosaa Yerusalɛm-ndo le. Cɔlu bana-bana celen ve ya o ba le, fɔ o ya pila yáà hel coo-o.