Nehemi 13:21 - BII BILA

²¹ Kɛ mí kanalan nda, mí ɲuna nda aa: ‹Le yɛɛ nɛ niaa co yɛ hunɔɔ calle o kpaki kobio kɔɔli? Te la tosa nin pɛ lende, i co niaa baa holɔɔ.› Kandɔɔ nin o telen kon, a hin-ndɛ lon lɔ́ɔ́-lɔ́ɔ̀ o paale pɛngiaalen coo le.

Nehemi 13:21 Referans Kwoze

1Piɛr 2:14

o va masaa n'bungaa, a masa bɛndoo viam le vanaa tosaa dɛnnda vɔɔnda sangaa tuisio coo, te kon te le vanaa tosaa dɛnnda kɛndɛa nuvalio mello-a.

Ɛsdras 7:26

Vana-vana bii tɔŋ Hala nɔmndo a tɔŋ masaa kpafii le, ndu bɛnda mò sɔla yaalaa mɛɛ tɛɛmbuu ndɔɔ vanin yɛ: piɔ́mndo, tovɔɔ ndu mò faŋan o lɛŋnde ndɔlen nin, ɲɛm ndɔn poondiaa ndu o ba, te kon te malɔɔ ndu o kaasoo.»

Nehemi 13:15

O telen pilɛ kon bɛngu, mí ca vanaa va o tàndá Yuda-o nin-nda rɛsɛnndon nɛwvo o doolaa nin o paale pɛngiaalen coo. A pum va tumbula n'mal-tan vilio, a pum nda va mɔiyan, rɛsɛnndon, bumbuuon, a ɲɛm súú-súù ka heeloo sofɛlɛa o lakɔɔ le hunɔɔ a mun Yerusalɛm o paale pɛngiaalen coo. Mí ciŋilan nda, mí kanalan nda le ɲɛm mun pisio o paale pɛngiaalen coo.

Nehemi 13:20

O kon mí yulaa pisi kan ɲɛm súú-súù ka-a hun háá bɛmbɛ lediin, má cal a vɔngula ndalan o kpakio Yerusalɛm kɔɔli.

Nehemi 10:32

Te vanaa súúla celeŋaa co o lɛŋnden nden nin-nda hin pɛ a ɲɛm ndan le pisio o paale pɛngiaalen coo, te kon te o paale kafolen coo, n bɛnda mi n pendu ɲɛ-ɲɛ nda o ba le. N malnin yondoo pɛngio o vɔsi ŋɔmmɛwndɔɔ, n suuku lɛnin vɛlɛ vanaa cua kueelan naa o ba-a le lan salaa le.