Nehemi 13:2 - BII BILA

² Kani a bii sindɛ Israɛlla le, a ke nda ɲɛdiaa le, a ke nda mamɛm le kolɔɔ le. Mí Moabua hiaw Balaam kɔɔli, má ke ndu volion le Israɛlla dangaa dɔvɔɔ, kɛ mí Hala naa mangala danga kalaa duaa.

Nehemi 13:2 Referans Kwoze

Tɔŋ miingua 23:5

Kani telen niaa faŋan Esipte mí la va hunɔɔ-o, a kue niaa bɔŋa nɛi-tɛɛn a ɲɛdiaa a á mamɛn te few. Kɛ má hiaw Balaam po Beɔr-o kɔɔli a volion, má cua ndu Petɔr o lɛŋnde Mesopotamii len nin, má hun a ndu le niaa dangaa dɔvɔɔ.

Matie 25:40

O kon masaa mululnin nda aa: ‹Mì dimul niaa toɲaa, telen oo telen niaa va o hiow dɔɔnanndo o puapilɛa nia ha tɛɛn-ndo dɛnnda lan tosallo, ya niaa va tosal kon lende ni.›

Misee 6:5

Vanaa nia sei, la yiyan-ndɔ mɛɛ Balak masaa Moab ndóò tuu le niaa dɛnɛ vɔɔndo tosallo yɛ. La loonun-ndɔ mɛɛ Balaam po Beɔr-o mulul ndu yɛ. O kon kɔɔli, mí ya pila sim niaa laci cɔnɔnndo Sitim háá Kilkal. La co sina o kon maa dɛnɛ sandaa tuŋ ya Mɛlɛka co niaa tosallo ni.›»

Condii lisai 109:28

Nda tiw ba mà dɔw dangalan, kɛ nɔm a dɔawnin duaa. Taa cɛn pɛ le cɔwvo, siɛmbulan la biinin nda. Kɛ ya vana baala nɔmndo yɛ, i dɔawnunnin ɲaale.

Kundalan 23:18

Mí Balaam soaa vɛlɛ o ɲamakalalen nin aa:: «Cɔn ma yaŋ nilan, Balak! Po Sipɔr-o, mei-yɔ kpili ma tuei!

2Piɛr 2:15

A faŋan o nɛi sandaa coo, má del Balaam po Bosɔr-o kɔɔli, mí ndu fula sala dɛnɛ vɔɔndo hɔlten,

Tɔŋ miingua 23:3

Vana co volɔɔ sámáá-o a polale ndɔlen háá o lambi tɔ́ndɔɔ a bɛnda mà luɛi o kunda Mɛlɛka-o nin te.

Tɔŋ miingua 23:4

Le fɛɛn a fɛɛn, Amɔnnda a Moabua a bɛnda mà luɛi o kunda Mɛlɛka-o nin te, hali cuavaa ndaa o lambi tɔ́ndɔɔ a lueinin lenin te.