Nehemi 13:5 - BII BILA

⁵ Mó ke ndu cɛi bɛndoo pum, nɛɛ ndáà kɛsi ɲɛm-kéan fula o ɲɛm vaan nin-ndon, ansan, a ɲɛm-laandun Cɛi-Hala-o o tasendɔ-a. Lon koni ndáà kɛsi vɛlɛ ɲɛm vanaa-solia-lasálàá, o-tɔ́ndɔ n'mallo, o-tɔ́ndɔ mɔima sɛnɛiyo a o-tɔ́ndɔ macuɛiyo ni, ɲɛm mun va le leviia, vanaa solia n'condua a le kpalilaa cumulaa ladioa ni.

Nehemi 13:5 Referans Kwoze

Nehemi 12:44

«Telen pilɛ kon, má ke vannda baalaa le cɛila ndáà manda ɲɛm-kéan ndáà cua o ɲɛm vaan tason nin-ndon cumullo. Lon ndáà manda ɲɛm-kéan a o-tɔ́ndɔ ndáà soli o kɔmnde tasele latɔlɔɔle ndáà sɔla o yondoláà balu cieon pɔmbɔn-ndan nin-nden ni. Mɛɛ tɔŋndo ndóò dimi yɛ, le vanaa-solia-lasálàá a leviia ɲɛm mun va ni. Mí ɲɔɔ hɛnan vannda Yuda kpow le baala vanaa-solia-lasálàá a leviia a va tosaa-o.

Nehemi 10:38

N yɔngunin nda vɛlɛ kpeyan naa tasoo, ɲɛm-kéan naa n cua o tɔlɔɔla koamaalan nin-ndon, mɔima sɛnɛiyan a cuɛiyan, mì n kɛsi ɲɛm mun kpow o cɛila pɔmbɔla holnun Cɛi-Hala-o lan nin. O kɛ́-kɛ̀ naa n sɔla pɛ o ɲɛm vaan nin, n yɔngu leviia o-tɔ́ndɔɔ. Leviia pila kɔanin nɛɛ naa n vanin baalaa tosaa-a le o-tɔ́ndɔ kon cuaa ni.

2Dɛnnda lemasalan 34:11

Má yɔngu vɛlɛ vanaa cuaa layindɔa a vanaa cɔavaa lacɛiya volion le powta sialaalan, tówván a kpóŋndán piondɔɔ, le cɛila masaa Yuda ndáà mal tambei lan mingio tangullo.

Nehemi 10:37

Maa mɛɛ o co o sɛvaa o tɔŋndo nin yɛ, n hunnin a poaa naa tasea, navaa tovaa naa tasea, a saa kóndóa naa tasea, a cuinaa toovia naa tasea o Cɛi-Hala naa nin, mì n yɔngu nda vanaa-solia-lasálàá co baalaa tosaa o Cɛi-Hala-o nin-nda.

Nehemi 13:7

O kon mí sina maa dɛnɛ vɔɔndo Eliasib ndóò tosa le Tobiya cɛiyo yɔngoo o cɛiláà holnun Cɛi-Hala-o lan tɛɛn ni.

Esekiɛl 40:38

Cɛiyo pum va lon, sondo ndɔɔ va o sungbuma diola bɛndulan tɛɛn. Lon ndáà pulu cɔlua va le sálà loamaa solio-a ni.

2Dɛnnda lemasalan 31:11

Mí Esekia dimul vannda le cɛila kondalan toosiaa o Cɛi-Mɛlɛka-o ikɛi.

Nehemi 10:36

Vɔsi oo vɔsi n hunnin vɛlɛ a kɔmnde tasele fula o ciɛɔn naan nin a tɔlɔɔla naalan nin-nden.