Nehemi 13:1 - BII BILA

¹ «Telen pilɛ kon, lɔ́ɔ́ nda va sɛbɛ Moise-o dimio vannda kpede o hɔl vakpa-o, má tiiya o fondaa pum, o va o sɛvaa lon maa le fɛɛn a fɛɛn Amɔnnda nda Moabua bɛnda mà luɛi o kunda vanaa Hala-a nin te.

Nehemi 13:1 Referans Kwoze

Nehemi 9:3

Mí nda kpow a lo isisi o fondala ndalan, má va nilan yaŋɔɔ o sɛbɛ tɔŋ Mɛlɛka ndaa, háá lɛɛlɛlan tan yáá. Má mulin vɛlɛ, má tosa lɛɛlɛlan tan yáá, a va vula baŋaa Mɛlɛka Hala ndaa o labɛngunin, le ndu ɲɔɔloo haliko mo mal nda haki.

Nehemi 13:23

O telen kon, mí ca maa Yuifia ndáà cii nin laandua yilɔɔ o vanlaandua Asdɔdea, Amɔnnda a Moabua tɛɛn.

2Masaa 23:2

Mí ndu masaa hel o Cɛi-Mɛlɛka-o nin nda vannda Yuda a haa Yerusalɛm, vanaa-solia-lasálàá, vanaa-tɛɛngaa-diom Hala-a a vanaa tɔ̀a kpow, kandɔɔ a cuaambɔa kɔ bii a kaasonnda kpede. Mó dimi sɔɔn va n'sɛvaa o sɛbɛ kpema ndáà saalun kon o Cɛi-Mɛlɛka-o nin-ndo nin-ndon vannda kpow o hɔl.

Dɛnnda kiilaa 15:21

Kani o co nin lɔ́ɔ́ levil, mí vannda co tɔŋ Moise-o vanaa celen pɛɛkoo o kobila yɛ́-yɛ́lan nin, a co vɛlɛ ndu dimio o cɛila lekaandan nin o palɛi pɛngiɛi coo lɔ́ɔ́-lɔ́ɔ̀.›»

Dɛnnda kiilaa 13:15

Ndáà ciiyo sɛbɛ tɔŋndo a sɛbɛla vanaa-tɛɛngaa-diom Hala-a dimio, mí simlacia cɛi lekaan kon dimul nda aa: «Puapilɛa naa, te la nɔ pɛ isɔɔ le vannda yoomuan lueiyo, mɛɛ la dimi.»

Luke 10:26

Mí Yeesu mulul ndu aa: «Yɛɛ co yɛ o sɛvaa o tɔŋndo nin? Vɛ̀ɛ̀ n bii yɛ ndu bila?»

Amɔs 1:13

Nuaa Mɛlɛka soo ni aa: «Le yɔŋnda vɔɔnnda yàála Amɔnnda tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a tɛɛndiaa vanlaandua lafolia Kalaad dembelan le lɛŋnde ndalen cɔɔloo.

Yeremi 48:1

Diom Mɛlɛka-Nɔ-Kpaayaa-Kpow-vo, o Hala Israɛlla dimi-o co hoo ni aa: «Dɛnɛ palaa co le vannda Nebo, kani kobi ndaa cuu itambu! Siɛmbulan la tol Kiriataim le biyɔɔ nda bii ndu-o! Siɛmbulan la co bɔɔ le kobi va kon o kpakio nin-ndo!

Esai 34:16

La nuwviaa o sɛbɛ Mɛlɛka-o nin mì la dimi ɲɛ co o sɛvaa-o. Visia kan kpow, o pilɛ bɛɛ lonin kɔɔli le, o pilɛ bɛɛ nuwviaanin caan ndɔ mo kɛɛ ndu cɔ le. Kani Mɛlɛka dimi ndi a sondo ndɔɔ le tosaa ni, kɔl ndɔɔ cuungiaanin nda ni.

Nehemi 4:3

O kon mí n piɛi Hala naa, mí n kɛsi kpalilla le ipala a le icɔl, yɔŋii nda va naa palaa a cɔwvo.

Nehemi 2:19

Lɔ́ɔ́ Sanballa Horoniinɔ nda Tobiya Amɔnnɔ, ó va vana ndɔ baalaa-o a Kesɛm Arabunɔ a tuei sɔɔn mún-ndo, má mam naa, má pɛɛsa vɛlɛ naa. Má dimi aa: ‹Yɛɛ niaa co yɛ kon tosaa? Masaa niaa yeema simullo ni?›

Nehemi 2:10

Lɔ́ɔ́ Sanballa Horoniinɔ nda Tobiya Amɔnnɔ, ó va vana ndɔ baalaa-o tuei maa vanndo pum hin le dɛnɛ kɛndɛ Israɛlla-o, má tambu kɔltan taw-taw.»

Kundalan 22:5

Mó viam kiilaa o Balaam po Beɔr-o lo, Balaam kon va icali Petɔr o pee bɛndoo Efrate ikɛi, lɛŋnde ndɔlen le va len ni. Mó congun nda aa mà kɔ veelul ndu ndu mà dimul ndu aa: «Vannda pum fula Esipte, má hun tiw o tàndà naa nin sɔ́, a kila calta ndalan ya macɛlu.

Nehemi 8:2

Mí Ɛsdras vana-solia-lasálàá hun a sɛbɛ tɔŋ kon vannda kpow o hɔl, vanpiaandua, vanlaandua a vanáà tiwba le tɔŋndo bilaa biyɔɔ-a kpow. Ɲinkon va paale taselen o paangii ŋɔmmɛwndɔɛi nin ni.