Nehemi 13:16 - BII BILA

¹⁶ Handɔndo o kon coo, vanaa fula Tir má va calle Yerusalɛm-nda bɛɛ va hunɔɔ a suwva a á ɲɛm pisian celen o paale pɛngiaalen coo, le mun pisio vanaa va Yerusalɛm-nda a Yudaa o ba.

Nehemi 13:16 Referans Kwoze

Fulaa 23:12

O palɛi ndii ŋɔmpum bɛngu, la tiwba mì la tosa baalala niaalan kpow. Kɛ o paale ŋɔmmɛwndɔlen coo, la bɛnda mì la tosa baala le, haliko mi navaa niaa a sofɛlɛa niaa sɔla pɛngio, mì poaa cɛa niaa laandua a mialaa co niaa o bɛngu coo-a sɔla vɛlɛ yoomuma sɛnɛi.

Tɔŋ miingua 5:14

Kɛ paale ŋɔmmɛwndɔlen, paale pɛngiaale diandaale co le Mɛlɛka Hala niaa len le co len ni. La tosa baala oo baala o paale len coo le, kandɔɔ a niaa pila, poaa niaa, cuavaa niaa laandua, cɛa niaa piaandua a à laandua, navaa niaa, sofɛlɛa niaa, cɔlua niaa kpow, kɔ bii a mialaa co niaa o bɛngu coo-a, haliko mi cɛa niaa piaandua a à laandua sɔla pɛngio mɛɛ niaa pila co va pɛngio yɛ.

Fulaa 20:10

Kɛ paale ŋɔmmɛwndɔlen, paale pɛngiaale diandaale co le Mɛlɛka Hala niaa len le co len ni. La tosa baala oo baala o paale len coo le, kandɔɔ a niaa pila, poaa niaa, cuavaa niaa laandua, cɛa niaa piaandua a à laandua, cɔlua niaa, kɔ bii a mialaa co niaa o bɛngu coo-a.

Nehemi 13:15

O telen pilɛ kon bɛngu, mí ca vanaa va o tàndá Yuda-o nin-nda rɛsɛnndon nɛwvo o doolaa nin o paale pɛngiaalen coo. A pum va tumbula n'mal-tan vilio, a pum nda va mɔiyan, rɛsɛnndon, bumbuuon, a ɲɛm súú-súù ka heeloo sofɛlɛa o lakɔɔ le hunɔɔ a mun Yerusalɛm o paale pɛngiaalen coo. Mí ciŋilan nda, mí kanalan nda le ɲɛm mun pisio o paale pɛngiaalen coo.

Nehemi 13:17

Mí soaa a vanaa bɛndua Yuda, mí ɲuna nda aa: ‹Vɛ̀ɛ̀ la co pá dɛnɛ vɔɔn niaa co hoo tosaa-o bilaa biyɔɔ? La co paale pɛngiaalen lebɛɛ ke mɛɛ o bɛnda yɛ le.