Nehemi 13:25 - BII BILA

²⁵ Mí soaa nda, mí dɔaw nda vɛlɛ danga, mí lɔaa bɛɛ a pum, mí suingi nda yiinde. O kon má mɛnalan ya o diola Hala lan, maa a kɛsi lɛnin cuavaa ndaa laandua o nɔ̀lan mialla o ba le, maa a yil-lɛnin vɛlɛ laandaa mangalaa isɔɔa le poaa ndaa, te kon te le nda pila le few.

Nehemi 13:25 Referans Kwoze

Nehemi 13:17

Mí soaa a vanaa bɛndua Yuda, mí ɲuna nda aa: ‹Vɛ̀ɛ̀ la co pá dɛnɛ vɔɔn niaa co hoo tosaa-o bilaa biyɔɔ? La co paale pɛngiaalen lebɛɛ ke mɛɛ o bɛnda yɛ le.

Ɛsdras 10:5

O kon mí Ɛsdras can, mó dimul simlacia vanaa-solia-lasálàá a leviia a simlacia Israɛlla kpow le mɛnanndo le tosaa mɛɛ Sekania ndóò tuu yɛ. Mí nda kpow a mɛnan.

Tɔŋ miingua 7:3

La yii nɔlan niaa ndaa le, la kɛsi cuavaa niaa laandua o nɔlan poaa ndáà o ba le, la cua cuavaa ndaa laandua o nɔlan le poaa niaa le.

Nehemi 13:11

Mí soaa a vanaa bɛndua, mí ɲuna nda aa: ‹Le yɛɛ nɛ niaa lo yɛ tofaa mí Cɛi-Hala-o lo fondo?› Mí veelu vɛlɛ leviia a vanaa solia n'condua, mí mingi nda o baalaa nin.

Esai 50:6

Mí mal kɔɔ nuu vanaa va ya lɔɔ-a o ba, mí mal kuula nilan vanaa va ya siaiye suingio-a o ba. I vin vanaa va ya bɛ̀ɛ̀lan tɛɛmbuuo-a, a vanaa va ya lɔluan tufɔɔ o hɔl-la hɔlaa niaa le.

Talelan 28:4

Vanaa bii tɔŋndo le-a heelu vanaa kɔlvesɛiya ni, kɛ vanaa bii tɔŋndo-a, cɔlɔbaa nda cɔlɔba vanaa kɔlvesɛiya ni.

Condii lisai 15:4

Vana kon yeema bɛɛ mò ce vana yɔŋ vɔɔndo a lehɔl te, kɛ ò ke vanaa nɔ siòòŋii Mɛlɛka-e-a bɛɛlen. O cua bɛɛ ciɛ́i kàlà-kálɛi o Mɛlɛka lo, o mangala diomndo le.

Nehemi 5:13

O kon kɔɔli, mí koaŋ bɔɔle doma ni bɛndoo, mí dimi aa: ‹Màá Hala koŋ vanaa lonin o diomnde ndalen coo le-a, mò faŋa nda o cɛila ndalan nin a o bolofaa ndaa coo, maa mɛɛ ya tosa a domaa nuu nuaa yɛ. Màá vanaa kan a lo fondo!› Mí vannda kpow a cɛl aa: ‹Amiina!› Má mel Mɛlɛka balika. Mí vannda lo o diomnde ndalen coo.

Ɛsdras 7:26

Vana-vana bii tɔŋ Hala nɔmndo a tɔŋ masaa kpafii le, ndu bɛnda mò sɔla yaalaa mɛɛ tɛɛmbuu ndɔɔ vanin yɛ: piɔ́mndo, tovɔɔ ndu mò faŋan o lɛŋnde ndɔlen nin, ɲɛm ndɔn poondiaa ndu o ba, te kon te malɔɔ ndu o kaasoo.»

Tɔŋ miingua 6:13

Mɛlɛka Hala niaa kínɛí niaa bɛnda le biiloo ni, ndu pilɛ kpé niaa bɛnda le baalaa tosallo ni. O diola ndɔlan kínɛí niaa bɛnda le mɛnanndo ni.

Fulaa 34:16

Handɔɔ o kon coo, te la yii pɛ kpemaa a nda, la co cuavaa ndaa laandua yilɔɔ o nɔ̀lan le poaa niaa. Nduyɛ, cuavaa ndaa laandua lonin laasianndo o piɔmaa ndaa kan sooloo, mì poaa niaa bɛɛ a del nda kɔɔli a laasian pilɛ kon.

Yosue 23:12

Kɛ te la mulul ndu pɛ kɔɔ mì la mɔsɔŋan a vanaa-mangalaa-isɔaa celeŋaa co niaa tɛɛn-nda, te nɔlan la luɛì pɛ niaa tɛɛn niaa ndaa, mì la cal niaa ndaa latulu,

2Masaa 2:24

Mó mulin, mó tofa nda, mó dɔaw nda danga o diola Mɛlɛka lan. O kon, mí kɔ́lɔ́vúlua fula o bundɔɔ nin nda ŋiɔn, má sɛɛsiaa n'van belehiɔɔlu a vanaa ŋiɔn o poambɔa kan tɛɛn.

Nehemi 13:24

Cuavaa ndaa táláá pilɔɔ a va sɔɛi Asdɔdea ndaa soaa-e sɔɛi, ndáà cee sɔɛi Yuifia le. Fɔ sɔɔn vanaa-mangalaa-isɔaa celennda.

Condii lisai 119:53

Ɲɔɔ co ya palaa taw le malɔɔ vanaa yɔŋ vɔɔnda co tɔŋ nɔmndo-o.

Nehemi 5:6

Lɔ́ɔ́ ya tuei cɛɛŋɔnnda ndala lan-ndo, mí tambu kɔllo taw-taw.