Nehemi 13:14 - BII BILA

¹⁴ ‹Éé Hala nuu, loonun a dɛnnda ya tosa lan kpow! Pɔɛɛnun dɛnɛ sandaa ya lo tosaa le Cɛi-Hala-o a le kaannden-ndo le!›

Nehemi 13:14 Referans Kwoze

Hebreea 6:10

Hala co vana kɛɛ isandu le. O pɔɛɛnun ɲɛ niaa co tosaa-o a kaola niaa cɔm le ndu le, o pɔɛɛnun kpekula niaa co vanaa Hala-a solio lan te.

Nehemi 13:31

Mí bɛɛndiaa vɛlɛ dɛnɛ ɲɛm-kéan iyɔmun ndáà bɛnda le yɔngoo o telen kelunndo-on, a dɛnɛ ɲɛm-kéan ndáà cua o ɲɛm vaan tason nin-ndon. ‹Éé Hala nuu, loonun a ya mà tuinun ya iɲíí!›»

Nehemi 13:22

O kon kɔɔli, mí dimul leviia le dindinndo, le kɔlan cumullo o diola kobio, haliko mi vannda ke paale pɛngiaalen bɛɛlen. ‹Éé Hala nuu, loonun vɛlɛ a ya le ken. Tuinun ya iɲíí, mɛɛ dɛnɛ nɔm kɛndɔɔ co o bɔɔ yɛ!›

Ɛsdras 7:20

Te bɔnɔ celen fula pɛ le baalaa Cɛi-Hala nɔmndo, a vow baa o kesu lemasaa nin, a cua volin tiw le bɔnɔ kon-ndon.

Nehemi 5:19

Éé Hala nuu, yiyan ya coo mà tuinun ya iɲíí le dɛnnda ya tosa le vannda ha kpow lan!»

2Dɛnnda lemasalan 24:16

Le tùú o tosa dɛnnda kɛndɛlan Israɛl a o Cɛi-Hala-o nin le Hala bɛɛlen keo-vo, má kumbu ndu o Kobi David-o nin nɛɛ ndáà kumbu masaa-a.

1Dɛnnda lemasalan 29:3

Le tùú ya kaola Cɛi-Hala nuu taw-vo, i yɔngu vɛlɛ sianin nin ya pilan a volin nin ya pilan, handɔɔ o ɲɛm yáà cii nin cuungiaa le Cɛi-Diandaa tangullo-on kpow coo.

Ɛsdras 7:27

«Biiloo co le Mɛlɛka, ó co Hala fuɲaa naa imamaa-o, ó luei masaa yiyan kɛndɔɔ o kɔl le Cɛi-Hala co Yerusalɛm-ndo bɛɛle bɛndule vaa nuaa yɔngoo-o!

Dɛnnda cɔɔmuanndan 3:5

O kon vana nɔlanin-ndo vownunnin volɔɔla humbulan, i vɔɔsuunin diola ndɔlan o sɛbɛ yoomaa nin te, i pialnin diola ndɔlan Fuɲa nuu a mɛlɛkaa ndɔa o hɔl.

Ɛsdras 7:24

N co niaa vɛlɛ dimul kpendekele maa n kuuna niaa le muloo, ɲɛm solian a sala hiavaa biyɔɔ vanaa-solia-lasálàá, leviia, vanaa ɲɛ-caa, kpalilaa cumulaa ladioa, buɛyaa Cɛi-Halaa a vanaa baalaa co o Cɛi-Hala-o nin-nda kpow o ba.

2Masaa 20:3

«Éé Mɛlɛka! Loonun a kela sandaa ya kela nɔm o hɔl-lo, loonun a dɛnnda kɛndɛla ya tosa nɔm o hɔl-tan.» Mí Esekia caŋ fúkpàà-fùkpàà.

Esai 38:3

«Éé Mɛlɛka! Loonun maa i kela nɔm o hɔl sakpo a kɔl nuu kpow, mí tosa ɲɛ co o kɛndɛ nɔm o hɔl-lo!» Esekia lo piɛilen lende, mó caŋ fúkpàà-fùkpàà, mí mɛmɛan ma toal ndu taw-taw.