Nehemi 2:12 - BII BILA

¹² O kon kɔɔli, mí can icɔllo a vanpiaandua pum kɔɔli, i dimul vana-vana ɲɛ Hala ndóò soo ya o kɔl le tosaa Yerusalɛm-ndo le. Cɔlu bana-bana celen ve ya o ba le, fɔ o ya pila yáà hel coo-o.

Nehemi 2:12 Referans Kwoze

Dɛnnda cɔɔmuanndan 17:17

Kani Hala mal nda o kɔl le yiyan ndɔɔ tosaa, mà nɔ yiyannda pilɛlan le visi kon masale ndalen yɔngoo, háá mi sɔɔn Hala dimi-on peelun.

Ɛsdras 7:27

«Biiloo co le Mɛlɛka, ó co Hala fuɲaa naa imamaa-o, ó luei masaa yiyan kɛndɔɔ o kɔl le Cɛi-Hala co Yerusalɛm-ndo bɛɛle bɛndule vaa nuaa yɔngoo-o!

2Korɛntea 8:16

I mel Hala balika le tùú o luei Tite yiyanndo o kɔl le niaa malaa mɛɛ ya nɔ yiyanndo le niaa malaa yɛ,

Yeremi 31:33

Mɛlɛka dimi aa: ‹Kpema va naa tɛɛn naa Israɛlla-o va hoo ni maa te palɛi ken hiow pɛ, i vownin tɔŋnda nilan nda nin mì sɛva vɛlɛ lan nda o lakɔl. I vanin Hala ndaa mì nda va vanaa nia.

Yeremi 32:40

I yiinin kpema fɛɛn-fɛɛndo a nda. I mulul-lɛnin nda kɔɔ le. I tosalnin nda dɛnɛ kɛndɔɔ mì tosa ma vo ya o kɔlta ndalan nin, o kon a kue lɛnin ya levil te.

Amɔs 5:13

Lelan telenndo ho, vana nɔ taasio-o, meinɔnndo o meinun ni kpili. Kani telen vɔɔndo telenndo ho co ni.

Vana Kɔlkaloo 3:7

Telenndo co le sɛɛsaa, telenndo co le sɔndɔɔ, telenndo co le meiyo, telenndo co le sɔɛi.

Condii lisai 122:6

La piɛi, mì Yerusalɛm sɔla kɔlɲuloo. Màá vanaa kaola Yerusalɛm-nda vannun nila ɲulu!

Condii lisai 51:18

Kani o co sálàlan te la tosa ma hini kɔl te. Te ndóò va pɛ lende, i va nɔm sálàlan solul. O co sálàla loamaalan te la hɛnan nɔm te.

Masaa kialaa n'yamaa 9:32

Lelan, la cɔn cɔɛllɛn niaa vanaa nɔmaa cɔwva, mì la kɔ vionnun yondoo nin.

Masaa kialaa n'yamaa 6:27

Mí Sedeɔn cua langbaa n'van tɔ́ o vanaa ndɔa baalaa tɛɛn, mó tosa ɲɛ Mɛlɛka dimul ndu kon le tosaa-o, kɛ siòònde va ndu a vanaa va o nda lo cɛinin-nda a vanaa va vɛlɛ o kobi kon nin-nda, mó cum icɔllo le dɛnnda lan kpow tosaa.

Matie 10:16

«I co niaa vomɔɔ maa n'saa tunaa yondoa tɛɛn. Lelan, la kiondu kɔltan maa n'kɛw, mì la vi kɔltan maa n'piin.

Matie 2:14

Mí Yosɛf can icɔllo, mó cua cɛlɛkpɔɔ nda kala ndɔ, mó kɔ viannun a nda Esipte.

Misee 7:5

La láálan vanayan niaan te, la kɛ́sì kɔllo caaŋaa niaa coo le. La mandaa sondola niaalan, hali o va bɛɛ landaa niaa o hɔl.

Yosue 10:9

Mí Yosue can Kilkal, mó lɔl kɔlan pii, mó kɔ voolu nda a cɔwvo.

Nehemi 2:11

«Yaa tiiyaa Yerusalɛm, mí tosa palɛi ndii yáá lon.

Nehemi 2:13

Mí kei a ba dio Bóllo, mí kɔa a ba Pee tambálakáà, mí kɔa a ba Dio-puulu-sállo, le kpaki tambɛi va Yerusalɛm-ndo mɛɛndianndo a le kɔllo keeliaa o koŋnda ndɔla yinnden le lom-ndan coo.

Talelan 12:23

Vana taasio cɔ́mnùn a sinapɛngu ndɔɔ le. Kɛ diɔmndo ndu, diɔmii ndɔɛi o pɛngɛla ni.