Nehemi 2:1 - BII BILA

¹ «O vɔsi bidiinndɔɔ nin o masale Artasɛrsɛs len bɛngu, o paangii Nisan nin, mɔiyan ma va makɛsiaa ndu masaa Artasɛrsɛs laci, mí cua mɔima man mí yɔngu ndu man. Kabi bɛɛ yáà fula vɔ ndu o hɔl a kɔltambɛiyo le.

Nehemi 2:1 Referans Kwoze

Ɛsdras 7:1

O dɛnnda lan kɔɔli, telen Artasɛrsɛs masa Pɛrsea va o masalen coo-o, mí langbanɔɔ pum fula Babilɔn diolan ndu aa Ɛsdras, po Seraya-o o va ni, fulaa o polale Aarɔn bolle vanaa-solia-lasálàá len nin. Aarɔn velu Eleasar ni, mí Eleasar vialu Pineas, mí Pineas vialu Abisua, mí Abisua vialu Buki, mí Buki vialu Usi, mí Usi vialu Seraya, mí Seraya vialu Merayɔt, mí Merayɔt vialu Asaria, mí Asaria vialu Amaria, mí Amaria vialu Ahitub, mí Ahitub vialu Sadɔk, mí Sadɔk vialu Salum, mí Salum vialu Hilkiya, mí Hilkiya vialu Asaria, mí Asaria vialu Seraya fuɲaa Ɛsdras.

Nehemi 1:11

Éé Mɛlɛka! Yaŋ nilan o piɛile nilen a o piɛile vanaa nɔmaa baalaa, á yeema le diola nɔmndan bɛɛlen keo-va. Hau, tosa mì langbanɔɔ ho ce ya vana nɔm baalaa ɲia. Tuma kon yɛ, ya óò toosiaa mɔima masaa ni.»

Nehemi 1:1

Sɔɔn Nehemi po Hakalia-o-on co mun ni. «O vɔsi bidiinndɔɔ nin o paangii Kisleu nin, telen ya va o kobi lebollo Suse nin-ndo,

Ɛstɛr 3:7

O vɔsi tɔ́ a o diinndɔɔ nin o masale Sɛrsɛs len bɛngu, o paangii tasei nin, paangii Nisan pɛɛn, má vuu purim (kon co dimio ni aa «Siondei malɔɔ») Haman o hɔl le paalen a paangii ndíì bɛnda le sɔɔn ndóò tuu mún le tosaa-on-nde sinaa. Mí sionden le bii pangii tɔ́ a idiinndɔɛi, paangii Adar pɛɛn.

Ɛsdras 7:7

O vɔsi ŋɔmmɛwndɔɔ nin o masale Artasɛrsɛs len bɛngu, mí Israɛlla pum, vanaa-solia-lasálàá, leviia, vanaa ɲɛ-caa, kpalilaa cumulaa ladioa a buɛyaa va vallo o Cɛi-Hala-o nin-nda kɔa Yerusalɛm.

O Kandɔɔ 40:21

Mó mingi ɲinkon bolle vanaa yɔngù ndu masaa mɔiyan-nda o baala ndɔɔ nin, mí ndu muungu vɛlɛ ndu mɔiyan yɔngoo.

O Kandɔɔ 40:11

Taala kólaa Faraɔnnɔɔ va ya o ba, mí kiandu rɛsɛŋun mun, mí vayia mun, mí mɔiyan ma fula, mí haw man o taala kólaa ndɔ kon nin, mí yɔngu vana ni bɛndoo taala kólaa kon.»

Daniɛl 9:25

Tofa vɔ ɲɛ n bɛnda le sinaa ma bii bila-o: kabi telen sɔɛi he dimin-ndo aa: «Mí n muungu, mí n tangul vɛlɛ Yerusalɛm», kɔ bii háá a telen vana nda pɔla pɔla diandaa-o fulanin ceen-ndo, telennda vɔsila ŋɔmmɛw-ŋɔmmɛwlan la tan ŋɔmmɛw. O lɔ́ɔ́lan belaŋɔmpum a latiɔn nin, kobio a soon balu kobio-o co vɛlɛ tangulɔn, kɛ o telennda sangala bɛndulan nin.

Ɛsdras 4:7

O masale Artasɛrsɛs len bɛngu bɛɛ, mí Bislam, Mitredat, Tabeɛl a caaŋaa ndaa tɔ̀a sɛval Sɛrsɛs masa Pɛrsea sɛbɔɔ. O aramei nin a o sɛva Aramiia nin ndáà sɛva ndu ni.