Nehemi 13:13 - BII BILA

¹³ Mí hɛli vannda pum le hɔlten nɔu o cɛila lan coo. Vanaa kan va haa ni: Selemia vana-solia-lasálàá, Sadɔk vana sɛvaa latɔŋndo a Pedaya leviinɔ. Mí kɛsi Hanan, po Sakur-o, po imama Matania-o nda ikɛi. Kani vanaa vannda ndáà laalan-nda nda va ni. Baala ndaa va le ɲɛm-kéan piɔwvo puapilɛa ndaa tɛɛn ni.

Nehemi 13:13 Referans Kwoze

Nehemi 7:2

Mí suili Hanani puapilɛ ni nda Hanania le hɔlten nɔu Yerusalɛm coo. Hanania kon va simlacinɔ cɛi vanaa cɔwva ni, Vana lo o lediom coo-o o va ni, ndóò nɔ siòòŋii Hala-e hiovɔɔ vanaa bɔɔ-bɔɔ coo.

2Masaa 22:7

Kɛ vana ɲunanin nda le kona dɔwnɔn le volin co nda yɔngɔn-ndon te, kani a kɔl sandaa nda co va baalaa a mun ni.»

1Korɛntea 4:2

Nduyɛ vana yɔngu ɲɔɔ le mandaa-o bɛnda mò va vana lo o lediom coo-o.

Dɛnnda kiilaa 6:3

Lelan, puapilɛa naa, la hɛli vanpiaandua nda ŋɔmmɛw niaa tɛɛn, a nɔ diola kɛndɛlan, mà pia a Hala Kɔl-Diandaa-a, a nɔ kɔlkaloo-a, mì n yɔngun nda baala kon.

Dɛnnda kiilaa 6:1

O telen kon, kaandennda va kuiyo, mí Yuifia va krɛkiei sɔɛi-ya a va cɛɛŋɔnndo a Yuifia pilacea. Má va dimio maa a va vanlaandua piandaa ndaa vi-a pɔɛɛnɔnndo le nda balo nda va nda piɔwvo lepalaa oo lapala-o yɔngoo.

Nehemi 12:44

«Telen pilɛ kon, má ke vannda baalaa le cɛila ndáà manda ɲɛm-kéan ndáà cua o ɲɛm vaan tason nin-ndon cumullo. Lon ndáà manda ɲɛm-kéan a o-tɔ́ndɔ ndáà soli o kɔmnde tasele latɔlɔɔle ndáà sɔla o yondoláà balu cieon pɔmbɔn-ndan nin-nden ni. Mɛɛ tɔŋndo ndóò dimi yɛ, le vanaa-solia-lasálàá a leviia ɲɛm mun va ni. Mí ɲɔɔ hɛnan vannda Yuda kpow le baala vanaa-solia-lasálàá a leviia a va tosaa-o.

2Masaa 12:15

Vanaa va baalaa le Cɛi-Hala-o mingio toosiaa-a kínɛí ndáà ke mun ni kpow, haliko mi ndáà luei mun o baala toosiaa Cɛi-Hala-o nin.

1Timote 3:10

Mɛɛ mì vana tɔɔndan nda fɔlɔn, te vana seelun ɲɛ-ɲɛ o kon kɔɔli le, a tosa niko vallo le vanaa laalannda malaa.

1Timote 1:12

I mel Maalii naa Yeesu Krista balika, ó luei ya yoomuan le baala ndɔɔ tosaa-o. I mel ndu balika le laalan o laalan ya, mó hɛli ya le baala ndɔɔ tosaa-o.

Dɛnnda kiilaa 4:35

má va kiilaa mun yɔngoo. Mí nda nda va vannda mun piɔwvo mɛɛ vana-vana ndóò nɔ makoo yɛ.

Luke 12:42

Mí Maalii mulul ndu aa: «Ɔ́ɔ̀ niko vana baala kɔlkalu lò kon o diomnden coo-o? Ndu co ò vana ndɔ bɛndoo dimulnin le hɔlla landɔɔ cɛi ndɔɔ coo a le vanaa baalaa tɔ̀a ɲɛdiaa yɔngoo a telen bɛnda-o-o ni.

Nehemi 12:35

O kon kɔɔli, mí vanaa-solia-lasálàá va bulula hɔŋaalan cuaa-a va hunɔɔ nda kɔɔli. Sakari po Yonatan-ndo, po Semaya-o, po Matania-o, po Mikaya-o, po Sakur-o po Asaf-o

Nehemi 11:22

Vana va leviia bollen Yerusalɛm-ndo va Usi, po Misee-o, po Matania-o, po Hasavia-o, po Bani-o ni, fulaa o polale Asaf len nin. Polale len le va bollen le condon solio o Cɛi-Hala-o nin ni.

Nehemi 10:12

Misee, Rehɔb, Hakabia,

Nehemi 8:4

Ɛsdras vana sɛvaa latɔŋndo va isisi o bàndóó coo, o ndáà baŋ le dɛnɛ kon-ndo. Matitia, Sema, Anaya, Uri, Hilkiya a Maseya a va isisi ndu o ba kɛndɔɔ coo, mí Pedaya, Mikaɛl, Makia, Hakum, Hasbadana, Sakari a Mesulam nda va isisi ndu o ba mɛllo coo.

Nehemi 3:30

O ndu kɔɔli, mí Hanania po Selemia-a nda Hanun po ŋɔmpumndɔ Salaf-o a mingi kpakio bɛɛndiaa baa pilɔɔ. Mí Mesulam po Berekia-o ndu va baalaa tosaa o cɛi ndɔɔ hɔl-ndɔ.

Nehemi 10:38

N yɔngunin nda vɛlɛ kpeyan naa tasoo, ɲɛm-kéan naa n cua o tɔlɔɔla koamaalan nin-ndon, mɔima sɛnɛiyan a cuɛiyan, mì n kɛsi ɲɛm mun kpow o cɛila pɔmbɔla holnun Cɛi-Hala-o lan nin. O kɛ́-kɛ̀ naa n sɔla pɛ o ɲɛm vaan nin, n yɔngu leviia o-tɔ́ndɔɔ. Leviia pila kɔanin nɛɛ naa n vanin baalaa tosaa-a le o-tɔ́ndɔ kon cuaa ni.

2Masaa 12:16

Hɔlte ve bɛɛ vanaa ndáà yɔngu volion le vanaa baalaa salaa-a kɔɔli le, kani a kɔl sandaa nda va dɛnɛ kon tosaa ni.