Nehemi 13:22 - BII BILA

²² O kon kɔɔli, mí dimul leviia le dindinndo, le kɔlan cumullo o diola kobio, haliko mi vannda ke paale pɛngiaalen bɛɛlen. ‹Éé Hala nuu, loonun vɛlɛ a ya le ken. Tuinun ya iɲíí, mɛɛ dɛnɛ nɔm kɛndɔɔ co o bɔɔ yɛ!›

Nehemi 13:22 Referans Kwoze

Nehemi 12:30

Mí vanaa-solia-lasálàá a leviia dindin, má dindi vɛlɛ vannda, a koŋndan, a kpaki kobio.

Nehemi 13:14

‹Éé Hala nuu, loonun a dɛnnda ya tosa lan kpow! Pɔɛɛnun dɛnɛ sandaa ya lo tosaa le Cɛi-Hala-o a le kaannden-ndo le!›

Nehemi 13:31

Mí bɛɛndiaa vɛlɛ dɛnɛ ɲɛm-kéan iyɔmun ndáà bɛnda le yɔngoo o telen kelunndo-on, a dɛnɛ ɲɛm-kéan ndáà cua o ɲɛm vaan tason nin-ndon. ‹Éé Hala nuu, loonun a ya mà tuinun ya iɲíí!›»

Esai 49:23

Masaa vanin vanaa dɔavaa baloa nɔmnda ni, cuavaa ndaa laandua vanin vanaa mandaa n'cuavaa nɔmnda ni, a baŋnin vulan nɔm o labɛngunin mà deli a kuumbuan o kɔl coo nɔm o labɛngunin. A deembuunin cundu vanin nɔm o n'pelu-o. O kon nɔm pila sinanin maa ya co Mɛlɛka ni, maa siɛmbula biinin vanaa tiindan ya-a le.

Esai 38:3

«Éé Mɛlɛka! Loonun maa i kela nɔm o hɔl sakpo a kɔl nuu kpow, mí tosa ɲɛ co o kɛndɛ nɔm o hɔl-lo!» Esekia lo piɛilen lende, mó caŋ fúkpàà-fùkpàà, mí mɛmɛan ma toal ndu taw-taw.

Condii lisai 130:7

Niaa Israɛlla, la tiindan Mɛlɛka, kani ndu nɔ kaolaa o ba ni, ndu o ba vana sɔla baŋan kpeekpeiyo ni.

Condii lisai 51:1

Condii David-e, í fula o condun simlacinɔ vanaa n'condua nin-nde.

Condii lisai 5:7

Tɛɛmbuuo n tɛɛmbuu vanaa dimia lacòòvaa ni. Vanaa diuvaa n'vannda a vana nɔ kɔlkalu vɔɔndo-o nɛinun nɔm bɔɔ!

Nehemi 12:10

Yesua velu Yoyakim ni, mí Yoyakim vialu Eliasib, mí Eliasib vialu Yoyada.

Nehemi 5:19

Éé Hala nuu, yiyan ya coo mà tuinun ya iɲíí le dɛnnda ya tosa le vannda ha kpow lan!»

2Dɛnnda lemasalan 29:30

O kon kɔɔli, mí masaa Esekia a vanaa bɛndua a dimul leviia le Mɛlɛka biiloo o condun David nda Asaf vana-tɛɛngaa-diom Hala-o ndáà toosiaa-on nin. O kon, má biilu ndu a ɲaale bɛndu-bɛndoo, má baŋ vulan, má tundun háá lɛŋ.

2Dɛnnda lemasalan 29:27

Mí Esekia dimul vannda le sálàla loamaalan solio o fonda-loamaa-lasálàá coo. Ndáà kandɔɔ dɔ́ɔ́ sálà loamaa solio, má kandu vɛlɛ condon le Mɛlɛka biiloo a bululan hɔŋndo a á ɲɛm-caan David, masa Israɛlla ndóò toosiaa-on lɔɔ.

2Dɛnnda lemasalan 29:24

Mí vanaa-solia-lasálàá diw nda, má fasaŋiaa kooma ndan o fonda-loamaa-lasálàá coo le sálà co le hakio sɔlaa malɔɔ-o solio le Israɛlla kpow. Kani le Israɛlla kpow masaa ndóò dimi le sálà loamaa a le sálà co le hakio sɔlaa malɔɔ-o solio ni.

2Masaa 23:4

Mí masaa Yosia viam Hilkiya bolle vanaa-solia-lasálàá nda vanaa-solia-lasálàà tɔ̀a a vanaa va kèédei cumullo-a, má kɔ cua ɲɛm-laandun vannda ndáà toosiaa le Baal, le Astartee a le ɲɛm pangelen co o halataala-on-ndon, má kɔ loam mun o kobio Yerusalɛm kɔɔli, o bóllo Sedrɔn nin. Má yaa pulta ɲɛm ŋɔalɛin mun Betɛl.

Tɔŋ miingua 5:12

La loonun a paale pɛngiaalen mì la ce len maa lediandaalen le co ni, maa mɛɛ Mɛlɛka pila dimul niaa le tosaa yɛ.

2Korɛntea 1:12

Kani ɲɛ naa n nɔla mì n kelu yongaa a ndu o kɔɔ-o co hoo ni, kɔlta naalan la co seilen timbio mɛɛ naa n kela o ceendo nin yɛ, taam-taama niaa o hɔl. Kela diandaa a kela toɲaa o yɔŋnun ni, o fula Hala o ba-o, n tosa kon a kɔlkalu ivanacieeya le, kɛ o kɛndɛi Hala-e bɛngu.

Esai 55:7

Vana kɔlvesɛiyo faŋan o nɛi ndɔ kɔlvesɛiyo coo, mì vana vɔɔndo mal vanavɔɔnyɛi ndɔɛi, mò muungu Mɛlɛka o ibuŋ, haliko mi Mɛlɛka tuinun ndu iɲíí, mò muungu Hala naa o ibuŋ, o màl haki few-few-vo pɛɛn.

2Masaa 20:3

«Éé Mɛlɛka! Loonun a kela sandaa ya kela nɔm o hɔl-lo, loonun a dɛnnda kɛndɛla ya tosa nɔm o hɔl-tan.» Mí Esekia caŋ fúkpàà-fùkpàà.