Nehemi 13:23 - BII BILA

²³ O telen kon, mí ca maa Yuifia ndáà cii nin laandua yilɔɔ o vanlaandua Asdɔdea, Amɔnnda a Moabua tɛɛn.

Nehemi 13:23 Referans Kwoze

Nehemi 10:30

kɔ bii niko a simlacia naa, mí n mɛnan po, le tɔŋ Hala yɔngu Moise vana ndɔ baalaa le naa-o biyɔɔ, le kelaa o tɔŋndo coo, o nɛilan a o silala ndɔlan coo.

Ɛsdras 10:10

Mí Ɛsdras vana-solia-lasálàá can, mó dimul nda aa: «Niaa Israɛlla, la cua haki bɛndoo le yilɔɔ niaa yil vanlaandua mangalaa isɔɔa o nɔ̀lan-ndo. La cɔɔlu vɛlɛ Israɛlla malɔɔ o pɔwla bɛndu nin dɛ!

2Korɛntea 6:14

La luei bollen o yɔm lebol pilɔɔ bɛngu niaa vanaa laalan te-a le. Kani ɔ́ɔ̀ bɛnda co ɲɛ sandu-o a ɲɛ sendu loo tɛɛn-ndo? Ɔ́ɔ̀ canyɛi co ɲɛ-tengaa a ɲumndan tɛɛn-nde?

Nehemi 13:1

«Telen pilɛ kon, lɔ́ɔ́ nda va sɛbɛ Moise-o dimio vannda kpede o hɔl vakpa-o, má tiiya o fondaa pum, o va o sɛvaa lon maa le fɛɛn a fɛɛn Amɔnnda nda Moabua bɛnda mà luɛi o kunda vanaa Hala-a nin te.

Ɛsdras 10:44

Vannda ha kpow ndáà yil laandaa mangalaa isɔɔa ni. O vanlaandua kan tɛɛn a bɔɔ-bɔɔ ndáà velu nin cuawva.

Nehemi 4:7

Lelan, mí kɛsi vannda lebɛngu o bóllo nin o kpakio kɔɔli, a nɛɛ kpakio ndóò cownun ndɔ le-a, mí kɛsi nda mɛɛ yungula ndalan la va yɛ. Mɔɔn cɔwvon, báltan a kpaasiaalan la va nda o laba.

1Samiɛl 5:1

Filistia hiɔlɔɔ kesu kpema Hala-o, má faŋa ndu Ebɛn-Esɛr, má kɔa a ndu Asdɔd,

Fulaa 34:11

Lelan, bii sɔɔn ya co nɔm hau dimullo-on kpáŋ. I co Kanannda, Amoriia, Hitiia, Perisiia, Heviia a Yebusiia tovɔɔ niaa laci.

Tɔŋ miingua 7:1

«Lɔ́ɔ́ Mɛlɛka Hala niaa lueinin niaa o lɛŋnde niaa co kɔlan luɛyɔɔ nin le len hiɔlɔɔ len nin-ndo, te o tow pɛ Hitiia, Kirkasiia, Amoriia, Kanannda, Perisiia, Heviia a Yebusiia niaa laci, vanaa-mangalaa-isɔɔa kundala ŋɔmmɛvaa hiow niaa kan sɛ́lɔ́ɔ́ a kpaayaa-a,

1Masaa 11:1

Handɔɔ o cua ndóò yil Faraɔnnɔɔ o ba o nɔ̀u nin-ndo coo, mí Salomɔn kaola vanlaandua mangalaa isɔɔa taw: Moabua, Amɔnnda, Edɔmnda, Sidɔnnda a Hitiia.

Nehemi 13:24

Cuavaa ndaa táláá pilɔɔ a va sɔɛi Asdɔdea ndaa soaa-e sɔɛi, ndáà cee sɔɛi Yuifia le. Fɔ sɔɔn vanaa-mangalaa-isɔaa celennda.

Nehemi 13:27

N yeema lɛ mì n tuei dɛnɛ vɔɔn bɛndu vaa lende niaa tɛɛn a Hala naa le, le vanlaandua mangalaa isɔɔa yilɔɔ o nɔ̀lan.›

Ruti 1:4

Mí poaa ndɔa ŋiɔŋaa kan yil vanlaandua Moabua o nɔ̀lan, o pilɛ diolan aa Ɔrpa, o pilɔɔ Ruti. Má cii lon le vɔsilan tɔ́.

Nehemi 10:31

Mí yii kpemaa maa n bɛnda mì n kɛsi cuavaa naa laandua o nɔ̀lan vanaa súúla celeŋaa co o lɛŋnden nden nin-nda o ba le, n bɛnda vɛlɛ mì n cua cuavaa ndaa laandua o nɔ̀lan le poaa naa le.