Nehemi 13:26 - BII BILA

²⁶ Mí ɲuna nda aa: ‹Vɛ̀ɛ̀ o co lende le Salomɔn masa Israɛlla kei mó luɛi o hakio nin te? O vanaa-mangalaa-isɔaa co o ceendo coo-a kpow tɛɛn, masa kɛ́-kɛ̀ óò sulan a ndu le, Hala ndɔɔ ndóò yeema ndu taw. Mí Hala siinguu ndu masaa Israɛlla kpow coo. A kon kpede, mí vanlaandua mangalaa isɔɔa luei ndu o hakio nin.

Nehemi 13:26 Referans Kwoze

1Masaa 3:13

O kon kɔɔli, i kenin nɔm ɲɛ celen, o n piɛi ya loo: bolofaa bɛndoo a biiloo. O ceen nɔmndo nin kpow, vana-vana venin o masaa tɔ̀a tɛɛn maa nɔm te.

Vana Kɔlkaloo 7:26

Mí ca maa vanalanɔ mal vanpiaandua-o hiow lollo a piɔ́mndo. Kaola ndɔɔ co maa leyaŋɔɔ, bala ndɔlan la co maa n'yɔlɔ. Vana hɛnan Hala-o hialun ndu. Kɛ vana lahakio ndu, malnɔnndo o malnun ndu o ba ni mò bii ndu.

2Dɛnnda lemasalan 1:12

Lelan, i ke nɔm kɔlkaloo a sinapɛngoo. I ke nɔm vɛlɛ bolofaa taw, ɲɛ-sɔlaa a biiloo, hiovɔɔ masaa tosa masalen nɔm tase-a a masaa vanin nɔm kɔɔli-a coo.»

2Dɛnnda lemasalan 9:22

Masaa Salomɔn ndóò hiow masaa va o lɛŋnden coo-a kpow bolofaa a kɔlkaloo ni.

Talelan 31:3

Tɛ̀ɛ̀mbuu yoomuma nɔmndan a vanlaandua le. Del vanlaandua mal masaa-a kɔɔli le.

1Masaa 3:12

i co nɔm ɲɛ n piɛi ya-o ke, i co nɔm kɔlkaloo a sinapɛngoo ke, ò vana-vana sɔla vɔ paandu nɔm laci loo, o vana-vana sɔla lɛnin vɛlɛ o nɔm kɔɔli loo.

1Masaa 4:1

Mí masaa Salomɔn siŋnun masaa Israɛlla kpow coo.

1Masaa 21:25

Kabi sindɛ, vana-vana óò vɔngulun-ndɔ o dɛnnda vɔɔnndan tosaa nin Mɛlɛka o hɔl nuaa maa Akab le. Nduyɛ Yesabɛl laa ndɔ va ndu balan lueiyo o sɔɔn mun nin ni.