Nehemi 13:15 - BII BILA

¹⁵ O telen pilɛ kon bɛngu, mí ca vanaa va o tàndá Yuda-o nin-nda rɛsɛnndon nɛwvo o doolaa nin o paale pɛngiaalen coo. A pum va tumbula n'mal-tan vilio, a pum nda va mɔiyan, rɛsɛnndon, bumbuuon, a ɲɛm súú-súù ka heeloo sofɛlɛa o lakɔɔ le hunɔɔ a mun Yerusalɛm o paale pɛngiaalen coo. Mí ciŋilan nda, mí kanalan nda le ɲɛm mun pisio o paale pɛngiaalen coo.

Nehemi 13:15 Referans Kwoze

Nehemi 10:31

Mí yii kpemaa maa n bɛnda mì n kɛsi cuavaa naa laandua o nɔ̀lan vanaa súúla celeŋaa co o lɛŋnden nden nin-nda o ba le, n bɛnda vɛlɛ mì n cua cuavaa ndaa laandua o nɔ̀lan le poaa naa le.

Nehemi 13:21

Kɛ mí kanalan nda, mí ɲuna nda aa: ‹Le yɛɛ nɛ niaa co yɛ hunɔɔ calle o kpaki kobio kɔɔli? Te la tosa nin pɛ lende, i co niaa baa holɔɔ.› Kandɔɔ nin o telen kon, a hin-ndɛ lon lɔ́ɔ́-lɔ́ɔ̀ o paale pɛngiaalen coo le.

Fulaa 34:21

La tosa baalalan kpow o palɛi ndii ŋɔmpum bɛngu, kɛ paale ŋɔmmɛwndɔlen, la mal baalalan mì la pɛngi. O va telen lavayiaa, te kon te telen koavaa, la bɛnda mì la tosa baala o paale ŋɔmmɛwndɔlen coo le.

Esai 58:13

Te la bii pɛ pelun niaan, mì la kela o paale pɛngiaalen coo le, te la tosa hɛnan niaa o paale nile diandaalen coo le, te la ce pɛ paale pɛngiaalen maa paale yeelɛilen, paale diandaale Mɛlɛka len a paale sɔvɛlen le co ni. Te la ke pɛ paale len bɛɛlen, mì la kela o nɛila niaalan coo le, mì la tosa dɛnndan mɛɛ niaa hɛnan yɛ le, mì la luei sondoo o tombola fondo-fondoo nin te,

Esekiɛl 20:13

Kɛ mí cuavaa Israɛlla luɛi seesiɛi a ya o lɛŋnde veselɛilen nin. A bii silala nilan te, má kɛɛ tɔŋnda nila vanacieo bɛnda mò kela coo, haliko mi la tosa mo tuei yoomoo yeela lan, má va kasio delɔɔ tuŋ-tuŋ a palɛi pɛngiɛi nii. Mí dimi le kɔl ni tuwvo cuiŋio nda coo o lɛŋnde veselɛilen nin, le nda ciiyo diwvo o lepilɔɔ.

Yeremi 17:27

Kɛ te la yeŋ ya nilan te, te la luei paale pɛngiaalen yii mì la manda len le ya le, te la cua pɛ volɔɔlan o paale len coo, mì la kei a lan o diola Yerusalɛm-ndan, i malnin kobi kalaa yin, mì cɛila ndɔla kɛndɛlan la ŋɔɛ, nduyɛ le ɲumnin te.»

Yeremi 17:24

Sɔɛi fula Mɛlɛka o sondo-e co hee ni aa: Kɛ niaa, te la yaŋ pɛ nilan o sɔɛi nii, mì la cue lavolɔɔ mì la kei a lan o diola kobio ho le, mì la ke paale pɛngiaalen bɛɛlen, mì la tosa baala kɛ́-kɛ̀ le,

Tɔŋ miingua 8:19

Kɛ te la pɔɛɛnun pɛ Mɛlɛka Hala niaa, te la sooluu pɛ halaa fondoa, te la tosal pɛ nda vallo mì la baŋ vulan nda o labɛngunin, i co niaa ndi dimul hau, la vunin kpow.

Fulaa 35:2

N bɛnda mì n tosa baalala naalan kpow o palɛi ndii ŋɔmpum bɛngu, kɛ paale ŋɔmmɛwndɔlen, paale pɛngiaalen le co len le naa ni, paale Mɛlɛka dindi le pɛngio len le co len ni. Vana-vana tosa pɛ baalaa o paale len coo, o bɛnda mò sɔla piɔ́mndo.

Nehemi 9:29

Má baŋ nda le tɔŋ nɔmndo biyɔɔ, kɛ má tosal nɔm nila kalulan, a yeŋ nilan o tɔŋnda nɔmndan te, má kɛɛ le silala nɔmndan biyɔɔ. Nduyɛ, silala lan, la co vanaa co lan biyɔɔ-a ciindiaa. Má tosal nɔm yongaa a nila kalulan, má kɛɛ le nɔm yaŋnɔnndo few-few.

1Tesalonikea 4:6

Vana-vana pílàn puapilɛ ndɔɔ tana le, vana-vana tɛɛmbuu puapilɛ ndɔɔ labɛɛ o sɔɛi he nin te. Maa mɛɛ naa n dimul niaa sɔɛi ken kpéŋ-kpéŋ yɛ, Mɛlɛka tuisinin vannda sangaa coo le hakila vaa lende.

Efɛsea 4:17

Lelan, ɲɛ ya co niaa dimul mì tiiyal niaa o Maalii nin-ndo co hoo ni: la va lɛ kelaa maa vanaa sínà Hala le-a le, a del yiyannda yɔngu nda ɲɛ-ɲɛ le lan kɔɔli-a pɛɛn,

Kalatea 5:3

I co vɛlɛ ndi cɔɔlu dimi le vanpiaandua kɛ́-kɛ̀ co yɔngɔnndo le toomaa diyɔɔ: mɛɛ mà bii niko sɔɔn tɔŋndo dimi-on kpow.

Dɛnnda kiilaa 20:21

I veelu Yuifia a vanaa co N'Yuifi le-a le vulan baŋɔɔ Hala o labɛngunin, a le Maalii naa Yeesu laalanndo.

Dɛnnda kiilaa 2:40

Mí Piɛr dimul nda vɛlɛ sɔɔn celen taw, n pilan nda kɔltan mí n luei nda yoomuan-ndon. Mó sila nda aa: «La hiɔlun vanaa laasiannda ha!»

Misee 6:3

O dimul nda aa: ‹Niaa vanaa nia, yɛɛ nɛ ya yɔŋ yɛ niaa? O yɛɛ nin ya saangiaa yɛ niaa? La mulul-lɔ ya!

Yeremi 42:19

Niaa vanaa tɔ̀a Yuda, diom Mɛlɛka co niaa dimullo-o co hoo ni aa: O bɛnda mì la kɔɛ Esipte le! La sinà maa i cii niaa hau tanaa hendul.

Condii lisai 50:7

Hala co dimio aa: ‹Yungu nuu, la yaŋnun, mì soo. Niaa Israɛlla, i tɛndanin seilen a niaa o kɔɔ, ya co Hala ni, Hala niaa pɛɛn.

2Dɛnnda lemasalan 24:19

Mó vim nda vanaa-tɛɛngaa-diom Hala-a le nda kanalanndo haliko mi ndáà muungu ndu o ibuŋ. Kɛ a yeŋ nda lani le.

Nehemi 13:16

Handɔndo o kon coo, vanaa fula Tir má va calle Yerusalɛm-nda bɛɛ va hunɔɔ a suwva a á ɲɛm pisian celen o paale pɛngiaalen coo, le mun pisio vanaa va Yerusalɛm-nda a Yudaa o ba.

Talelan 28:4

Vanaa bii tɔŋndo le-a heelu vanaa kɔlvesɛiya ni, kɛ vanaa bii tɔŋndo-a, cɔlɔbaa nda cɔlɔba vanaa kɔlvesɛiya ni.

Amɔs 8:5

La co dimio aa: «Lɔ́ɔ́ kuɛɛ kafo paangii sɛnɛiyo co yɛ cuvɔɔ, haliko mi n kɔ muungu malun naan pisio? Lɔ́ɔ́ kuɛɛ nɛ kafo paale pɛngiaa ho co yɛ nin cuvɔɔ, haliko mi n kɔ kumbi kondala naalan le malun naan muungoo pisio? N co panilan bɔɔfiàà mì la dɔɔnan, mì n cɔɔlu vɛlɛ maalon báà heelu, n co ɲɛla tuvaala n'ɲɛlan mangaliaa le vannda palaa.

Fulaa 31:12

Mí Mɛlɛka dimul Moise sɔɔn mun aa:

Fulaa 31:16

Israɛlla bɛnda mà bii paale pɛngiaalen, mà tosa mɛɛ tɔŋndo dimi le paale len yɛ. Kpema ya yii a niaa le fɛɛn a fɛɛn-ndo co kon ni.

Nehemi 10:32

Te vanaa súúla celeŋaa co o lɛŋnden nden nin-nda hin pɛ a ɲɛm ndan le pisio o paale pɛngiaalen coo, te kon te o paale kafolen coo, n bɛnda mi n pendu ɲɛ-ɲɛ nda o ba le. N malnin yondoo pɛngio o vɔsi ŋɔmmɛwndɔɔ, n suuku lɛnin vɛlɛ vanaa cua kueelan naa o ba-a le lan salaa le.

SƐBƐ YƆB-O 39:12

Bàà ndu koni n tiindan vɛlɛ le ɲɛm n kow-von vilio o kpele lɔaa n'mallo coo ni?